სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის ორგანიზაციულ ღონისძიებათა შესახებ

✨ ჰკითხე AI-ს ამ კანონის შესახებ

მოქმედი ბანკი/ფინანსები

გამოქვეყნების წყარო

matsne.gov.ge

დოკუმენტის ტექსტი

საქართველოს სახელმწიფო მეთაურის

ბრძანებულება №280

1994 წლის 29 აგვისტო

ქ. თბილისი

სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის ორგანიზაციულ ღონისძიებათა შესახებ

საქართველოს რესპუბლიკაში მაკროეკონომიკური სტაბილიზაციისა და სისტემური ცვლილებების ანტიკრიზისული პროგრამის „საქართველოს რესპუბლიკაში საბანკო სისტემის სრულყოფის შესახებ“ საქართველოს სახელმწიფოს მეთაურის 1994 წლის 12 აგვისტოს №253 ბრძანებულებისა და „სახელმწიფო საწარმოების, სახელმწიფო საწარმოთა გაერთიანებების სააქციო საზოგადოებად გარდაქმნის ორგანიზაციულ ღონისძიებათა შესახებ“ საქართველოს რესპუბლიკის მინისტრთა კაბინეტის 1993 წლის 14 აპრილის №288 დადგენილების მოთხოვნათა შესაბამისად:

1. მიღებულ იქნეს საქართველოს რესპუბლიკის მინისტრთა კაბინეტის წინადადება სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის შესახებ, რაც განხორციელდეს საქართველოს რესპუბლიკის მინისტრთა კაბინეტის 1993 წლის 14 აპრილის №288 დადგენილების შესაბამისად.

2. სახელმწიფო კომერციულმა ბანკმა „ინდუსტრიაბანკმა“ უზრუნველყოს დამფუძნებელ ტიპობრივ დოკუმენტაციაში, მათ შორის სააქციო-კომერციული ბანკის წესდებაში, ბანკის ფუნქციონირებისათვის საჭირო სათანადო ცვლილებების შეტანა.

3. „ინდუსტრიაბანკის“ აქციონირებისას მასზე გავრცელდეს საქართველოს სახელმწიფოს მეთაურის 1994 წლის 29 მაისის №178 ბრძანებულებით გათვალისწინებული შეღავათები.

4. საქართველოს რესპუბლიკის ეროვნულმა ბანკმა უზრუნველყოს დადგენილი წესით ახლად დაფუძნებული სააქციო-კომერციული ბანკის რეგისტრაცია და გასცეს გენერალური ლიცენზია საბანკო ოპერაციების წარმოებაზე, მათ შორის უცხოური ვალუტით.

საქართველოს სახელმწიფო მეთაური ე. შევარდნაძე

ხშირად დასმული კითხვები

მოქმედებს თუ არა „სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის ორგანიზაციულ ღონისძიებათა შესახებ“?: დიახ, სამართლებრივი აქტი „სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის ორგანიზაციულ ღონისძიებათა შესახებ“ ამჟამად ძალაშია.
სად არის „სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის ორგანიზაციულ ღონისძიებათა შესახებ“-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge).

როგორ დავიმოწმოთ

სამართლებრივი აქტი „სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის ორგანიზაციულ ღონისძიებათა შესახებ“. ხელმისაწვდომია: https://legali.ge/law/6664821/