საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის − ბირთვული და რადიაციული უსაფრთხოების სააგენტოს მიერ ადმინისტრაციული სამართალდარღვევის საქმის წარმოებისათვის საჭირო დოკუმენტების (მათ შორის, საჯარიმო ქვითრისა და სააღსრულებო ფურცლის) ფორმების, მათი შევსების, ჩაბარების, წარდგენის, გამოყენებისა და აღრიცხვა-ანგარიშგების წესების დამტკიცების შესახებ

✨ ჰკითხე AI-ს ამ კანონის შესახებ

საქართველოს მინისტრის ბრძანება მოქმედი სახელმწიფო მმართველობა გარემო სოფლის მეურნეობა

მიღების თარიღი

23.01.2026

გამომცემი ორგანო

საქართველოს გარემოს დაცვისა და სოფლის მეურნეობის მინისტრი

ნომერი

№2-16

სარეგისტრაციო კოდი

120210010.22.023.016975

გამოქვეყნების წყარო

matsne.gov.ge , 27/01/2026

🧬 მსგავსი 10 📎 დანართები 2

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს გარემოს დაცვისა და სოფლის მეურნეობის მინისტრის

ბრძანება №2-16

2026 წლის 23 იანვარი

ქ. თბილისი

საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის − ბირთვული და რადიაციული უსაფრთხოების სააგენტოს მიერ ადმინისტრაციული სამართალდარღვევის საქმის წარმოებისათვის საჭირო დოკუმენტების (მათ შორის, საჯარიმო ქვითრისა და სააღსრულებო ფურცლის) ფორმების, მათი შევსების, ჩაბარების, წარდგენის, გამოყენებისა და აღრიცხვა-ანგარიშგების წესების დამტკიცების შესახებ

,,რადიაციული დაცვის ბირთვული უსაფრთხოების და დაცულობის შესახებ“ საქართველოს კანონის 69-ე მუხლის მე-2 ნაწილის საფუძველზე, ვბრძანებ :

მუხლი 1

დამტკიცდეს თანდართული „საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის − ბირთვული და რადიაციული უსაფრთხოების სააგენტოს მიერ ადმინისტრაციული სამართალდარღვევის საქმის წარმოებისათვის საჭირო დოკუმენტების (მათ შორის, საჯარიმო ქვითრისა და სააღსრულებო ფურცლის) ფორმების, მათი შევსების, ჩაბარების, წარდგენის, გამოყენებისა და აღრიცხვა-ანგარიშგების წესები“.

მუხლი 2

ეს ბრძანება ამოქმედდეს გამოქვეყნებისთანავე.

საქართველოს გარემოს დაცვისა და სოფლის მეურნეობის მინისტრი		დავით სონღულაშვილი

📎 დანართები (2)

2-16-danarti.doc DOC ⬇

ფორმა 1

| |ნაწილი II |

| | |

| |ბ.ა. |

| | |

|ნაწილი I | |

| |საჯარიმო ქვითრის ყუა N 000000 |

| | |

|სსიპ − ბირთვული და რადიაციული უსაფრთხოების სააგენტო |ეს ნაწილი რჩება საბანკო დაწესებულებაში. |

| | |

|საჯარიმო ქვითარი |1. __________________________________________ |

|ადმინისტრაციული სამართალდარღვევის ოქმი N 000000 |(გადამხდელის სახელი და გვარი) |

|1. __________________________________________________ |2. __________________________________________ |

|შედგენის ადგილი |(გადამხდელის მისამართი) |

|__ ______________________________________ | |

|თარიღი |3. __________________________________________ |

|2. შემდგენლის თანამდებობა, სახელი, გვარი, მისამართი, ტელეფონის ნომერი: |(ჯარიმის ოდენობა) |

|_________________________________________________________________________________________________________|4. ___________________________________________ |

|_________________________________________________________________________________________________________|(კანონის შესაბამისი მუხლი, ნაწილი) |

