საქართველოს გარემოს დაცვისა და სოფლის მეურნეობის სამინისტროს ინფორმაციული ტექნოლოგიების დეპარტამენტის დებულების დამტკიცების თაობაზე

საქართველოს გარემოს დაცვისა და სოფლის მეურნეობის სამინისტროს ინფორმაციული ტექნოლოგიების  დეპარტამენტის დებულება

1. ეს დებულება განსაზღვრავს საქართველოს გარემოს დაცვისა და სოფლის მეურნეობის სამინისტროს (შემდგომში – სამინისტრო) ინფორმაციული ტექნოლოგიების დეპარტამენტის (შემდგომში – დეპარტამენტი) სამართლებრივ სტატუსს, ამოცანებს, კომპეტენციას, სტრუქტურას, სტრუქტურული ერთეულების უფლებამოსილებას, ანგარიშვალდებულებას და აწესრიგებს დეპარტამენტის საქმიანობასთან დაკავშირებულ სხვა საკითხებს.

2. დეპარტამენტი წარმოადგენს სამინისტროს ცენტრალური აპარატის სტრუქტურულ ქვედანაყოფს.

3. დეპარტამენტი თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, საქართველოს საკანონმდებლო და კანონქვემდებარე ნორმატიული აქტებით და წინამდებარე დებულებით.

4. დეპარტამენტი ანგარიშვალდებულია მინისტრის და მინისტრის მოადგილეების წინაშე. დეპარტამენტის ყოველდღიურ საქმიანობას კოორდინაციას უწევს კურატორი მინისტრის მოადგილე, რომელიც ახორციელებს დეპარტამენტის მიმართ სამსახურებრივ ზედამხედველობას საქართველოს კანონმდებლობით დადგენილი წესით.

მუხლი 2. დეპარტამენტის ფუნქციები და ამოცანები

დეპარტამენტის ძირითადი ფუნქციები და ამოცანებია:

ა) სამინისტროსათვის ერთიანი ინფორმაციული ტექნოლოგიური პოლიტიკის შემუშავება და მისი დანერგვის უზრუნველყოფა სამინისტროს ცენტრალურ აპარატსა და სისტემაში შემავალ უწყებებში;

ბ) ინფორმაციული უსაფრთხოების პოლიტიკის შემუშავება და მისი უზრუნველყოფა სამინისტროს ინფორმაციულ სისტემებსა და ციფრული ინფრასტრუქტურის დონეზე;

გ) სამინისტროს საჭიროებებიდან გამომდინარე, ტექნიკური და კომპიუტერული მოწყობილობების ახალი ინოვაციური მოწყობილობებით ჩანაცვლება და მათზე მონიტორინგის წარმოების უზრუნველყოფა;

დ) სამინისტროში არსებული კომპიუტერული ქსელის სისტემების ადმინისტრირებისა და მართვის უზრუნველყოფა, ამასთან, მისი შიდა და გარე ქსელური პერიმეტრის დაცვა;

ე) სამინისტროს სტრატეგიულ პროექტებთან, სერვისებთან და ღონისძიებებთან დაკავშირებით მოქალაქეთა, დაინტერესებული მხარეებისა და ინვესტორებისთვის ინფორმაციაზე ხელმისაწვდომობის უზრუნველყოფა თანამედროვე ციფრული არხების მეშვეობით;

ვ) არსებული ციფრული სერვისების გამართულობის მხარდაჭერა, ახალი ინოვაციური სერვისების დანერგვა და მონაცემთა უწყვეტობისა და უსაფრთხოების უზრუნველყოფა სისტემურ დონეზე;

ზ) სამინისტროსა და მის სისტემაში შემავალი უწყებების ფარგლებში ინფორმაციული სისტემების განვითარების, ბიზნესპროცესების ანალიზისა და ციფრული ტრანსფორმაციის ხელშეწყობა;

თ) ერთიანი, ცენტრალური მონაცემთა ბაზების შექმნა და შესაბამისი ანგარიშგების უზრუნველყოფა;

ი) სერვისების კატალოგების შექმნა და მათზე წვდომის დონეების მართვა;

კ) სამინისტროს სისტემაში შემავალი ყველა სტრუქტურული ერთეულისა და უწყების ტექნიკური მხარდაჭერის უზრუნველყოფა, მომხმარებელთა მართვის ინოვაციური სისტემის საშუალებებით;

ლ) კანონმდებლობით გათვალისწინებული სხვა უფლებამოსილებების განხორციელება.

