,,შიდა სახმელეთო წყლების სატრანსპორტო საშუალებების სახელმწიფო რეგისტრაციის წესის დამტკიცების შესახებ“ საქართველოს ეკონომიკისა და მდგრადი განვითარების სამინისტროს საჯარო სამართლის იურიდიული პირის საზღვაო ტრანსპორტის სააგენტოს დირექტორის 2024 წლის 27 დეკემბრის №67 ბრძანებაში ცვლილების შეტანის თაობაზე

ა) წესის პირველი მუხლის:

ა.ა) 1-ლი პუნქტი ჩამოყალიბდეს შემდეგი რედაქციით:

,,1. შიდა სახმელეთო წყლების სატრანსპორტო საშუალებების სახელმწიფო რეგისტრაციის წესი (შემდეგში – წესი) განსაზღვრავს საქართველოში შიდა სახმელეთო წყლების სატრანსპორტო საშუალებების (შემდეგში – სატრანსპორტო საშუალება) რეგისტრაციის პროცედურას, რეგისტრაციის პირობებს, სატრანსპორტო საშუალებების შიდა სახმელეთო წყლების სახელმწიფო რეესტრის (შემდეგში – რეესტრი) წარმოების წესს და დასარეგისტრირებელ მონაცემთა ჩამონათვალს, რეგისტრაციაზე უარის თქმის საფუძვლებს, დაკარგული ან დაზიანებული სარეგისტრაციო მოწმობის ნაცვლას დუბლიკატის გაცემის წესსა და რეგისტრაციის შეჩერების/შეწყვეტის საფუძვლებს.“

ა.ბ) მე-5 პუნქტი ჩამოყალიბდეს შემდეგი რედაქციით:

„5. სატრანსპორტო საშუალების რეგისტრაცია, რეგისტრაციაზე უარის თქმა და რეგისტრაციის შეჩერება/შეწყვეტა ხორციელდება საქართველოს ზოგადი ადმინისტრაციული კოდექსის VI თავით განსაზღვრული მარტივი ადმინისტრაციული წარმოების წესით.“

ა.გ) მე-9 პუნქტი ჩამოყალიბდეს შემდეგი რედაქციით:

„9. სააგენტოს გადაწყვეტილება სატრანსპორტო საშუალებების რეგისტრაციაზე ან რეესტრში რეგისტრირებულ მონაცემში ცვლილების შეტანაზე, აგრეთვე რეგისტრაციის შეჩერება/შეწყვეტა შეიძლება გასაჩივრდეს საქართველოს კანონმდებლობით დადგენილი წესით.“

ბ) წესის მე-2 მუხლის ,,დ“ პუნქტი ამოღებულ იქნეს.

გ) წესის მე-3 მუხლის მე-6 პუნქტის ,,ზ“ ქვეპუნქტი ჩამოყალიბდეს შემდეგი რედაქციით:

„ზ) გირავნობის ხელშეკრულების დედანი ან ნოტარიულად დამოწმებული ასლი (საჭიროების  შემთხვევაში);“

დ) წესის  V თავი ამოღებულ იქნეს.