|_____________________________________________ |5. ___________________________________________ |

| |(სამართალდარღვევის ჩადენის ადგილი) |

|3. ადმინისტრაციული სამართალდამრღვევის მონაცემები: |6. ___________________________________________ |

|_________________________________________________________________________________________________________|(საბიუჯეტო შემოსავლის სახაზინო კოდი) |

|_________________________________________________________________________________________________________| |

|_________________________________________________________________________________________________________|7. მიმღები მოლარე: ___________________________ |

|_________________________ |(ხელმოწერა) |

|(ფიზიკური პირის შემთხვევაში მიეთითება სახელი, გვარი, დაბადების თარიღი, პირადი N, საცხოვრებელი ადგილის |8. შემომტანი: _________________________________ |

|მისამართი; იურიდიული პირის შემთხვევაში − მისი სახელწოდება, საიდენტიფიკაციო ნომერი, იურიდიული მისამართი,|(ხელმოწერა) |

|წარმომადგენლობაზე უფლებამოსილი პირის მონაცემები) | |

|4. ადმინისტრაციული სამართალდარღვევის ჩადენის ადგილი, დრო, არსი: |ბ.ა. |

|_________________________________________________________________________________________________________| |

|_________________________________________________________________________________________________________|თარიღი: _____________________________________ |

|_________________________________________________________________________________________________________|(რიცხვი, თვე და წელი) |

|_________________________________________________________________________________________________________| |

|___________________________________________________________________ |საჯარიმო ქვითრის ყუა ივსება საბანკო დაწესებულების ან |

|5. საქართველოს კანონ(ებ)ის შესაბამისი მუხლ(ებ)ი, ნაწილ(ებ)ი, რომლ(ებ)ითაც |საჯარიმო თანხის შემომტანის მიერ. |

|გათვალისწინებულია პასუხისმგებლობა: | |

|_________________________________________________________________________________________________________| |

|_________________________________________________ | |

|6. ჯარიმის ოდენობა: ____________________ ________________ ლარი | |

|7. მოწმე (ასეთის არსებობის შემთხვევაში): | |

|__________________________________________________________________ | |

|________________________________________________________________ | |

|(მოწმის პირადობის დამადასტურებელი მოწმობის რეკვიზიტები, პირადი ნომერი, სახელი და გვარი, მისამართი | |

|(რეგისტრაციისა და სხვა) | |

|8. დამრღვევის ახსნა-განმარტება: | |

|_________________________________________________________________________________________________________| |

|_________________________ | |

|მიმღები: ხაზინის ერთიანი ანგარიში. მიმღები ბანკი: სახელმწიფო ხაზინა. | |

|ბანკის კოდი: TRESGE22. სახაზინო კოდი: 302003540. | |

| | |

|მოწმე: ___________________ | |

|(ხელმოწერა) | |

| | |

|ოქმის შემდგენელი: _______________ | |

|(ხელმოწერა) | |

|სამართალდამრღვევი: _____________ | |

|(ხელმოწერა) | |

|ხელმოწერაზე ან ქვითრის ჩაბარებაზე უარის თქმის შესახებ აღნიშვნა: | |

|__________________________________________________ | |

| |

|საქართველოს ადმინისტრაციულ სამართალდარღვევათა კოდექსის დარღვევის გამო შედგენილი საჯარიმო ქვითარი − ადმინისტრაციული სამართალდარღვევის ოქმი მისი ჩაბარებიდან 10 დღის|

|ვადაში შეიძლება გასაჩივრდეს ზემდგომ ადმინისტრაციულ ორგანოში (თანამდებობის პირთან) და შემდეგ − სასამართლოში. |

|საქართველოს ადმინისტრაციულ სამართალდარღვევათა კოდექსის 290-ე მუხლის პირველი ნაწილის შესაბამისად სამართალდამრღვევმა ჯარიმა უნდა გადაიხადოს საჯარიმო ქვითრის − |