1. დეპარტამენტს ხელმძღვანელობს პირველადი სტრუქტურული ერთეულის ხელმძღვანელი, რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

2. პირველადი სტრუქტურული ერთეულის ხელმძღვანელი ანგარიშვალდებულია მინისტრის წინაშე.

3. პირველადი სტრუქტურული ერთეულის ხელმძღვანელი:

ა) ხელმძღვანელობს და წარმართავს დეპარტამენტის საქმიანობას;

ბ) წარმოადგენს დეპარტამენტს დაკისრებული უფლება-მოვალეობების განხორციელებისას და პასუხისმგებელია დეპარტამენტზე დაკისრებული ფუნქციებისა და ამოცანების შესრულებაზე;

გ) ანაწილებს მოვალეობებს პირველადი სტრუქტურული ერთეულის ხელმძღვანელის მოადგილესა და დეპარტამენტის სხვა საჯარო მოსამსახურეებს შორის, აძლევს მათ მითითებებსა და განკარგულებებს;

დ) ზედამხედველობს დეპარტამენტის საჯარო მოსამსახურეების მიერ თავიანთი სამსახურებრივი მოვალეობების ჯეროვან შესრულებას, ახორციელებს მათ მიერ სამინისტროს შინაგანაწესის შესრულების კონტროლს;

ე) უფლებამოსილია ვიზა დაადოს მის სტრუქტურულ ქვედანაყოფში მომზადებულ დოკუმენტებს;

ვ) წლის ბოლოს ან მოთხოვნის შემთხვევაში წარადგენს ანგარიშს დეპარტამენტის მიერ გაწეული საქმიანობის შესახებ;

ზ) ორგანიზებას უკეთებს ამ დებულებით დეპარტამენტისათვის დაკისრებული ფუნქციების შესრულებას, რისთვისაც სამინისტროს ხელმძღვანელობას წარუდგენს წინადადებებს ცალკეული საკითხების მოწესრიგებისა და გადაწყვეტის თვალსაზრისით;

თ) სამინისტროს ხელმძღვანელობას წარუდგენს წინადადებებს დეპარტამენტის შიდა სტრუქტურის, შტატების, მუშაობის ორგანიზაციის, დეპარტამენტის საჯარო მოსამსახურეების წახალისების ან მათთვის დისციპლინური პასუხისმგებლობის დაკისრების შესახებ;

ი) შუამდგომლობს იმ სახსრების, მოწყობილობებისა და ინვენტარის გამოყოფაზე, რაც აუცილებელია დეპარტამენტის წინაშე მდგარი ფუნქციებისა და ამოცანების შესასრულებლად;

კ) პერიოდულად ისმენს დეპარტამენტის მეორადი სტრუქტურული ერთეულების/სამმართველოების ხელმძღვანელების ანგარიშს მათ მიერ გაწეული მუშაობის შესახებ;

ლ) შუამდგომლობს დეპარტამენტის საჯარო მოსამსახურეების კვალიფიკაციის ამაღლებისა და გადამზადების თაობაზე;

მ) ახორციელებს საქართველოს კანონმდებლობით განსაზღვრულ სხვა ფუნქციებსა და ამოცანებს.

4. პირველადი სტრუქტურული ერთეულის ხელმძღვანელს ჰყავს მოადგილე, რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

5. პირველადი სტრუქტურული ერთეულის ხელმძღვანელის არყოფნის შემთხვევაში პირველადი სტრუქტურული ერთეულის ხელმძღვანელის მოვალეობას ასრულებს მისი მოადგილე.

6. დეპარტამენტის პირველადი სტრუქტურული ერთეულის ხელმძღვანელის მოადგილე:

ა) პასუხისმგებელია მინისტრისა და დეპარტამენტის პირველადი სტრუქტურული ერთეულის ხელმძღვანელის წინაშე;

ბ) კომპეტენციის ფარგლებში წარმართავს და ზედამხედველობას უწევს დეპარტამენტის მეორადი სტრუქტურული ერთეულების/სამმართველოების საქმიანობას;

გ) მონაწილეობს დეპარტამენტში შემოსული მასალების განაწილებაში;

დ) ზედამხედველობას უწევს დეპარტამენტის საჯარო მოსამსახურეების მიერ სამსახურებრივი მოვალეობების შესრულებას;

ე) კომპეტენციის ფარგლებში უფლებამოსილია ვიზა დაადოს დეპარტამენტში მომზადებულ დოკუმენტებს;

ვ) პირველადი სტრუქტურული ერთეულის ხელმძღვანელის, მინისტრისა და კურატორი მინისტრის მოადგილის დავალებით, ახორციელებს სხვა უფლებამოსილებებს.

