მცხეთის რაიონში სამხედრო ოპერატიული აეროდრომის ასაშენებლად 1941 წელს გამოყოფილი და დანიშნულებისამებრ დღემდე გამოუყენებელი მიწის ფართობის ყოფილი მიწათმოსარგებლისათვის დაბრუნების შესახებ

საქართველოს რესპუბლიკის მთავრობის დადგენილება მოქმედი
მიღების თარიღი 22.07.1991
გამომცემი ორგანო საქართველოს რესპუბლიკის მთავრობა
ნომერი №577
სარეგისტრაციო კოდი 000000250.02(0).000.000173 37
გამოქვეყნების წყარო matsne.gov.ge, 7, 31/07/1991
218 სიტყვა · ~1 წთ
📄 ტექსტზე გადასვლა ↓
22.07.1991 მიღება

დოკუმენტის ტექსტი

მცხეთის რაიონში სამხედრო ოპერატიული აეროდრომის ასაშენებლად 1941 წელს გამოყოფილი და დანიშნულებისამებრ დღემდე გამოუყენებელი მიწის ფართობის ყოფილი მიწათმოსარგებლისათვის დაბრუნების შესახებ საქართველოს რესპუბლიკის მთავრობის დადგენილება №577 1991 წლის 22 ივლისი ქ. თბილისი მცხეთის რაიონში სამხედრო ოპერატიული აეროდრომის ასაშენებლად 1941 წელს გამოყოფილი და დანიშნულებისამებრ დღემდე გამოუყენებელი მიწის ფართობის ყოფილი მიწათმოსარგებლისათვის დაბრუნების შესახებ საქართველოს რესპუბლიკის მთავრობა აღნიშნავს, რომ მცხეთის რაიონის სოფელ ნატახტარისა და სოფელ ახალუბნის კოლმეურნეობათა (ამჟამად ნატახტარის მებოსტნეობის მეურნეობა) მიწებიდან ამიერკავკასიის სამხედრო ოლქისათვის სამხედრო ოპერატიული  აეროდრომის ასაშენებლად 50 წლის წინათ გამოყოფილი 138,25 ჰექტარი და ამ ფართობის მიმდებარედ სამხედრო უწყების ფაქტობრივ სარგებლობაში არსებული 28 ჰექტარი, სულ 166,25 ჰექტარი მიწა დღემდე არ არის გამოყენებული დანიშნულებისამებრ და მას სამხედრო უწყებები და სხვადასხვა ორგანიზაციები არამიზნობრივად იყენებენ, რაც აქ მცხოვრები მოსახლეობის (ვისაც ადრე ეს მიწები ეკუთვნოდა) სამართლიან უკმაყოფილებას იწვევს. სსრ კავშირისა და  მოკავშირე რესპუბლიკების მიწის კანონმდებლობის საფუძვლების (მე-9 მუხლი), აგრეთვე საქართველოს რესპუბლიკის მიწის კოდექსის (36-ე მუხლი) მოთხოვნების შესაბამისად საქართველოს რესპუბლიკის მთავრობა ადგენს: ძალადაკარგულად ჩაითვალოს საქართველოს სახალხო კომისართა საბჭოს 1941 წლის 13 ივლისის № 1280 დადგენილება „მცხეთის რაიონის სოფელ ნატახტარში ამიერკავკასიის სამხედრო ოლქისათვის ოპერატიულ აეროდრომის ასაშენებლად 138,25 ჰექტარი მიწის ფართობის გამოყოფის შესახებ“ და ამ დადგენილებით გამოყოფილი 138,25 ჰექტარი და ამ ფართობის მიმდებარედ სამხედრო უწყებების ფაქტობრივ სარგებლობაში არსებული 28 ჰექტარი, სულ 166,25 ჰექტარი მიწა, როგორც 50 წლის მანძილზე დანიშნულებისამებრ გამოუყენებელი, დაუბრუნდეს ნატახტრის მებოსტნეობის მეურნეობას. საქართველოს რესპუბლიკის მთავრობის თავმჯდომარე                                                                                        თ. სიგუა საქართველოს რესპუბლიკის მთავრობის სახელმწიფო კანცელარიის მმართველი                                                გ. ბერიძე