|ადმინისტრაციული სამართალდარღვევის ოქმის მისთვის ჩაბარებიდან 30 დღის ვადაში. |

| |

|შენიშვნა: პასუხისმგებლობის დაკისრების მიუხედავად, დადგენილ ვადაში ლიცენზიის მფლობელის მიერ სალიცენზიო პირობების შეუსრულებლობა გამოიწვევს დაკისრებული ჯარიმის |

|გასამმაგებას. |

| |

|დამკვეთი: დამამზადებელი: |

| |

|სემგს-ს რეგისტრაციის N |

ფორმა 2

საჯარიმო ქვითრის – ადმინისტრაციული სამართალდარღვევის ოქმის გასავლის ჟურნალი

| | | | |(თანამდებობა, სახელი, გვარი და ხელმოწერა) |

|1 |2 |3 |4 |5 |

| | | | | |

ფორმა 3

საჯარიმო ქვითრის – ადმინისტრაციული სამართალდარღვევის ოქმის აღრიცხვის ჟურნალი

| | | |

|12 |13 |14 |15 |16 |17 |18 |19 |20 |21 |

| | | | | | | | | | |

ფორმა 4

აქტი №

----- -------------- 20-- წელი

გამოსაყენებლად უვარგისი საჯარიმო ქვითრის – ადმინისტრაციული სამართალდარღვევის ოქმის ჩამოწერის შესახებ

|№ |ოქმის ექსკლუზიური ნომერი |ოქმის ჩამოწერის მიზეზი |

|1. | | |

|2. | | |

|3. | | |

ხელმოწერით ვადასტურებთ აქტის მიხედვით წარმოდგენილი უვარგისი ოქმების ჩამოწერის სისწორეს.

სახელმწიფო შესყიდვების პროცედურების განხორციელების უფლებამოსილების მქონე დეპარტამენტის/სამმართველოს უფროსი:

__________________________________________

(სახელი, გვარი)

___________________________________________

(ხელმოწერა)

ოქმის ფორმების შენახვაზე პასუხისმგებელი პირი:

_________________________________________

(სახელი, გვარი)

_________________________________________

(ხელმოწერა)

საქმე №_______________

ფორმა N5

ს ა ა ღ ს რ უ ლ ე ბ ო ფ უ რ ც ე ლ ი

საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირი - ბირთვული და რადიაციული უსაფრთხოების სააგენტო

_____________________________________________________________________________

(სააღსრულებო ფურცლის გამცემი პირის თანამდებობა, სახელი, გვარი)

_____________________________________________________________________________

(საქმე, რომლის გამოც გაცემულია სააღსრულებო ფურცელი)

_____________________________________________________________________________

(გადაწყვეტილების გამოტანის თარიღი)

_____________________________________________________________________________

(გადაწყვეტილების სარეზოლუციო ნაწილი)

_____________________________________________________________________________

___________________________________________________________________________

(სააღსრულებო ფურცლის გაცემის თარიღი)

კრედიტორის დასახელება და რეკვიზიტები:

მიმღების დასახელება: ხაზინის ერთიანი ანგარიში

მიმღები ბანკი: სახელმწიფო ხაზინა

ბანკის კოდი: ___________________________

ანგარიშის ნომერი/სახაზინო კოდი: ___________________________

მოვალის დასახელება და რეკვიზიტები: ______________________

_______________________________________________________________

მისამართი: ______________________________________________________

_______________________________________________________________

პირადი ან/და საიდენტიფიკაციო № _____________________________________

სააღსრულებო ფურცლის გამცემი პირის ხელმოწერა ______________________

2-16-danarti-2.docx ⬇

მუხლი 1. წესის რეგულირების საგანი

ამ წესით განისაზღვრება საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის ბირთვული და რადიაციული უსაფრთხოების სააგენტოს (შემდგომ − სააგენტო) მიერ ადმინისტრაციული სამართალდარღვევის საქმის წარმოებისათვის საჭირო დოკუმენტების (მათ შორის, საჯარიმო ქვითრისა და სააღსრულებო ფურცლის) ფორმები, მათი შევსება, ჩაბარება, წარდგენა, გამოყენება და აღრიცხვა-ანგარიშგება.

