მარნეულის რაიონის ყულარის მევენახეობის საბჭოთა მეურნეობის მიწებიდან ხულოს რაიონის სტიქიისაგან დაზარალებული ოჯახების დასასახლებლად საკარმიდამო მიწის ფონდის გამოყოფის შესახებ

მარნეულის რაიონის ყულარის მევენახეობის საბჭოთა მეურნეობის მიწებიდან ხულოს რაიონის სტიქიისაგან დაზარალებული ოჯახების დასასახლებლად საკარმიდამო მიწის ფონდის გამოყოფის შესახებ საქართველოს სსრ მინისტრთა საბჭო დადგენილება №400 1990 წლის 14 აგვისტო ქ. თბილისი მარნეულის რაიონის ყულარის მევენახეობის საბჭოთა მეურნეობის მიწებიდან ხულოს რაიონის სტიქიისაგან დაზარალებული ოჯახების დასასახლებლად საკარმიდამო მიწის ფონდის გამოყოფის შესახებ საქართველოს სსრ მინისტრთა საბჭო ადგენს: 1. დამტკიცდეს მარნეულის რაიონის სახალხო დეპუტატთა საბჭოს აღმასკომის 1990 წლის 28 თებერვლის № 21 გადაწყვეტილება და გამოეყოს ყულარის მევენახეობის საბჭოთა მეურნეობის მიწებიდან 61,46 ჰექტარი (სახნავი - 25,76 ჰექტარი, ამორტიზებული ვენახი - 31,19, საძოვარი - 1,50, გზები - 3,01 ჰექტარი) ამავე მეურნეობის საკარმიდამო მიწის ფონდში ხულოს რაიონის სტიქიით დაზარალებული ოჯახების დასასახლებლად. 2. მარნეულის რაიონის სახალხო დეპუტატთა საბჭოს აღმასკომმა: - გამოყოფილ ფართობზე ისტორიული ძეგლის აღმოჩენის შემთხვევაში აცნობოს საქართველოს სსრ მეცნიერებათა აკადემიის არქეოლოგიური კვლევის ცენტრს; - მშენებლობის დაწყებამდე უზრუნველყოს იქ გავრცელებული გრუნტების სპეციალური საინჟინრო-გეოლოგიური გამოკვლევა; - რჩევა მისცეს ყულარის მევენახეობის საბჭოთა მეურნეობას გამოყოფილი მიწის სამაგიეროდ აითვისოს ტოლფარდი მიწის ფართობი სახნავად. საქართველოს სსრ მინისტრთა საბჭოს  თავმჯდომარე ნ. ჭითანავა საქართველოს სსრ მინისტრთა საბჭოს   საქმეთა მმართველი ზ. მახარაძე