ადიგენისა და ახალციხის რაიონებში სოფელ უდის დამეწყრილი მოსახლეობისათვის საკარმიდამო მიწის ფონდის გამოყოფის შესახებ

ადიგენისა და ახალციხის რაიონებში სოფელ უდის დამეწყრილი მოსახლეობისათვის საკარმიდამო მიწის ფონდის გამოყოფის შესახებ საქართველოს სსრ მინისტრთა საბჭოს დადგენილება №416 1990 წლის 14 აგვისტო ქ. თბილისი ადიგენისა და ახალციხის რაიონებში სოფელ უდის დამეწყრილი მოსახლეობისათვის საკარმიდამო მიწის ფონდის გამოყოფის შესახებ საქართველოს სსრ მინისტრთა საბჭო ადგენს: დამტკიცდეს სახალხო დეპუტატთა რაიონული საბჭოების აღმასკომების გადაწყვეტილებანი: ადიგენისა - 1990 წლის 6 აპრილის №150, ახალციხისა - 1990 წლის 31 მაისის № 6/148 და ამის შესაბამისად გამოეყოთ: 1. ადიგენის რაიონის სახელმწიფო მარაგის მიწებიდან ახალციხის რაიონის მიმდებარედ 103,5 ჰექტარი ფართობი (საძოვარი - 102,56 ჰექტარი, ნაგებობებით დაკავებული - 0,88 ჰექტარი, გზები - 0,06 ჰექტარი) - ახალციხის რაიონს, აქედან საკარმიდამო მიწის ფონდში სოფელ უდის დამეწყრილი მოსახლეობისათვის - 10,0 ჰექტარი საძოვარი. გამოყოფილ ფართობზე ისტორიული ძეგლის აღმოჩენის შემთხვევაში ეცნობოს საქართველოს სსრ მეცნიერებათა აკადემიის არქეოლოგიური კვლევის ცენტრს. 2. ახალციხის რაიონის სხვილისის მებოსტნეობა-მეხილეობის საბჭოთა მეურნეობის მიწებიდან ნაკვეთ „ფარეხაში“ – 24,86 ჰექტარი, აქედან: ამორტიზებული ხეხილის ბაღი - 7 ჰექტარი, სახნავი - 17,86 ჰექტარი, ადიგენის რაიონის საკარმიდამო მიწის ფონდში - სოფელ უდის დამეწყრილი ოჯახების დასასახლებლად, თითოეულს 0,25 ჰექტარის გათვალისწინებით. გამოყოფილი მიწის საკომპენსაციოდ სხვილისის საბჭოთა მეურნეობას წყრუთის საბჭოთა მეურნეობის მიწებიდან გადაეცეს მის მოსაზღვრედ მდებარე 12 ჰექტარი ფართობი, მათ შორის სახნავი - 9 ჰექტარი, ბაღი - 3 ჰექტარი. ახალციხის რაიონის სახალხო დეპუტატთა საბჭოს აღმასკომმა: - ტერიტორიის განაშენიანების პროექტი შეუთანხმოს საქართველოს სსრ არქიტექტურისა და ქალაქთმშენებლობის სახელმწიფო კომიტეტს; - უზრუნველყოს საკარმიდამოდ გამოყოფილი ფართობის არქეოლოგიური შესწავლა და შემდეგ გასცეს საკარმიდამოებად.  საქართველოს სსრ მინისტრთა საბჭოს თავმჯდომარე ნ. ჭითანავა საქართველოს სსრ მინისტრთა საბჭოს საქმეთა მმართველი ზ. მახარაძე