მუხლი 2. საჯარიმო ქვითრის – ადმინისტრაციული სამართალდარღვევის ოქმის შედგენაზე უფლებამოსილი პირები

1. ამ წესის პირველი მუხლით გათვალისწინებულ ადმინისტრაციულ სამართალდარღვევის საქმის წარმოებისთვის საჭირო დოკუმენტების (მათ შორის, საჯარიმო ქვითარი − ადმინისტრაციულ სამართალდარღვევათა ოქმი და სააღსრულებო ფურცელი) შედგენაზე უფლებამოსილი არიან სააგენტოს უფლებამოსილი თანამშრომლები (შემდგომში − თანამშრომლები).

2. ადმინისტრაციულ სამართალდარღვევის საქმის წარმოებისთვის საჭირო დოკუმენტების შედგენაზე უფლებამოსილი თანამშრომლები განისაზღვრება სააგენტოს უფროსის ინდივიდუალური ადმინისტრაციულ-სამართლებრივი აქტის საფუძველზე.

მუხლი 3. საჯარიმო ქვითრის-ადმინისტრაციული სამართალდარღვევის ოქმის შინაარსი და მისი შევსება

1. საჯარიმო ქვითარი − ადმინისტრაციული სამართალდარღვევის ოქმი ივსება, საქართველოს კანონის „ადმინისტრაციულ სამართალდარღვევათა კოდექსი“ 59² მუხლით გათვალისწინებულ ადმინისტრაციულ სამართალდარღვევათა ჩადენის შემთხვევებში.

2. სააგენტოს ინსპექტირებისა და რეაგირების დეპარტამენტის თანამშრომლის მიერ საჯარიმო ქვითარი − ადმინისტრაციული სამართალდარღვევის ოქმი ივსება ადგილზე, მიუხედავად იმისა, დამრღვევი ეთანხმება თუ არა საჯარიმო ქვითრის შინაარსსა და მის მიმართ გამოყენებულ პასუხისმგებლობის ზომას.

3. სააგენტოს ავტორიზაციის დეპარტამენტი საჯარიმო ქვითარს − ადმინისტრაციული სამართალდარღვევის ოქმის დამრღვევს გადაეცემს ხელზე ან ფოსტის მეშვეობით. საჯარიმო ქვითრის ჩაუბარებლობის შემთხვევაში, 30 დღის ვადაში, დამრღვევს საჯარიმო ქვითარი განმეორებით ეგზავნება.

4. საჯარიმო ქვითარი − ადმინისტრაციული სამართალდარღვევის ოქმი (ფორმა 1) შედგება ორი ნაწილისაგან:

ა) ნაწილი I. საჯარიმო ქვითარი − ადმინისტრაციული სამართალდარღვევის ოქმი;

ბ) ნაწილი II. საჯარიმო ქვითრის ყუა.

5. საჯარიმო ქვითრის ადმინისტრაციული სამართალდარღვევის ოქმის ფორმა შეიცავს ბეჭდის ადგილებს. იმ ადგილზე, რომელიც თანაბრად ფარავს საჯარიმო ქვითრის − ადმინისტრაციული სამართალდარღვევის ოქმის ორივე ნაწილს, ბეჭედი დაისმება სააგენტოს იმ თანამშრომლის მიერ, რომლებიც აწარმოებენ მკაცრი აღრიცხვის ფორმების გაცემას, ხოლო მეორე ადგილზე ბეჭედი დაისმება საბანკო დაწესებულების მიერ.

