ქალთა და ბავშვთა საკითხებზე მომუშავე დუშეთის მუნიციპალური საბჭოს შექმნისა და მისი დებულების დამტკიცების შესახებ

ქალთა და ბავშვთა საკითხებზე მომუშავე დუშეთის მუნიციპალური საბჭოს შექმნისა და მისი დებულების დამტკიცების შესახებ დუშეთის მუნიციპალიტეტის საკრებულოს დადგენილება №16 2025 წლის 30 მაისი ქ. დუშეთი ქალთა და ბავშვთა საკითხებზე მომუშავე დუშეთის მუნიციპალური საბჭოს შექმნისა და მისი დებულების დამტკიცების შესახებ „ადგილობრივი თვითმმართველობის კოდექსი“ საქართველოს ორგანული კანონის  61-ე მუხლის პირველი, მე-2 პუნქტების და „ქალისა და მამაკაცის თანასწორობის შესახებ“ საქართველოს კანონის მე-13 მუხლის 1​1 პუნქტის შესაბამისად, დუშეთის მუნიციპალიტეტის საკრებულო ადგენს: მუხლი 1🔗 დუშეთის მუნიციპალიტეტში ქალის და მამაკაცის თანასწორობის საკითხებზე სისტემური და საქართველოს მთავრობის  მიერ შექმნილ ქალისა და მამაკაცის თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორის კომისიასთან კოორდინირებული მუშაობის  უზრუნველსაყოფად შეიქმნას დუშეთის  მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭო. მუხლი 2🔗 დამტკიცდეს „ქალთა და ბავშვთა საკითხებზე მომუშავე დუშეთის მუნიციპალური საბჭოს“ დებულება, დანართის შესაბამისად. მუხლი 3🔗 ძალადაკარგულად გამოცხადეს დუშეთის  მუნიციპალიტეტის 2017 წლის 4 აგვისტოს №26 დადგენილება „დუშეთის მუნიციპალური გენდერული თანასწორობის საბჭოს” შექმნისა და მისი დებულების დამტკიცების შესახებ (matsne.gov.ge, 04/08/2017,  სარეგისტრაციო კოდი 010250050.35.152.016306). მუხლი 4🔗 დადგენილება ამოქმედდეს გამოქვეყნებისთანავე. დუშეთის მუნიციპალიტეტის საკრებულოს თავმჯდომარეკახაბერ ჩიტაური დანართი ქალთა და ბავშვთა საკითხებზე მომუშავე დუშეთის მუნიციპალური საბჭოს დებულება მუხლი 1🔗. ზოგადი დებულებები 1. „ქალისა და მამაკაცის თანასწორობის შესახებ“ საქართველოს კანონის შესაბამისად, დუშეთის მუნიციპალიტეტის საკრებულო ქმნის „ქალთა და ბავშვთა საკითხებზე მომუშავე დუშეთის მუნიციპალურ საბჭოს“ (შემდგომში – საბჭო). 2.  საბჭო თავის  საქმიანობას წარმართავს  საქართველოს  კონსტიტუციის,   საქართველოს ორგანული კანონის  ,,ადგილობრივი თვითმმართველობის კოდექსი“, ქალისა და მამაკაცის თანასწორობის შესახებ საქართველოს კანონის,   ამ დებულებისა და სხვა სამართლებრივი აქტების შესაბამისად. 3.  საბჭოს  უფლებამოსილება  და  საქმიანობის  წესი  განისაზღვრება  ამ  დებულებით. მუხლი 2🔗. საბჭოს ძირითადი ამოცანები, ფუნქციები და უფლებამოსილებანი 1. საბჭოს ძირითადი ამოცანები და ფუნქციებია: ა) საქართველოს მთავრობის  მიერ შექმნილ ქალისა და მამაკაცის თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორის კომისიასთან კოორდინირებული მუშაობის წარმართვა. ბ) დუშეთის მუნიციპალიტეტის ორგანოების მიერ მიღებული სამართლებრივი აქტების ანალიზის      