„სამედიცინო ჩარევების კლასიფიკაციისა და ამბულატორიული სერვისის მიმწოდებლების მინიმალური მოთხოვნების განსაზღვრის შესახებ“ საქართველოს შრომის, ჯანმრთელობისა და სოციალური დაცვის მინისტრის 2013 წლის 19 ივნისის №01-25/ნ ბრძანებაში ცვლილების შეტანის თაობაზე

 1. ბრძანების:

ა) პირველ პუნქტს დაემატოს შემდეგი შინაარსის „გ“ და „დ“ ქვეპუნქტები:

„გ) პირველადი ჯანდაცვის სისტემის შეფასების ინდიკატორების ჩამონათვალი (დანართი №3);

დ) ოჯახის ექიმისა და ექთნის სამუშაოთა აღწერილობები (დანართი №4).“.

ბ) მე-2 პუნქტი ჩამოყალიბდეს შემდეგი რედაქციით:

„2. ბრძანების პირველი პუნქტის „ბ“ და „გ“ ქვეპუნქტებით გათვალისწინებული პირობები  განსაზღვრულია მხოლოდ „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილების ფარგლებში დარეგისტრირებულ შესაბამისი მომსახურების მიმწოდებელი დაწესებულებებისთვის.“.

2. ბრძანებას დაემატოს №3 (პირველადი ჯანდაცვის სისტემის შეფასების ინდიკატორების ჩამონათვალი) და №4 (ოჯახის ექიმისა და ექთნის სამუშაოთა აღწერილობები) დანართები, თანდართული რედაქციით.

3. ბრძანებით დამტკიცებული  №1 დანართის  (ამბულატორიული სერვისის მიმწოდებლების მინიმალური მოთხოვნები):

ა)  პირველი მუხლის პირველი პუნქტი  ჩამოყალიბდეს შემდეგი რედაქციით:

„1. აღნიშნული მოთხოვნები ვრცელდება ამბულატორიული სერვისის მიმწოდებელ დაწესებულებებზე (აღნიშნული არ ვრცელდება სოფლის ექიმის სახელმწიფო პროგრამით განსაზღვრული მომსახურების მიმწოდებლებზე,  გარდა, ამავე დანართის მე- 4 მუხლის მე-8 და 8¹ პუნქტებით გათვალისწინებული პირობებისა) და ამბულატორიულად/დღის სტაციონარის პირობებში მაღალი რისკის შემცველი სამედიცინო საქმიანობების განმახორციელებელ სუბიექტებზე.“;

ბ) მე-4 მუხლის მე-8 პუნქტი ჩამოყალიბდეს შემდეგი რედაქციით:

„8. პირველადი ჯანდაცვის გუნდის სამედიცინო პერსონალი უწყვეტი პროფესიული განვითარების ფარგლებში უნდა აკმაყოფილებდნენ შემდეგ მოთხოვნებს:

ა) ექიმებისთვის (სპეციალობებში: „საოჯახო  მედიცინა“, „პედიატრია“, „შინაგანი მედიცინა“): უნდა მონაწილეობდეს უწყვეტი სამედიცინო განათლების პროგრამებში საოჯახო მედიცინის კომპეტენციებით გათვალისწინებული მიმართულებებით და 2025 წლის 1 იანვრისთვის (და შემდეგ ყოველწლიურად) მოიპოვოს 30 უსგ ქულა. ამასთან,  შესაბამისი ქულები მოპოვებული უნდა იყოს განსხვავებულ პროგრამებში მონაწილეობისთვის.

შენიშვნა: 2024 წელს მოპოვებული ქულების შეფასება განხორციელდება 2025 წლის 1 აპრილიდან. 2025 წლის 1 აპრილამდე შესაძლებელია 2024 წელს მოსაპოვებელი ქულების შევსებაც, თუმცა აღნიშნული ქულები არ იქნება ჩათვლილი 2025 წელს მოსაპოვებელი ქულების ჯამურ რაოდენობაში;

ბ) სოფლის ექიმებისთვის: უნდა მონაწილეობდეს უწყვეტი სამედიცინო განათლების პროგრამებში საოჯახო მედიცინის კომპეტენციებით გათვალისწინებული მიმართულებებით და 2027 წლის 1 იანვრისთვის (და შემდეგ, ყოველწლიურად) მოიპოვოს 30 უსგ ქულა, ამასთან, შესაბამისი ქულები მოპოვებული უნდა იყოს განსხვავებულ პროგრამებში მონაწილეობისთვის;

გ) ექთნებისთვის: უნდა მონაწილეობდეს უწყვეტი პროფესიული განვითარების პროგრამებში „ჯანმრთელობის დაცვის შესახებ“ საქართველოს კანონის შესაბამისად;

დ) პირველადი ჯანდაცვის გუნდის ექიმებსა (სპეციალობებში: „საოჯახო  მედიცინა“, „პედიატრია“, „შინაგანი მედიცინა“)  და ექთნებს უნდა ჰქონდეთ გავლილი გულ-ფილტვის რეანიმაციის კურსი 3 წელიწადში ერთხელ (შეფასდეს 2027 წლის 1 იანვრიდან);

გ) მე-4 მუხლს მე-8 პუნქტის შემდეგ დაემატოს 8¹ პუნქტი შემდეგი რედაქციით:

„8¹. ამ მუხლის მე-8 პუნქტით განსაზღვრული პირობების შეუსრულებლობის შემთხვევაში, სამედიცინო პერსონალს ეზღუდება „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილების ფარგლებში განსაზღვრული გეგმური ამბულატორიული მომსახურების მიწოდება“.“