6. საჯარიმო ქვითარი − ადმინისტრაციული სამართალდარღვევის ოქმი ივსება ორ ეგზემპლარად. პირველი ეგზემპლარი (ორიგინალი) რჩება შემვსებ თანამშრომელთან, ხოლო მეორე გადაეცემა სამართალდამრღვევს.

7. საჯარიმო ქვითრის − ადმინისტრაციული სამართალდარღვევის ოქმის გასაჩივრების ვადები აღნიშნულია საჯარიმო ქვითარში-ადმინისტრაციული სამართალდარღვევის ოქმში.

8. საჯარიმო ქვითრის − ადმინისტრაციული სამართალდარღვევის ოქმის:

ა) I ნაწილს ავსებს თანამშრომელი;

ბ) I ნაწილის:

ბ.ა) პირველ გრაფაში შეიტანება: შედგენის ადგილი და თარიღი (რიცხვი, თვე, წელი);

ბ.ბ) მე-2 გრაფაში შეიტანება: შემდგენლის თანამდებობა, სახელი, გვარი, სააგენტოს მისამართი, ტელეფონის ნომერი;

ბ.გ) მე-3 გრაფაში შეიტანება: ადმინისტრაციული სამართალდამრღვევის მონაცემები: ფიზიკური პირის შემთხვევაში მიეთითება სახელი, გვარი, დაბადების თარიღი, პირადი N, საცხოვრებელი ადგილის მისამართი; იურიდიული პირის შემთხვევაში მისი სახელწოდება, საიდენტიფიკაციო ნომერი, იურიდიული მისამართი, წარმომადგენლობაზე უფლებამოსილი პირის მონაცემები;

ბ.დ) მე-4 გრაფაში შეიტანება: ადმინისტრაციული სამართალდარღვევის ჩადენის ადგილი, დრო, არსი;

ბ.ე) მე-5 გრაფაში შეიტანება: საქართველოს კანონ(ებ)ის შესაბამისი მუხლ(ებ)ი და მუხლის ნაწილ(ებ)ი, რომლითაც განსაზღვრულია პასუხისმგებლობა შესაბამისი ადმინისტრაციული სამართალდარღვევისათვის;

ბ.ვ) მე-6 გრაფაში შეიტანება: ჯარიმის ოდენობა;

ბ.ზ) მე-7 გრაფაში შეიტანება: მოწმე (ასეთის არსებობის შემთხვევაში) (მოწმის პირადობის დამადასტურებელი მოწმობის რეკვიზიტები, პირადი ნომერი, სახელი და გვარი, მისამართი (რეგისტრაციისა და სხვა);

ბ.თ) მე-8 გრაფაში შეიტანება: დამრღვევის ახსნა-განმარტება. თუ დამრღვევის ახსნა-განმარტებისათვის მე-8 გრაფაში გამოყოფილი ადგილი არ აღმოჩნდება საკმარისი, დამრღვევის ახსნა-განმარტება საჯარიმო ქვითარს − ადმინისტრაციული სამართალდარღვევის ოქმს დაერთვის დანართის სახით (ახსნა-განმარტების ჩამომრთმევი პირის სახელის, გვარისა და თანამდებობის მითითებით), ხოლო მე-8 გრაფაში კეთდება შესაბამისი აღნიშვნა დანართის არსებობის შესახებ (ფურცლების რაოდენობის მითითებით).

9. საჯარიმო ქვითარი − ადმინისტრაციული სამართალდარღვევის ოქმი ივსება ლურჯი ან შავი ბურთულიანი კალმით. საჯარიმო ქვითარში − ადმინისტრაციული სამართალდარღვევის ოქმში ყველა ჩანაწერი კეთდება გარკვევით. დაუშვებელია გადახაზვა, გადასწორება, გადაფხეკა, გადაშლა და ა.შ. საჯარიმო ქვითრის − ადმინისტრაციული სამართალდარღვევის ოქმის დაზიანების ან მასში არასწორი მონაცემების შეტანის შემთხვევაში ივსება ახალი საჯარიმო ქვითარი − ადმინისტრაციული სამართალდარღვევის ოქმი. ძველი გადაიხაზება ჯვარედინად, რომელიც მოხსენებითი ბარათით, გაუქმების მიზეზების მითითებით, წარედგინება სააგენტოს უფროსს და სააგენტოს უფროსის რეზოლუციით დაეწერება საჯარიმო ქვითრის − ადმინისტრაციული სამართალდარღვევის ოქმის გაცემაზე პასუხისმგებელ პირს.

