„ბუნებრივი გაზის მიწოდებისა და მოხმარების წესების“ დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2009 წლის 9 ივლისის №12 დადგენილებაში ცვლილების შეტანის თაობაზე

საქართველოს ენერგეტიკისა და წყალმომარაგების მარეგულირებელი

ეროვნული კომისიის

2025 წლის 7 აგვისტო

ქ. თბილისი

1. პირველი პუნქტით დამტკიცებული „ბუნებრივი გაზის მიწოდებისა და მოხმარების წესების“:

ა) მე-4 მუხლს:

ა.ა) მე-5 პუნქტის შემდგომ დაემატოს შემდეგი შინაარსის 5¹ პუნქტი:

„5¹. მიმწოდებელი უფლებამოსილია, გადაამოწმოს განაცხადში მითითებული პირადი და მაიდენტიფიცირებელი მონაცემები სსიპ „სახელმწიფო სერვისების განვითარების სააგენტოს“ მონაცემთა ბაზაში.“;

ა.ბ) მე-6 პუნქტი ჩამოყალიბდეს შემდეგი რედაქციით:

„6. მიმწოდებელს უფლება აქვს უარი თქვას ბუნებრივი გაზის ნასყიდობის ხელშეკრულების გაფორმებასა და ამ საცალო მომხმარებლის ბუნებრივი გაზით მომარაგებაზე, თუ აშკარად შეუძლებელია მომსახურების გაწევა ტექნიკური მიზეზების გამო, ასევე, თუ განაცხადში მითითებული პირადი და მაიდენტიფიცირებელი  მონაცემები (გარდა საკონტაქტო მონაცემებისა) არ ემთხვევა სსიპ „სახელმწიფო სერვისების განვითარების სააგენტოს“ მონაცემთა ბაზაში არსებულ მონაცემებს, რაც შეუძლებელს ხდის განმცხადებლის იდენტიფიცირებასა და მასთან ხელშეკრულების გაფორმებას.“;

ბ) მე-18 მუხლს მე-8 პუნქტის შემდეგ დაემატოს შემდეგი შინაარსის 8¹ პუნქტი:

„8¹. განაწილების ლიცენზიატი უფლებამოსილია, გადაამოწმოს განაცხადში მითითებული პირადი და მაიდენტიფიცირებელი მონაცემები სსიპ „სახელმწიფო სერვისების განვითარების სააგენტოს“ მონაცემთა ბაზაში. იმ შემთხვევაში, თუ განაცხადში მითითებული პირადი და მაიდენტიფიცირებელი ინფორმაცია (გარდა საკონტაქტო მონაცემებისა) არ ემთხვევა სსიპ „სახელმწიფო სერვისების განვითარების სააგენტოს“ მონაცემთა ბაზაში არსებულ ინფორმაციას, განაწილების ლიცენზიატს უფლება აქვს იმოქმედოს ამ მუხლის მე-16 პუნქტით განსაზღვრული წესით.“;

გ) 19¹ მუხლის:

გ.ა) 2¹ პუნქტის შემდგომ დაემატოს შემდეგი შინაარსის 2² პუნქტი:

„2². განაწილების ლიცენზიატი უფლებამოსილია, გადაამოწმოს განაცხადში მითითებული პირადი და მაიდენტიფიცირებელი მონაცემები სსიპ „სახელმწიფო სერვისების განვითარების სააგენტოს“ მონაცემთა ბაზაში.“;

გ.ბ) 3¹ პუნქტის „ბ“ ქვეპუნქტს დაემატოს შემდეგი შინაარსის „გ“ ქვეპუნქტი:

„გ) განაცხადში მითითებული პირადი და მაიდენტიფიცირებელი მონაცემები არ ემთხვევა სსიპ „სახელმწიფო სერვისების განვითარების სააგენტოს“ მონაცემებს (გარდა საკონტაქტო მონაცემებისა), რაც შეუძლებელს ხდის განმცხადებლის სწორ იდენტიფიცირებასა და მასთან ხელშეკრულების გაფორმებას.“.