საქართველოს პროკურატურის თანამშრომელთა მატერიალური პასუხისმგებლობის შესახებ

საქართველოს პროკურატურის თანამშრომელთა მატერიალური პასუხისმგებლობის შესახებ საქართველოს გენერალური პროკურორის ბრძანება №053 2025 წლის 30 ოქტომბერი ქ. თბილისი საქართველოს პროკურატურის თანამშრომელთა მატერიალური პასუხისმგებლობის შესახებ „პროკურატურის შესახებ“ საქართველოს ორგანული კანონის მე-15 მუხლის პირველი პუნქტის, მე-2 პუნქტის „გ“ ქვეპუნქტის, მე-18 მუხლისა და ,,ნორმატიული აქტების შესახებ“ საქართველოს ორგანული კანონის 25-ე მუხლის შესაბამისად,   ვბრძანებ: მუხლი 1🔗 დამტკიცდეს საქართველოს პროკურატურის თანამშრომელთა მატერიალური პასუხისმგებლობის შესახებ თანდართული წესი. მუხლი 2🔗 ძალადაკარგულად გამოცხადდეს ,,საქართველოს პროკურატურის მუშაკთა მატერიალური პასუხისმგებლობის შესახებ“ საქართველოს გენერალური პროკურორის 2005 წლის 3 აგვისტოს №13 ბრძანება. მუხლი 3🔗 ეს ბრძანება ამოქმედდეს გამოქვეყნებისთანავე. საქართველოს პროკურატურის თანამშრომელთა მატერიალური პასუხისმგებლობის შესახებ წესი მუხლი 1🔗. ზოგადი დებულებები 1. ეს წესი განსაზღვრავს საქართველოს პროკურატურის (შემდგომში – პროკურატურა) თანამშრომელთა მატერიალური პასუხისმგებლობის საფუძვლებს. 2. პროკურატურის თანამშრომელი ვალდებულია, გაუფრთხილდეს სახელმწიფო საკუთრებას, დაიცვას პროკურატურის მატერიალური ფასეულობები. 3. პროკურატურის აქტივების (შემდგომში – ქონება) ადმინისტრირებაზე საერთო ზედამხედველობას ახორციელებს საქართველოს გენერალური პროკურატურის (შემდგომში – გენერალური პროკურატურა) ეკონომიკური დეპარტამენტი (შემდგომში – ეკონომიკური დეპარტამენტი). მუხლი 2🔗. პროკურატურის თანამშრომლის მოვალეობები 1. პროკურატურის თანამშრომელი პასუხისმგებელია მისთვის გადაცემული ქონების სათანადო გამოყენებასა და დაცვაზე. 2. პროკურატურის თანამშრომელი ვალდებულია: ა) ქონება გამოიყენოს მხოლოდ სამსახურებრივი მიზნებისათვის; ბ) ნებისმიერი სახის გადაადგილების, დაზიანების (სათანადო გამოყენების შედეგად ნორმალური ცვეთის გათვალისწინებით), დანაკარგის ან განადგურების შესახებ აცნობოს უშუალო ხელმძღვანელს; გ) არ გადასცეს მის მფლობელობაში არსებული ქონება პროკურატურის სხვა თანამშრომელს  უშუალო ხელმძღვანელთან და საჭიროების შემთხვევაში ეკონომიკური დეპარტამენტთან შეთანხმებისა და მიღება-ჩაბარების აქტის გაფორმების გარეშე.   