10. საჯარიმო ქვითარს-ადმინისტრაციული სამართალდარღვევის ოქმს ხელს აწერს მისი შემდგენელი და სამართალდამრღვევი. თუ არის მოწმე ან სხვა მონაწილე, საჯარიმო ქვითარზე − ადმინისტრაციული სამართალდარღვევის ოქმზე ხელი უნდა მოაწერონ ამ პირებმაც.

11. ნაწილი II საჯარიმო ქვითრის ყუა ივსება საბანკო დაწესებულების ან საჯარიმო თანხის შემტანის მიერ I ნაწილის საჯარიმო ქვითრის − ადმინისტრაციული სამართალდარღვევის ოქმის შესაბამისად.

12. სააგენტო, საჯარიმო ქვითრის − ადმინისტრაციული სამართალდარღვევის ოქმის შევსებიდან 10 დღის ვადაში, ვალდებულია აღნიშნულის თაობაზე აცნობოს საქართველოს შინაგან საქმეთა სამინისტროს შესაბამის სტრუქტურულ ქვედანაყოფს.

მუხლი 4. საჯარიმო ქვითრის − ადმინისტრაციული სამართალდარღვევის ოქმის ჩაბარება

1. თუ ადმინისტრაციული სამართალდამრღვევი უარს აცხადებს საჯარიმო ქვითრის − ადმინისტრაციული სამართალდარღვევის ოქმის ხელმოწერაზე ან ჩაბარებაზე, ამის შესახებ საჯარიმო ქვითარში-ადმინისტრაციული სამართალდარღვევის ოქმში კეთდება შესაბამისი ჩანაწერი საჯარიმო ქვითრის − ადმინისტრაციული სამართალდარღვევის ოქმის შემვსები თანამშრომლის მიერ. ადმინისტრაციული სამართალდამრღვევი უფლებამოსილია საჯარიმო ქვითარზე − ადმინისტრაციული სამართალდარღვევის ოქმზე წარადგინოს ახსნა-განმარტებები და შენიშვნები საჯარიმო ქვითრის-ადმინისტრაციული სამართალდარღვევის ოქმის შინაარსთან დაკავშირებით, ასევე ახსნას საჯარიმო ქვითარში − ადმინისტრაციული სამართალდარღვევის ოქმში ხელმოწერაზე უარის თქმის მოტივები.

2. ადმინისტრაციულ სამართალდამრღვევს გადაეცემა საჯარიმო ქვითრის − ადმინისტრაციული სამართალდარღვევის ოქმის ასლი, ხოლო თუ ადმინისტრაციული სამართალდამრღვევი უარს აცხადებს ასლის მიღებაზე, სააგენტოს თანამშრომელი ამას აღნიშნავს საჯარიმო ქვითარში − ადმინისტრაციული სამართალდარღვევის ოქმში, რის შემდეგაც საჯარიმო ქვითრის − ადმინისტრაციული სამართალდარღვევის ოქმის ასლი ითვლება ჩაბარებულად, საქართველოს ადმინისტრაციულ სამართალდარღვევათა კოდექსის 268-ე მუხლის მე-7 ნაწილით დადგენილი წესის შესაბამისად.

