„სართიჭალის ტერიტორიული ორგანოში შემავალი სოფლების სართიჭალისა და მუღანლოს დამისამართების შესახებ“ გარდაბნის მუნიციპალიტეტის საკრებულოს 2012 წლის 8 ივნისის №76 განკარგულებაში ცვლილების შეტანის შესახებ

შეტანილ იქნეს ცვლილება „სართიჭალის ტერიტორიული ორგანოში შემავალი სოფლების სართიჭალისა და მუღანლოს დამისამართების შესახებ“ გარდაბნის მუნიციპალიტეტის საკრებულოს 2012 წლის 8 ივნისის №76 განკარგულების დანართში და გარდაბნის მუნიციპალიტეტის სართიჭალის ადმინისტრაციულ ერთეულში შემავალი, სოფელ მუღანლოში არსებული ქუჩების ცვლილება და სახელწოდების არმქონე გეოგრაფიული ობიექტების სახელდება, არაბული ციფრების გამოყენებით, განხორციელდეს დანართი №1-ის (გეოგრაფიული ობიექტების ჩამონათვალი) და სიტუაციური რუკის №1 შესაბამისად, ხოლო სოფელ სართიჭალაში არსებული ქუჩა №27 გაგრძელდეს დანართი №2-ის (სიტუაციური ნახაზი) და №2-ის (სიტუაციური რუკა) შესაბამისად.

განკარგულება რეაგირებისთვის გადაეგზავნოს გარდაბნის მუნიციპალიტეტის მერიას.

განკარგულება მიღებიდან 10 დღის ვადაში გადაეგზავნოს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს – სახელმწიფო სერვისების განვითარების სააგენტოს, საქართველოს შინაგან საქმეთა სამინისტროსა და საქართველოს ცენტრალურ საარჩევნო კომისიას, აგრეთვე საჯარო რეესტრის ეროვნულ სააგენტოს.

განკარგულება, მისი მიღებიდან 10 დღის ვადაში, გამოქვეყნდეს „საქართველოს საკანონმდებლო მაცნეს“ ვებგვერდზე.

განკარგულება ძალაშია ხელმოწერისთანავე.

განკარგულება შეიძლება გასაჩივრდეს რუსთავის საქალაქო სასამართლოში მისამართზე: ქ. რუსთავი, ბოსტანქალაქის ქუჩა №6, „საქართველოს ადმინისტრაციული საპროცესო კოდექსის“ 22-ე მუხლის მესამე ნაწილით დადგენილი წესით.

გარდაბნის მუნიციპალიტეტის 

საკრებულოს თავმჯდომარე (მოვალეობის შემსრულებელი)                         სამირ ხიალოვი