მუხლი 4. დეპარტამენტის სტრუქტურა

დეპარტამენტის მეორადი სტრუქტურული ერთეულებია:

ა) ბიზნეს ანალიტიკისა და პროექტების მართვის სამმართველო;

ბ) პროგრამული უზრუნველყოფის სამმართველო;

გ) სისტემური ადმინისტრირების სამმართველო;

დ) ტექნიკური მხარდაჭერის სამმართველო.

1. ბიზნეს ანალიტიკისა და პროექტების მართვის სამმართველოს კომპეტენციაა:

ა) სამინისტროსა და მის სისტემაში შემავალი უწყებებისგან სერვისების/პროცედურების გაციფრულების მიზნით ახალი მოთხოვნების მიღება, მათი ანალიზი და დასაბუთებული საჭიროებების იდენტიფიცირება;

ბ) არსებული სამუშაო პროცესების ანალიზი, ოპტიმიზაციისა და ციფრული ტრანსფორმაციის ხელშეწყობა, მათ შორის, დეპარტამენტის ეფექტიანობისა და შედეგიანობის გაზრდის მიზნით შესაბამისი რეკომენდაციების შემუშავება;

გ) პროგრამული უზრუნველყოფის შემუშავების პროცესში სამინისტროს შიდა და გარე მომხმარებლებთან თანამშრომლობით ბიზნესპროცესების დეტალური ანალიზის განხორციელება და შესაბამისი დოკუმენტაციის მომზადება;

დ) მოთხოვნების ფორმალიზება ფუნქციურ და არაფუნქციურ დონეზე, კომპეტენციის ფარგლებში ტექნიკური დავალებებისა და სპეციფიკაციების მომზადება;

ე) დეპარტამენტის მიერ შემუშავებული პროდუქტებისა და სერვისების შესახებ საინფორმაციო პრეზენტაციების მომზადება და წარდგენა როგორც შიდა, ისე გარე აუდიტორიისთვის;

ვ) საჭიროების შემთხვევაში საბოლოო მომხმარებლებისა და სისტემის ადმინისტრატორებისთვის შესაბამისი პროგრამული უზრუნველყოფისა და/ან ინფორმაციული სისტემების გამოყენების სახელმძღვანელოების შემუშავების პროცესში მონაწილეობის მიღება;

ზ) დეპარტამენტში მოქმედი შიდა პროცედურების, სტანდარტებისა და ინსტრუქციების შემუშავების, განახლებისა და გაუქმების საკითხზე რეკომენდაციების მომზადება;

თ) ინფორმაციული სისტემების განვითარების ფარგლებში სისტემური არქიტექტურის, პროცესების დიაგრამების და სხვა ანალიტიკური დოკუმენტაციის შედგენაში მონაწილეობა;

ი) მიმდინარე და დაგეგმილი ციფრული პროექტების ბიზნეს ანალიზისა და პროცესების მოდელირების ნაწილში მხარდაჭერა, მათ შორის პროექტების სამუშაო შეხვედრების ორგანიზებაში, აღსრულების დაგეგმვაში, მონიტორინგსა და შეფასებაში მონაწილეობა;

კ) მონაცემთა ანალიზის გზით არსებული სისტემების გამოყენებადობის, ეფექტიანობისა და საჭიროების შეფასება და გაუმჯობესების მიმართულებებზე რეკომენდაციების წარდგენა;

ლ) ინოვაციური ტექნოლოგიების დანერგვის შესაძლებლობების ანალიზი და მათი მიზანშეწონილობის შეფასება სამინისტროს საჭიროებების შესაბამისად;

მ) ინფორმაციული ტექნოლოგიების დეპარტამენტის სხვადასხვა სტრუქტურულ ერთეულებთან და სამინისტროს სხვა უწყებებთან კოორდინაცია ბიზნეს ანალიზთან დაკავშირებულ საკითხებზე, მათ შორის პროგრამული უზრუნველყოფის, ტექნიკური უზრუნველყოფის, მონაცემთა ანალიზისა და გის მიმართულებებთან;

ნ) სამინისტროს სტრატეგიულ მიზნებთან შესაბამისობაში ციფრული ინიციატივების იდენტიფიცირება, პრიორიტეტიზაცია და საჭიროების შემთხვევაში მხარდაჭერა ციფრული ტრანსფორმაციის მიმართულებით;

ო) კანონმდებლობით გათვალისწინებული სხვა უფლებამოსილებების განხორციელება.