მუხლი 5. საჯარიმო ქვითრების − ადმინისტრაციულ სამართალდარღვევათა ოქმების გამოყენებისა და აღრიცხვა-ანგარიშგების საფუძველი

სააგენტო საჯარიმო ქვითრების − ადმინისტრაციულ-სამართალდარღვევათა ოქმების გამოყენებასა და აღრიცხვა-ანგარიშგებას ახორციელებს „მკაცრი აღრიცხვის ფორმების შესახებ“ საქართველოს კანონის და წინამდებარე წესის მოთხოვნათა დაცვით.

მუხლი 6. საჯარიმო ქვითრებით - ადმინისტრაციულ სამართალდარღვევათა ოქმებით მომარაგება, საჯარიმო ქვითრების − ადმინისტრაციულ სამართალდარღვევათა ოქმების გაცემა, წარმოება და დაბრუნება, მოთხოვნები აღრიცხვის ჟურნალის გაფორმების, წარმოებისა და შენახვისადმი

1. საჯარიმო ქვითრებით − ადმინისტრაციულ სამართალდარღვევათა ოქმებით მომარაგებას სააგენტო ახორციელებს დამოუკიდებლად.

2. თანამშრომლისათვის საჯარიმო ქვითრის − ადმინისტრაციული სამართალდარღვევის ოქმის გაცემა ხორციელდება სააგენტოში საჯარიმო ქვითრის-ადმინისტრაციული სამართალდარღვევის ოქმის ფორმების შენახვაზე, მიღებაზე და შემდგომ მის განაწილებაზე და მოძრაობაზე პასუხისმგებელი პირის მიერ, რომელიც განსაზღვრულია სააგენტოს უფროსის ბრძანებით.

3. საჯარიმო ქვითარი − ადმინისტრაციული სამართალდარღვევის ოქმი შენახული უნდა იქნეს ცეცხლგამძლე სეიფში ამასთან, ის ადგილი, სადაც ინახება საჯარიმო ქვითარი-ადმინისტრაციული სამართალდარღვევის ოქმი უნდა იყოს ხელშეუხებელი გარეშე პირთათვის და სათანადოდ დაცული დაზიანებისაგან.

4. სააგენტოს საჯარიმო ქვითრის-ადმინისტრაციული სამართალდარღვევის ოქმის შენახვაზე პასუხისმგებელი პირის მიერ საჯარიმო ქვითარი − ადმინისტრაციული სამართალდარღვევის ოქმი გადაეცემა საჯარიმო ქვითრის – ადმინისტრაციული სამართალდარღვევის ოქმის შედგენაზე უფლებამოსილ სტრუქტურულ ქვედანაყოფებს.

5. ამ მუხლის მე-4 პუნქტის შესაბამისად, საჯარიმო ქვითრის − ადმინისტრაციული სამართალდარღვევის ოქმის გადაცემა უნდა დაფიქსირდეს საჯარიმო ქვითრების − ადმინისტრაციულ სამართალდარღვევათა ოქმების გასავლის ჟურნალში (ფორმა 2).

6. ამ მუხლის მე-2 პუნქტით, საჯარიმო ქვითრის − ადმინისტრაციული სამართალდარღვევის ოქმის მიღებაზე და შემდგომ მის განაწილებაზე პასუხისმგებელი პირი, თავის მხრივ, ვალდებულია საჯარიმო ქვითრის − ადმინისტრაციული სამართალდარღვევის ოქმის გაცემა, დაბრუნება, გაუქმება აღრიცხოს საჯარიმო ქვითრის − ადმინისტრაციული სამართალდარღვევის ოქმის აღრიცხვის ჟურნალში (ფორმა 3).

7. საჯარიმო ქვითრის-ადმინისტრაციული სამართალდარღვევის ოქმის მიღებაზე და შემდგომ მის განაწილებაზე პასუხისმგებელი პირი ვალდებულია 3 თვეში ერთხელ აცნობოს საჯარიმო ქვითრის − ადმინისტრაციული სამართალდარღვევის ოქმის შენახვაზე პასუხისმგებელ პირ(ებ)ს საჯარიმო ქვითრის − ადმინისტრაციული სამართალდარღვევის ოქმის მოძრაობის შესახებ.

