“აქციზური მარკების ნომინალური ღირებულების დამტკიცების შესახებ" საქართველოს ფინანსთა მინისტრის 2005 წლის 13 იანვრის №21 ბრძანებაში ცვლილების შეტანის თაობაზე"

სახელმწიფო სარეგისტრაციო კოდი 200.120.000.22.033.009.091

საქართველოს ფინანსთა მინისტრის

ბრძანება №979

2006 წლის 15 აგვისტო

ქ. თბილისი

„აქციზური მარკის ნომინალური ღირებულების დამტკიცების შესახებ“ საქართველოს ფინანსთა მინისტრის    2005 წლის 13 იანვრის №21 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

1. „აქციზური მარკის ნომინალური ღირებულების დამტკიცების შესახებ“ საქართველოს ფინანსთა მინისტრის 2005 წლის 13 იანვრის №21 ბრძანებაში (სსმ III, 2005 წ., №6, მუხლი 76) შეტანილ იქნეს ცვლილება და მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) 1000 (ათასი) ცალი ,,აქციზური მარკების ფერებისა და მათზე დატანილი ნუმერაციის განმსაზღვრელი სისტემის შესახებ“ საქართველოს ფინანსთა მინისტრის 2006 წლის 6 თებერვლის №89 ბრძანებით განსაზღვრული აქციზური მარკა ლუდის ნაწარმისათვის 3,927 ევრო, „აქციზური მარკების ფერებისა და მათზე დატანილი ნუმერაციის განმსაზღვრელი სისტემის შესახებ“ საქართველოს ფინანსთა მინისტრის 2004 წლის 2 ნოემბრის №707 ბრძანებით განსაზღვრული აქციზური მარკა ლუდის ნაწარმისათვის (ახალი ტიპის) 2,866 ევრო, ხოლო საქართველოს ფინანსთა მინისტრის 2004 წლის 2 ნოემბრის №707 ბრძანების ძალაში შესვლამდე მოქმედი (ძველი ტიპის) აქციზური მარკა ლუდის ნაწარმისათვის – 5,1 აშშ დოლარი.“.

2. ბრძანება ამოქმედდეს გამოქვეყნებისთანავე.

ა. ალექსიშვილი