“ექსტერნატის ფორმით განათლების სერტიფიცირების დებულების დამტკიცების შესახებ" საქართველოს განათლებისა და მეცნიერების მინისტრის 2006 წლის 22 მაისის №452 ბრძანებაში დამატების შეტანის შესახებ"
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
სახელმწიფო სარეგისტრაციო კოდი 430.210.000.22.022.008.950
საქართველოს განათლებისა და მეცნიერების მინისტრის
ბრძანება №704
2006 წლის 17 ივლისი
ქ. თბილისი
„ექსტერნატის ფორმით განათლების სერტიფიცირების დებულების დამტკიცების შესახებ“ საქართველოს განათლებისა და მეცნიერების მინისტრის 2006 წლის 22 მაისის №452 ბრძანებაში დამატების შეტანის შესახებ
„საქართველოს მთავრობის სტრუქტურის, უფლება-მოსილებისა და საქმიანობის წესის შესახებ“ საქართველოს კანონის 21-ე მუხლის 1-ლი პუნქტის, „ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
1. „ექსტერნატის ფორმით განათლების სერტიფიცირების დებულების დამტკიცების შესახებ“ საქართველოს განათლებისა და მეცნიერების მინისტრის 2006 წლის 22 მაისის №452 ბრძანებით დამტკიცებული დებულების (სსმ III, 25.05.06 წ., №70, მუხ. 883) მე-2 მუხლს დაემატოს მე-19 პუნქტი შემდეგი რედაქციით:
„19) ამ მუხლის მე-3 პუნქტით განსაზღვრული სკოლის დირექტორი, საგამოცდო კომისიის გადაწყვეტილების საფუძველზე, ინდივიდუალური ადმინისტრაციულ-სამართლებრივი აქტით ამტკიცებს იმ პირთა ნუსხას, რომლებმაც დაწყებითი ან საბაზო საფეხურის ცალკეული კლასის ექსტერნატის ფორმით გამოცდები დაძლიეს წარმატებით. სკოლის დირექტორის ინდივიდუალური ადმინისტრაციულ-სამართლებრივი აქტით გათვალისწინებულ თითოეულ პირზე სკოლის დირექტორის მიერ გაიცემა დაწყებითი ან საბაზო საფეხურის ცალკეული კლასის ექსტერნატის ფორმით გამოცდების წარმატებით დაძლევის დამადასტურებელი ცნობა ან საბაზო ზოგადი განათლების ექსტერნატის ფორმით მიღების დამადასტურებელი დოკუმენტი.“.
2. ბრძანება ამოქმედდეს გამოქვეყნებისთანავე.
ა. ლომაია