განხორციელება და საჭიროების შემთხვევაში ქალის და მამაკაცის  უთანასწორობის აღმოფხვრის უზრუნველსაყოფად წინადადებების  შემუშავება; გ) კომპეტენციის ფარგლებში საქართველოს კანონმდებლობის ანალიზის განხორციელება, საჭიროების   შემთხვევაში ქალისა და მამაკაცის  უთანასწორობის აღმოფხვრის  უზრუნველსაყოფად წინადადებების შემუშავება და საქართველოს მთავრობის ქალისა და მამაკაცის თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორის კომისიის წარდგენა; დ) დუშეთის მუნიციპალიტეტის ორგანოების სამართლებრივი აქტების პროექტების ექსპერტიზა ქალის და მამაკაცის  თანასწორობის შეფასების თვალსაზრისით, საჭიროების შემთხვევაში  წინადადებების შემუშავება და  შესაბამისი ორგანოსთვის წარდგენა;  ე) ქალის და მამაკაცის  თანასწორობის  მისაღწევად, ქალთა და მამაკაცთა თანასწორი უფლებების რეალიზაციისათვის ცალკეული ღონისძიებების შემუშავება და დაგეგმვა; ვ) ქალის და მამაკაცის   თანასწორობის უზრუნველსაყოფად განხორციელებული ღონისძიებების მონიტორინგისა და შეფასების სისტემის შემუშავება და დანერგვა, ასევე შესაბამისი რეკომენდაციების მომზადება; ზ) ქალის და მამაკაცის თანასწორობის საკითხის შესწავლასთან დაკავშირებული ნებისმიერი ინფორმაციის და დოკუმენტაციის გამოთხოვა და მიღება, გარდა ისეთი დოკუმენტებისა, რომელთა კონფინდეციალურობაც დაცულია საქართველოს კანონმდებლობის შესაბამისად; თ) ქალის და მამაკაცის  თანასწორობის  დარღვევის თაობაზე წარდგენილი განცხადებების, დოკუმენტაციის და სხვა ინფორმაციის განხილვა, თავისი კომპეტენციის ფარგლებში მათზე რეაგირების მოხდენა და შესაბამისი რეკომენდაციების  შემუშავება; ი) საბჭოს საქმიანობის შესახებ ანგარიშის მომზადება და წელიწადში ერთხელ დუშეთის მუნიციპალიტეტის საკრებულოსთვის წარდგენა; კ) წინადადებებისა და რეკომენდაციების მომზადება დუშეთის მუნიციპალიტეტის საკრებულოსათვის ან/და საქართველოს მთავრობის ქალისა და მამაკაცის თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორის კომისიაზე წარსადგენად. 2. საბჭო უფლებამოსილია: ა) ქალის და მამაკაცის  თანასწორობის   საკითხებთან დაკავშირებით წარმოადგინოს დუშეთის მუნიციპალიტეტი; ბ) ქალის და მამაკაცის  თანასწორობის    საკითხების შესწავლისა და განხილვის დროს მოიწვიოს სხვადასხვა უწყების წარმომადგენლები, არასამთავრობო  და  საერთაშორისო  ორგანიზაციების  წარმომადგენლები, დამოუკიდებელი  ექსპერტები; გ) განახორციელოს საქართველოს კანონმდებლობით მინიჭებული სხვა უფლებამოსილებები. მუხლი 3🔗. საბჭოს სტრუქტურა 1. საბჭოს წევრთა რაოდენობა არ უნდა იყოს 7-ზე ნაკლები. საბჭო შედგება საბჭოს თავმჯდომარის, თავმჯდომარის მოადგილის, საბჭოს მდივნის და სხვა წევრებისაგან. 2. საბჭოს თავმჯდომარეობს დუშეთის მუნიციპალიტეტის საკრებულოს თავმჯდომარე ან მისი დავალებით – საკრებულოს თავმჯდომარის ერთ-ერთი მოადგილე. 