„საქართველოს გარემოს დაცვისა და სოფლის მეურნეობის სამინისტროს სახელმწიფო საქვეუწყებო დაწესებულების – გარემოსდაცვითი ზედამხედველობის დეპარტამენტის ლოგოს, თანამშრომლის განმასხვავებელი ნიშნების მქონე სპეციალური ტანსაცმლის (უნიფორმის), სამსახურებრივი პირადობის მოწმობისა და ლუქის ნიმუშების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2018 წლის 27 ივლისის №2-615 ბრძანებაში ცვლილების შეტანის თაობაზე

დანართი №2

სახელმწიფო საქვეუწყებო დაწესებულების – გარემოსდაცვითი ზედამხედველობის დეპარტამენტის თანამშრომლის განმასხვავებელი ნიშნების მქონე სპეციალური ტანსაცმლის (უნიფორმის) ნიმუში

1. ზაფხულის ფორმა: ლურჯი ფერის შარვალი, ლურჯი ფერის მოკლემკლავიანი მაისური გადაფენილი საყელოთი და წინაფრიანი ლურჯი ფერის ქუდი. ქუდის წინა მხარეს და მაისურის წინა მარცხენა მხარეს გულთან წარწერა ,,გარემოსდაცვითი ზედამხედველობის დეპარტამენტი“, მაისურის უკანა მხარეს წარწერა ქართულ ენაზე ,,გარემოსდაცვითი ზედამხედველობის დეპარტამენტი“ ან „გარემოს დაცვა“.

[pic][pic]

2. საგაზაფხულო-საშემოდგომო ფორმა: ლურჯი ფერის შარვალი, ლურჯი ფერის გრძელმკლავიანი ხალათი, ლურჯი ფერის მაისური მომდგარი ყელით და წინაფრიანი ლურჯი ფერის ქუდი. ქუდის წინა მხარეს და ხალათის წინა მარცხენა მხარეს წარწერა ,,გარემოსდაცვითი ზედამხედველობის დეპარტამენტი“, ხალათის უკანა მხარეს დამუშავებული ახსნილი კოკეტკა, რომელშიც იმალება დაშტამპული წარწერა ქართულ ენაზე ,,გარემოსდაცვითი ზედამხედველობის დეპარტამენტი“ ან „გარემოს დაცვა“.

[pic][pic]

3. ზამთრის ფორმა: ლურჯი ფერის შარვალი, ლურჯი ფერის ნაქსოვი გრძელმკლავიანი პულოვერი გადაფენილი საყელოთი, ლურჯი ფერის თბილი გრძელი ქურთუკი, ლურჯი ფერის წინაფრიანი დათბუნული ქუდი და შავი ფერის ნაქსოვი ხელთათმანი. ქუდის წინა მხარეს, პულოვერის წინა მარცხენა მხარეს გულთან  წარწერა ,,გარემოსდაცვითი ზედამხედველობის დეპარტამენტი“. პულოვერის უკანა მხარეს წარწერა ქართულ ენაზე ,,გარემოსდაცვითი ზედამხედველობის დეპარტამენტი“ ან „გარემოს დაცვა“. ქურთუკის უკანა მხარეს დამუშავებული ახსნილი კოკეტკა, რომელშიც იმალება დაშტამპული წარწერა ქართულ ენაზე ,,გარემოსდაცვითი ზედამხედველობის დეპარტამენტი“ ან „გარემოს დაცვა“.

[pic] [pic]

[pic] [pic]

4. სპეცჟილეტი: ლურჯი ფერის უმკლავებო ჟილეტი, ჟილეტის წინა მარცხენა მხარეს გულთან წარწერა ,,გარემოსდაცვითი ზედამხედველობის დეპარტამენტი“ და ჟილეტის უკანა მხარეს დამუშავებული ახსნილი კოკეტკა, რომელშიც იმალება დაშტამპული წარწერა ქართულ ენაზე „გარემოსდაცვითი ზედამხედველობის დეპარტამენტი“ ან „გარემოს დაცვა“.

[pic] [pic]

5. საწვიმარი ლაბადა: ლურჯი ფერის საწვიმარი ლაბადა კაპიუშონით. საწვიმარი ლაბადის წინა მარცხენა მხარეს გულთან წარწერა ,,გარემოსდაცვითი ზედამხედველობის დეპარტამენტი“, საწვიმარი ლაბადის უკანა მხარეს დამუშავებული ახსნილი კოკეტკა, რომელშიც იმალება დაშტამპული წარწერა ქართულ ენაზე „გარემოსდაცვითი ზედამხედველობის დეპარტამენტი“ ან „გარემოს დაცვა“.

[pic][pic]

6. მაღალყელიანი ფეხსაცმელი: – ზამშის, ტყავის ან ტყავის და ქსოვილის ან ზამშის და ქსოვილის კომბინაციით შეკერილი თასმებზე შესაკრავი ზაფხულის და ზამთრის მაღალყელიანი ფეხსაცმელი.