2. პროგრამული უზრუნველყოფის სამმართველოს კომპეტენციაა:

ა) ინფორმაციული უსაფრთხოების პოლიტიკის შემუშავება და მისი დანერგვის უზრუნველყოფა პროგრამული უზრუნველყოფის მიმართულებით;

ბ) სამინისტროს ცენტრალური აპარატის, ტერიტორიული ორგანოებისა და სისტემაში შემავალი უწყებების შიდა და საჯარო პროგრამულ რესურსებზე ხელმისაწვდომობის უზრუნველყოფა;

გ) არსებული და ახალი ინოვაციური პროგრამული სერვისების პროექტირება, შემუშავება, დანერგვა, ექსპლუატაცია და ტექნიკური მხარდაჭერა, მათ შორის მონაცემთა უწყვეტობისა და უსაფრთხოების უზრუნველყოფა;

დ) ერთიანი ცენტრალური მონაცემთა ბაზების შექმნა, მართვა და მათზე დაფუძნებული ანგარიშგების უზრუნველყოფა;

ე) საინფორმაციო-საკომუნიკაციო სისტემებისა და პროგრამული უზრუნველყოფის განვითარების, მართვისა და მომსახურების სტანდარტების შემუშავებაში მონაწილეობა, მომსახურების ხარისხის მართვა და კონტროლი კომპეტენციის ფარგლებში;

ვ) პროგრამულ უზრუნველყოფასთან დაკავშირებული პრობლემების იდენტიფიცირება, აღრიცხვა და მათზე ოპერატიული რეაგირება, საჭირო ღონისძიებების განხორციელება ხარვეზების დროული აღმოფხვრის მიზნით;

ზ) პროგრამული უზრუნველყოფის მიმართულებით აუთსორს პროექტების მართვა, მონიტორინგი და კონტროლი;

თ) კანონმდებლობით გათვალისწინებული სხვა უფლებამოსილებების განხორციელება.

3. სისტემური ადმინისტრირების სამმართველოს კომპეტენციაა:

ა) სამინისტროს ცენტრალურ აპარატში, ტერიტორიულ ორგანოებსა და სისტემაში შემავალ უწყებებში ერთიანი ინფორმაციული ტექნოლოგიური პოლიტიკის შემუშავება და მისი დანერგვის უზრუნველყოფა;

ბ) კომპეტენციის ფარგლებში, უსაფრთხოების პოლიტიკის შემუშავებაში მონაწილეობის მიღება და დანერგვის უზრუნველყოფა;

გ) კომპეტენციის ფარგლებში სერვისების კატალოგების შექმნა, ადმინისტრირება და მათზე წვდომის დონეების მართვა;

დ) სამინისტროს საჭიროებებიდან გამომდინარე, ტექნიკური და კომპიუტერული მოწყობილობების ახალი ინოვაციური მოწყობილობებით ჩანაცვლება და მათზე მონიტორინგის წარმოების უზრუნველყოფა;

ე) კომპიუტერული ქსელებისა და სისტემების ადმინისტრირება და მართვა, მათ შორის, შიდა და გარე ქსელური ინფრასტრუქტურის უსაფრთხოების უზრუნველყოფა;

ვ) საინფორმაციო-საკომუნიკაციო სისტემებთან დაკავშირებული შესყიდვების შესახებ ინფორმაციის დამუშავება;

ზ) ელექტრონული ინფორმაციის ურთიერთგაცვლის უზრუნველსაყოფად შესაბამის უწყებებთან თანამშრომლობა, საინფორმაციო-საკომუნიკაციო საშუალებების გამართული, უწყვეტი და საიმედო მუშაობის უზრუნველყოფა;

თ) მონაცემთა რეზერვირების, აღდგენისა და უწყვეტი ხელმისაწვდომობის უზრუნველყოფა;

ი) კომპეტენციის ფარგლებში, პრობლემების იდენტიფიცირება,  აღრიცხვა, ანალიზი და საჭირო ღონისძიებების განხორციელება ხარვეზების დროული აღმოფხვრის მიზნით;

კ) საინფორმაციო-საკომუნიკაციო ინფრასტრუქტურის უწყვეტი მონიტორინგი, ოპტიმიზაცია და ინციდენტების პრევენციისა და სისტემური საიმედოობის გაძლიერების მიზნით პრევენციული ღონისძიებების გატარება.