მუხლი 3🔗. ეკონომიკური დეპარტამენტის მოვალეობები ეკონომიკური დეპარტამენტის მატერიალურ-ტექნიკური უზრუნველყოფის სამმართველო, ამ ბრძანების მიზნებისთვის, უზრუნველყოფს: ა) პროკურატურის ბალანსზე რიცხული ქონების დაცვას; ბ) პროკურატურის ბალანსზე რიცხული და შესყიდული ძირითადი საშუალებებისა და მცირეფასიანი აქტივების მიღებასთან, აღრიცხვასთან, დასაწყობებასთან და გადაცემასთან დაკავშირებული დოკუმენტების წარმოებას; გ) ძირითადი საშუალებების და სასაქონლო მატერიალური ფასეულობის ინვენტარიზაციის ორგანიზებისა და ჩატარების პროცესში მონაწილეობას. მუხლი 4🔗. კონტროლი და შემოწმება გენერალური პროკურატურის სტრუქტურული დანაყოფების უფროსები, ავტონომიური რესპუბლიკების, თბილისის, საოლქო და რაიონული პროკურორები ვალდებულნი არიან: ა) განახორციელონ კონტროლი პროკურატურის ბალანსზე რიცხული იმ ქონების სათანადო გამოყენებასა და დაცვაზე, რომელიც გადაცემული აქვს  პროკურატურის შესაბამის ორგანოებს ან სტრუქტურულ დანაყოფებს; ბ)  უზრუნველყონ ამ მუხლის „ა“ ქვეპუნქტში მოცემული ქონების სათანადო მდგომარეობაში ექსპლუატაცია, მის დაქვემდებარებაში მყოფი პროკურატურის თანამშრომლის ფაქტობრივ მფლობელობაში და მხოლოდ სამსახურებრივი მიზნებისთვის გამოყენება; გ) ეკონომიკურ დეპარტამენტის უფროსს დაუყოვნებლივ შეატყობინონ მათი კონტროლის ქვეშ მყოფი ქონების ნებისმიერი სახის გადაადგილების, დაზიანების, დანაკარგის ან განადგურების შესახებ; დ) წარმოადგინონ ქონების დაზიანების, დანაკარგის ან განადგურების გამომწვევი მიზეზების დამადასტურებელი ყველა სახის დოკუმენტაცია; ე) პროკურატურის ორგანოს ან სტრუქტურული დანაყოფის ქონება პროკურატურის ერთი თანამშრომლისგან მეორეს გადასცენ მხოლოდ მიღება-ჩაბარების აქტით, რაც წარედგინება ეკონომიკურ დეპარტამენტს.  მუხლი 5🔗. ინვენტარიზაცია ეკონომიკური დეპარტამენტი უზრუნველყოფს ინვენტარიზაცის ჩატარებას საქართველოს კანონმდებლობით გათვალისწინებული წესის შესაბამისად.   მუხლი 6🔗. ქონების დაბრუნება 1. პროკურატურიდან დათხოვნის  შემთხვევაში პროკურატურის თანამშრომელი ვალდებულია პროკურატურის შესაბამის უფლებამოსილ  პირებს მიღება-ჩაბარების აქტით გადასცეს ყველა ის მატერიალური ფასეულობა, რომელიც მას სარგებლობაში გადაცემული აქვს პროკურატურიდან დათხოვნის მომეტისთვის. 2. პროკურატურის თანამშრომელი ვალდებულია პროკურატურიდან დათხოვნიდან 5 დღის ვადაში გენერალური პროკურატურის ადამიანური რესურსების მართვისა და განვითარების დეპარტამენტში წარადგინოს პროკურატურის კუთვნილი მატერიალური ფასეულობების ჩაბარების დამადასტურებელი აქტი – შემოვლის ფურცელი.  მუხლი 7🔗. ზიანის ანაზღაურება პროკურატურის თანამშრომელი ვალდებულია აანაზღაუროს პროკურატურისთვის მიყენებული მატერიალური ზიანი, საქართველოს კანონმდებლობით დადგენილი წესით. მუხლი 8🔗. დისციპლინური პასუხისმგებლობა პროკურატურის ქონების შენახვისა და მოვლის წესების დარღვევის, მესამე პირთათვის შესაბამისი წესის დარღვევით გადაცემის, გაუფრთხილებელი მოპყრობის, დაზიანების ან განადგურებისთვის პროკურატურის თანამშრომელს შესაძლოა, დაეკისროს დისციპლინური პასუხისმგებლობა. საქართველოს გენერალური პროკურორიგიორგი გვარაკიძე