7. დეპარტამენტის თანამშრომელთა განმასხვავებელი ნიშნების მქონე სპეციალური ტანსაცმლით (უნიფორმით) უზრუნველყოფა:

ა) დეპარტამენტი უზრუნველყოფს დეპარტამენტის თანამშრომელზე წელიწადში ერთხელ შემდეგი განმასხვავებელი ნიშნების მქონე სპეციალური ტანსაცმლის (უნიფორმის) გაცემას:

ა.ა) ორი ერთეული ლურჯი ფერის მოკლემკლავიანი მაისური გადაფენილი საყელოთი;

ა.ბ) ორი ერთეული ლურჯი ფერის შარვალი;

ა.გ) ერთი ერთეული ლურჯი ფერის გრძელმკლავიანი ხალათი;

ა.დ) ორი ერთეული ლურჯი ფერის მაისური მომდგარი ყელით;

ა.ე) ერთი ერთეული წინაფრიანი ლურჯი ფერის ქუდი;

ა.ვ) ერთი ერთეული ლურჯი ფერის ნაქსოვი გრძელმკლავიანი პულოვერი გადაფენილი საყელოთი;

ა.ზ) ერთი ერთეული ლურჯი ფერის უმკლავებო ჟილეტი;

ა.თ) ერთი ერთეული ლურჯი ფერის წინაფრიანი დათბუნებული ქუდი;

ა.ი) ერთი ერთეული შავი ფერის ნაქსოვი ხელთათმანი;

ა.კ) ერთი ერთეული მაღალყელიანი ფეხსაცმელი;

ბ) დეპარტამენტი უზრუნველყოფს დეპარტამენტის თანამშრომელზე 2 წელიწადში ერთხელ შემდეგი განმასხვავებელი ნიშნების მქონე სპეციალური ტანსაცმლის (უნიფორმის) გაცემას:

ბ.ა) ერთი ერთეული ლურჯი ფერის თბილი გრძელი ქურთუკი;

ბ.ბ) ერთი ერთეული ლურჯი ფერის საწვიმარი ლაბადა კაპიუშონით.

შენიშვნა:

ამ დანართის მე-7 პუნქტით განსაზღვრულ რაოდენობაზე დამატებით, განმასხვავებელი ნიშნების მქონე სპეციალური ტანსაცმლით (უნიფორმით) დეპარტამენტის თანამშრომელთა უზრუნველყოფა შესაძლებელია მოხდეს მხოლოდ იმ შემთხვევაში, როდესაც, დეპარტამენტის თანამშრომელს სამსახურებრივი მოვალეობის შესრულების დროს იმ დონეზე დაუზიანდება მასზე გადაცემული განმასხვავებელი ნიშნების მქონე სპეციალური ტანსაცმელი (უნიფორმა), რომ გამოუსადეგარი გახდება შემდგომი ხმარებისათვის და აღნიშნულის თაობაზე, ტერიტორიული ორგანოს უფროსი ან პირველადი სტრუქტურული ერთეულის ხელმძღვანელი, დასაბუთებული არგუმენტებით (მოხსენებითი ბარათის საფუძველზე) მიმართავს დეპარტამენტის უფროსს.

დანართი №3

სახელმწიფო საქვეუწყებო დაწესებულების – გარემოსდაცვითი ზედამხედველობის დეპარტამენტის თანამშრომლის სამსახურებრივი პირადობის მოწმობის ნიმუში

[pic]

დანართი №4

სახელმწიფო საქვეუწყებო დაწესებულების – გარემოსდაცვითი

ზედამხედველობის დეპარტამენტის ლუქის ნიმუშები

1. დანომრილი თვითწებვადი ლუქი №1-ის გახსნის შემთხვევაში მასზე ჩნდება ლუქის დაზიანების მიმანიშნებელი ინდიკატორული წარწერა, რომელიც მეორადი დაწებებისას არ იკარგება. ლუქზე შესაძლებელია დაწებების თარიღის და ხელმოწერის აღნიშვნა ბურთულიანი კალმით. ლუქი №1-ის ტექნიკური მახასიათებლებია:

ა) მასალა: პოლიეთილენი;

ბ) ზომები: არანაკლებ 20მმ X 63მმ და არაუმეტეს 25მმ X 70მმ;

გ) მარკირება: არანაკლებ ექვსნიშნა ციფრით.

ლუქი №1

[pic]

2. ლუქ №2-ს აქვს ჩამკეტი და დაცვის რამდენიმე ხარისხი. ლუქი №2-ის ტექნიკური მახასიათებლებია:

ა) მასალა: გამჭვირვალე აკრილი;

ბ) მარკირება: არანაკლებ შვიდნიშნა ციფრით, რომლის არანაკლებ ბოლო ოთხი ციფრი დუბლირდება ჩამკეტ ნაწილზე.

ლუქი №2