3. საბჭოს შემადგენლობაში თანამდებობრივად შედიან: საკრებულოს თავმჯდომარე, საკრებულოს თავმჯდომარის ერთ-ერთი მოადგილე, სურვილის შემთხვევაში საკრებულოს კომისიის თავმჯდომარეები და წევრები.  ასევე, საბჭოს შემადგენლობაში შეიძლება შედიოდნენ  დუშეთის  მუნიციპალიტეტის საკრებულოსა და მერიის საჯარო მოხელეები და მუნიციპალიტეტის ტერიტორიაზე შესაბამის სფეროში საქმიანობის განმახორციელებელი სხვადასხვა ორგანიზაციების წარმომადგენლები, ექსპერტები და მეცნიერები. 4. საბჭოს შემადგენლობას განსაზღვრავს და ბრძანებით ამტკიცებს დუშეთის მუნიციპალიტეტის საკრებულოს   თავმჯდომარე. 5.   საბჭოს წევრთა 40%-ზე ნაკლები არ უნდა იყოს ერთი სქესის წარმომადგენელი. 6. დუშეთის მუნიციპალიტეტის საკრებულოს თავმჯდომარის ბრძანებით საბჭოსთან შესაძლებელია შეიქმნას სამუშაო ჯგუფი, რომლის შემადგენლობას და საქმიანობის ფორმებს განსაზღვრავს საკრებულოს თავმჯდომარე. დუშეთის მუნიციპალიტეტის საკრებულოს 2022 წლის 19 აპრილის დადგენილება №13 - ვებგვერდი, 21.04.2022წ. მუხლი 4🔗. საბჭოს ხელმძღვანელობა და მუშაობის წესი 1. საბჭოს ხელმძღვანელობს საბჭოს თავმჯდომარე, რომელიც იწვევს და წარმართავს საბჭოს სხდომებს, ამტკიცებს სხდომის დღის წესრიგს და უძღვება საბჭოს საქმიანობას. 2. საბჭოს     თავმჯდომარის     არყოფნის     შემთხვევაში     მის    უფლებამოსილებას       ახორციელებს  საბჭოს თავმჯდომარის მოადგილე  ან საბჭოს თავმჯდომარის გადაწყვეტილებით – საბჭოს ერთ-ერთი წევრი. 3. საბჭოს სხდომა უფლებამოსილია, თუ მას ესწრება საბჭოს წევრთა უმრავლესობა. 4. საბჭოს სხდომაზე საკითხის გატანის უფლება აქვს საბჭოს თავმჯდომარეს და საბჭოს წევრს. 5. საბჭოს თითოეულ წევრს აქვს ერთი ხმის უფლება. 6.  საბჭოს  სხდომაზე  გადაწყვეტილება  მიიღება  საბჭოს  დამსწრე  წევრთა  ხმების უმრავლესობით.  ხმების თანაბრად გაყოფის შემთხვევაში გადამწყვეტია საბჭოს თავმჯდომარის ხმა. 7. საბჭო იკრიბება საბჭოს თავმჯდომარის ან საბჭოს წევრთა ერთი მესამედის ინიციატივით. 8. საბჭოს სხდომების ორგანიზებასა და საბჭოს გადაწყვეტილებების შესრულების კონტროლს უზრუნველყოფს საბჭოს მდივანი. 9.  საბჭოს  სხდომა  ფორმდება  ოქმით,  რომელსაც  ხელს  აწერენ  საბჭოს  თავმჯდომარე  და  საბჭოს  მდივანი. 10. საბჭოს  სხდომის ოქმი ქვეყნდება საკრებულოს რეგლამენტით დადგენილი წესით. 11. საბჭოს სხდომის ოქმში შეტანილი წინადადებები და რეკომენდაციები ეგზავნებათ ადგილობრივი   თვითმმართველობის შესაბამის ორგანოებსა და თანამდებობის პირებს, რომლებიც ვალდებულნი არიან 1 თვის ვადაში განიხილონ მიღებული წინადადებები, რეკომენდაციები და მიღებული გადაწყვეტილებების შესახებ აცნობონ საბჭოს. მუხლი 5🔗. საბჭოს საქმიანობის ორგანიზაციულ-ტექნიკური უზრუნველყოფა საბჭოს საქმიანობის ორგანიზაციულ-ტექნიკურ უზრუნველყოფას ახორციელებს დუშეთის მუნიციპალიტეტის საკრებულოს აპარატი.