ტექნიკური მომსახურებისთვის პასუხისმგებელი პირის სერტიფიკატის ფორმის დამტკიცების შესახებ

1. საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირი – სარკინიგზო ტრანსპორტის სააგენტო (შემდგომ – სააგენტო) ტექნიკური მომსახურებისთვის პასუხისმგებელი პირის სერტიფიკატს გასცემს საქართველოს სარკინიგზო კოდექსისა და „სარკინიგზო უსაფრთხოების წესის დამტკიცების თაობაზე“ საქართველოს მთავრობის 2024 წლის 22 ნოემბრის №394 დადგენილებით დამტკიცებული სარკინიგზო უსაფრთხოების წესით დადგენილი მოთხოვნების შესაბამისად.

2. ტექნიკური მომსახურებისთვის პასუხისმგებელი პირის სერტიფიკატის მფლობელი ვალდებულია განახორციელოს მხოლოდ ის საქმიანობა, რომელიც მითითებულია ტექნიკური მომსახურებისთვის პასუხისმგებელი პირის სერტიფიკატში და მხოლოდ ტექნიკური მომსახურებისთვის პასუხისმგებელი პირის სერტიფიკატით გათვალისწინებული პირობებით.

3. ტექნიკური მომსახურებისთვის პასუხისმგებელი პირის სერტიფიკატით დასტურდება ტექნიკური მომსახურებისთვის პასუხისმგებელი პირის ტექნიკური მომსახურების სისტემის შესაბამისობა სარკინიგზო უსაფრთხოების წესისა და საქართველოს კანონმდებლობით განსაზღვრულ მოთხოვნებთან.

4. ტექნიკური მომსახურებისთვის პასუხისმგებელი პირის სერტიფიკატის ფორმა განისაზღვრება თანდართული დანართის შესაბამისად.

1.  ტექნიკური მომსახურებისთვის პასუხისმგებელი პირის სერტიფიკატი შედგება შემდეგი მონაცემებისგან:

ა) სააგენტოს მცირე გერბი;

ბ) ტექნიკური მომსახურებისთვის პასუხისმგებელი პირის სერტიფიკატის დამადასტურებელი ინფორმაცია;

გ) ტექნიკური მომსახურებისთვის პასუხისმგებელი პირის სერტიფიკატის ნომერი;

დ) ტექნიკური მომსახურებისთვის პასუხისმგებელი პირის მონაცემები:

დ.ა) იურიდიული სახელწოდება;

დ.ბ) შემოკლებული სახელწოდება;

დ.გ)  იურიდიული მისამართი;

დ.დ) საიდენტიფიკაციო ნომერი;

დ.ე) გადასახადის გადამხდელის საიდენტიფიკაციო ნომერი;

ე) ტექნიკური მომსახურებისთვის პასუხისმგებელი პირის სერტიფიკატის გამცემი ორგანოს შესახებ მონაცემები:

ე.ა) სრული სახელწოდება:

ე.ბ) ქვეყანა;

ვ) ტექნიკური მომსახურებისთვის პასუხისმგებელი პირის სერტიფიკატის ინფორმაცია:

ვ.ა) სახე (პირველადი, ვადაგაგრძელებული, განახლებული);

ვ.ბ) წინა სერტიფიკატის ნომერი (ასეთის არსებობის შემთხვევაში);

ვ.გ) მოქმედების ვადა;

ვ.დ) კომპანიის ტიპი;

ზ) ტექნიკური მომსახურებისთვის პასუხისმგებელი პირის საქმიანობის სფერო:

ზ.ა) ინფორმაცია სარკინიგზო სატრანსპორტო საშუალებების კატეგორიის შესახებ;

ზ.ბ) ინფორმაცია სახიფათო ტვირთების გადაზიდვისთვის საჭირო სპეციალიზებული ვაგონების შესახებ;

თ) ტექნიკური მომსახურებისათვის პასუხისმგებელი პირის  სერტიფიკატის გაცემის თარიღი;

ი) ტექნიკური მომსახურებისათვის პასუხისმგებელი პირის  სერტიფიკატის გამცემი ორგანოს უფლებამოსილი პირის ხელმოწერა;

კ) ტექნიკური მომსახურებისათვის პასუხისმგებელი პირის  სერტიფიკატის გამცემი ორგანოს ბეჭედი;

ლ) დამატებითი ინფორმაცია.

2. ტექნიკური მომსახურებისათვის პასუხისმგებელი პირის  სერტიფიკატის ნომერი შედგება 12 (თორმეტი) სიმბოლოსგან. პირველი ორი სიმბოლო შედგება სერტიფიკატის გამცემი სახელმწიფოს სახელწოდების აღმნიშვნელი ორი სიმბოლოსგან – „GE“, შემდეგი ორი სიმბოლო აღნიშნავს დოკუმენტის ტიპს („31“ – ტექნიკური მომსახურებისთვის პასუხისმგებელი პირის სერტიფიკატი), შემდეგი ოთხი სიმბოლო აღნიშნავს ტექნიკური მომსახურებისათვის პასუხისმგებელი პირის  სერტიფიკატის გაცემის წელს და ბოლო ოთხი სიმბოლო აღნიშნავს ტექნიკური მომსახურებისათვის პასუხისმგებელი პირის  სერტიფიკატის ინდივიდუალურ სარეგისტრაციო ნომერს.

3. ტექნიკური მომსახურებისთვის პასუხისმგებელი პირის სერტიფიკატზე მონაცემები დატანილია ქართულ და ინგლისურ ენებზე.

1. ტექნიკური მომსახურებისთვის პასუხისმგებელი პირის სერტიფიკატის ფორმების შევსება წარმოებს ელექტრონული ფორმით.

2. ტექნიკური მომსახურებისთვის პასუხისმგებელი პირის სერტიფიკატის გაცემა ტექნიკური მომსახურებისთვის პასუხისმგებელი პირისთვის წარმოებს უფლებამოსილი პირის პირადობის დამადასტურებელი მოწმობისა და უფლებამოსილების დამადასტურებელი დოკუმენტის წარდგენის საფუძველზე.

ტექნიკური მომსახურებისთვის პასუხისმგებელი პირის სერტიფიკატი მოიცავს ორდონიან დამცავ ნიშანს:

ა) სააგენტოს მცირე გერბს;

ბ) სააგენტოს ორგანიზაციულ ბეჭედს.