“საქართველოს საბაჟო საზღვარზე სარკინიგზო ტრანსპორტის გადაადგილებული საქონლის, მგზავრთა, მათი ბარგისა და ხელბარგის გადაადგილებისას საბაჟო კონტროლის გაუმჯობესების შესახებ" საქართველოს ფინანსთა მინისტრის 2002 წლის 6 დეკემბრის №396 ბრძანებაში ცვლილებისა და დამატების შეტანის შესახებ"

სახელმწიფო სარეგისტრაციო კოდი 230.150.080.22.033.008.761

საქართველოს ფინანსთა მინისტრის

ბრძანება №607

2006 წლის 13 ივნისი

ქ. თბილისი

,,საქართველოს საბაჟო საზღვარზე სარკინიგზო ტრანსპორტით გადაადგილებული საქონლის, მგზავრთა, მათი ბარგისა და ხელბარგის გადაადგილებისას საბაჟო კონტროლის გაუმჯობესების შესახებ“ საქართველოს ფინანსთა მინისტრის 2002 წლის 6 დეკემბრის №396 ბრძანებაში ცვლილებისა და დამატების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

 ,,საქართველოს საბაჟო საზღვარზე სარკინიგზო ტრანსპორტით გადაადგილებული საქონლის, მგზავრთა, მათი ბარგისა და ხელბარგის გადაადგილებისას საბაჟო კონტროლის გაუმჯობესების შესახებ“ საქართველოს ფინანსთა მინისტრის 2002 წლის 6 დეკემბერის №396 ბრძანებაში (სსმ III, 2002წ., №118, მუხ. 1037) შეტანილ იქნეს შემდეგი ცვლილება და დამატება:

ა) ბრძანების პრეამბულა ჩამოყალიბდეს შემდეგი რედაქციით:

,,საქართველოს საბაჟო საზღვარზე სარკინიგზო ტრანსპორტით გადაადგილებული საქონლის, მგზავრთა, მათი ბარგისა და ხელბარგის გადაადგილებისას საბაჟო კონტროლის გაუმჯობესების შესახებ“ საქართველოს პრეზიდენტის 2002 წლის 29 ოქტომბრის №452 ბრძანებულების, საქართველოსა და სომხეთის რესპუბლიკის ეკონომიკური თანამშრომლობის სამთავრობათაშორისო კომისიის 2005 წლის 29-30 სექტემბრის სხდომის ოქმის 5.3 პუნქტის შესრულებისა და საქართველოს საბაჟო კოდექსის 125-ე მუხლით გათვალისწინებული ღონისძიებების დარეგულირების მიზნით, ვბრძანებ:

ბ) დაემატოს შემდეგი შინაარსის ,,1¹“ პუნქტი:

,,1¹. საქართველოსა და სომხეთის რესპუბლიკას შორის სწრაფი სამგზავრო მატარებლის მიმოსვლასთან დაკავშირებული სარკინიგზო ტრანსპორტის, საქონლის, მგზავრთა, მათი ბარგისა და ხელბარგის გადაადგილებისას საბაჟო კონტროლის განხორციელების მიზნით, საბაჟო კონტროლის ზონად განისაზღვროს საბაჟო საზღვრიდან ქ. თბილისის რკინიგზის სამგზავრო სადგურის ტერიტორიის ჩათვლით და უკუმიმართულებით მოძრავი ერევანი-ბათუმი-ერევანი, ბათუმი-ერევანი-ბათუმის საერთაშორისო სარკინიგზო მიმოსვლის ძირითადი მარშრუტის მსვლელობის სწრაფი სამგზავრო მატარებელი“.

    მუხლი 2

ბრძანება ამოქმედდეს გამოქვეყნებისთანავე.

ა. ალექსიშვილი