4. ტექნიკური მხარდაჭერის სამმართველოს კომპეტენციაა:

ა) კომპეტენციის ფარგლებში, სამინისტროს საჭიროებებიდან გამომდინარე, ტექნიკური და კომპიუტერული მოწყობილობების ახალი ინოვაციური ტექნოლოგიებით ჩანაცვლება და მათი მონიტორინგის უზრუნველყოფა;

ბ) კომპეტენციის ფარგლებში, სამინისტროს კომპიუტერული ქსელებისა და სისტემების ადმინისტრირება და მართვა, მათ შორის, შიდა და გარე ქსელური ინფრასტრუქტურის უსაფრთხოების დაცვა;

გ) კომპეტენციის ფარგლებში, სამინისტროს ცენტრალური აპარატის, ტერიტორიული ორგანოებისა და სისტემაში შემავალი უწყებების შიდა და საჯარო რესურსებზე ხელმისაწვდომობის უზრუნველყოფა;

დ) კომპეტენციის ფარგლებში, სერვისების კატალოგების შექმნა და მათზე წვდომის დონეების მართვა;

ე) არსებული პროგრამული სისტემების მომხმარებლებისათვის კონსულტაციისა და ტექნიკური მხარდაჭერის უზრუნველყოფა;

ვ) ახალი (მოდიფიცირებული) პროგრამული პროდუქტების საპილოტე დანერგვა და ტესტირება, საინფორმაციო სისტემების საოპერაციო გარემოში გასაშვებად მომზადება და გაშვების უზრუნველყოფა;

ზ) წარმოშობილი პრობლემების იდენტიფიცირება, აღრიცხვა, ანალიზი და მათზე ოპერატიული რეაგირება; საჭიროების შემთხვევაში, მათი გადამისამართება სხვა პასუხისმგებელ სტრუქტურულ ერთეულზე;

თ) კომპიუტერული და სხვა დამხმარე ტექნიკისა და სათადარიგო ნაწილების შესყიდვა/განახლების საჭიროების ანალიზი და მოთხოვნის დასაბუთება;

ი)         სამინისტროს ცენტრალურ აპარატში, ტერიტორიულ ორგანოებსა და სისტემაში შემავალ უწყებებში ერთიანი ინფორმაციული ტექნოლოგიური პოლიტიკის დანერგვაში მონაწილეობა;

კ) ინფორმაციული უსაფრთხოების პოლიტიკის დანერგვაში მონაწილეობა და კომპეტენციის ფარგლებში მისი დაცვის მონიტორინგი;

ლ) არსებული და ახალი ინოვაციური სერვისების დანერგვა, მხარდაჭერა და მათი უწყვეტობისა და უსაფრთხოების უზრუნველყოფა.

1. სამმართველოს ჰყავს ხელმძღვანელი, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

2. სამმართველოს ხელმძღვანელი:

ა) სამმართველოს უფლებამოსილების ფარგლებში წარმართავს სამმართველოს საქმიანობას;

ბ) ორგანიზებას უწევს სამმართველოს მუშაობას, ანაწილებს ფუნქციებს თანამშრომლებს შორის და პასუხისმგებელია სამმართველოს მუშაობაზე;

გ) ახორციელებს ზედამხედველობას სამმართველოს საჯარო მოსამსახურეების მიერ სამსახურებრივი მოვალეობების შესრულებაზე;

დ) ანაწილებს სამმართველოში შემოსულ მასალებს თანამშრომელთა შორის;

ე) მოთხოვნის შემთხვევაში, პირველადი სტრუქტურული ერთეულის ხელმძღვანელს/პირველადი სტრუქტურული ერთეულის ხელმძღვანელის მოადგილეს წარუდგენს ანგარიშს სამმართველოს მიერ გაწეული მუშაობის თაობაზე;

ვ) ახორციელებს მინისტრის, კურატორი მინისტრის მოადგილისა და პირველადი სტრუქტურული ერთეულის ხელმძღვანელის/პირველადი სტრუქტურული ერთეულის ხელმძღვანელის მოადგილის დავალებებს.

3. სამმართველოს ხელმძღვანელი ანგარიშვალდებულია მინისტრის, კურატორი მინისტრის მოადგილისა და დეპარტამენტის პირველადი სტრუქტურული ერთეულის ხელმძღვანელის/პირველადი სტრუქტურული ერთეულის ხელმძღვანელის მოადგილის წინაშე.