კასპის რაიონში რესპუბლიკური გაერთიანება „საქკოლმჯანმრთელობის“ გოსტიბის სასოფლო-სამეურნეო საწარმოს სრულიად საქართველოს საპატრიარქოსათვის გადაცემის შესახებ

კასპის რაიონში რესპუბლიკური გაერთიანება „საქკოლმჯანმრთელობის“ გოსტიბის სასოფლო-სამეურნეო საწარმოს სრულიად საქართველოს საპატრიარქოსათვის გადაცემის შესახებ საქართველოს სსრ მინისტრთა საბჭოს დადგენილება № 611 1990 წლის 29 ოქტომბერი ქ. თბილისი კასპის რაიონში რესპუბლიკური გაერთიანება „საქკოლმჯანმრთელობის“ გოსტიბის სასოფლო-სამეურნეო საწარმოს სრულიად საქართველოს საპატრიარქოსათვის გადაცემის შესახებ საქართველოს სსრ მინისტრთა საბჭო ადგენს: დამტკიცდეს კასპის რაიონის სახალხო დეპუტატთა საბჭოს აღმასკომის 1990 წლის 22 ივნისის №164 გადაწყვეტილება და რესპუბლიკური გაერთიანება „საქკოლმჯანმრთელობის“ გოსტიბის სასოფლო-სამეურნეო საწარმო 591,24 ჰექტარი ფართობით (აქედან: სახნავი — 117 ჰექტარი, საკარმიდამო მიწები — 50 ჰექტარი, სათიბ-საძოვარი — 424,24 ჰექტარი, სოფლები: ქვემო გოსტიბე — 150 ჰექტარი, ზემო გოსტიბე — 250,62 ჰექტარი, კაბერი — 71,87 ჰექტარი, ჭავჭავი — 60,94 ჰექტარი, ჭალების წილი — 9,37 ჰექტარი, ნატბეური — 48,44 ჰექტარი) გადაეცეს სრულიად საქართველოს საპატრიარქო სასოფლო-სამეურნეო წარმოების მოსაწყობად. საქართველოს სსრ მინისტრთა საბჭოს                                                              ნ. ჭითანავა საქართველოს სსრ მინისტრთა საბჭოს  თავმჯდომარე საქმეთა მმართველის მოადგილე                                                                      ა.პაიჭაძე