მუხლი 7. საჯარიმო ქვითრების − ადმინისტრაციულ სამართალდარღვევათა ოქმების შენახვა

საჯარიმო ქვითრების − ადმინისტრაციულ სამართალდარღვევათა ოქმების შენახვა ხორციელდება „მკაცრი აღრიცხვის ფორმების შესახებ“ საქართველოს კანონის შესაბამისად.

მუხლი 8. გამოსაყენებლად უვარგისი საჯარიმო ქვითრების − ადმინისტრაციულ სამართალდარღვევათა ოქმების ჩამოწერა

გამოსაყენებლად უვარგისი საჯარიმო ქვითრების − ადმინისტრაციულ სამართალდარღვევათა ოქმების ჩამოწერა შეიძლება:

ა) შევსებისას დაშვებული შეცდომის გამო;

ბ) საჯარიმო ქვითრის − ადმინისტრაციული სამართალდარღვევის ოქმის ფიზიკური დაზიანების გამო;

გ) მოქმედი სამართლებრივი აქტებით გათვალისწინებულ სხვა შემთხვევებში.

გამოსაყენებლად უვარგისი საჯარიმო ქვითრების − ადმინისტრაციულ სამართალდარღვევათა ოქმების ჩამოწერა უნდა მოხდეს ჩამოწერის აქტის (ფორმა 4) მიხედვით. გამოსაყენებლად უვარგისი საჯარიმო ქვითრის-ადმინისტრაციული სამართალდარღვევის ოქმის ექსკლუზიური ნუმერაცია შეტანილი უნდა იქნეს მკაცრი აღრიცხვის ფორმების (დოკუმენტების) ჩამოწერის აქტში.
გამოსაყენებლად უვარგისი საჯარიმო ქვითრის − ადმინისტრაციული სამართალდარღვევის ოქმის უტილიზაცია ხორციელდება „მკაცრი აღრიცხვის ფორმების შესახებ“ საქართველოს კანონის შესაბამისად.

მუხლი 9. ჯარიმის გადახდა

1. სამართალდამრღვევმა საჯარიმო ქვითრის მისთვის ჩაბარებიდან 30 დღის ვადაში უნდა გადაიხადოს ჯარიმა.

2. თუ ამ მუხლის პირველი პუნქტით განსაზღვრული ვადის უკანასკნელი დღე ემთხვევა საქართველოს კანონმდებლობით დადგენილ უქმე დღეს ან დასვენების დღეს (შაბათს, კვირას), ვადის დამთავრების დღედ ჩაითვლება მისი მომდევნო პირველი სამუშაო დღე.

3. პასუხისმგებლობის დაკისრების მიუხედავად, დადგენილ ვადაში ლიცენზიის მფლობელის მიერ სალიცენზიო პირობების შეუსრულებლობა გამოიწვევს დაკისრებული ჯარიმის გასამმაგებას.

4. ამ მუხლით გათვალისწინებული ჯარიმის ნებაყოფლობით აღსრულებისათვის საქართველოს ადმინისტრაციულ სამართალდარღვევათა კოდექსის 290-ე მუხლის პირველი ნაწილით განსაზღვრული 30 დღის ვადაში გადაუხდელობის შემთხვევაში, სააგენტოს მიერ გამოიწერება სააღსრულებო ფურცელი (ფორმა 5), რომელიც დაუყოვნებლივ ეგზავნება სსიპ – აღსრულების ეროვნულ ბიუროს.

5. ამ მუხლის პირველი პუნქტით დადგენილი ვადის გასვლის შემდეგ ჯარიმის იძულებითი აღსრულება ხდება მოქმედი კანონმდებლობის შესაბამისად.

მუხლი 10. სააღსრულებო ფურცლის გამოწერა

1. სააგენტოს მიერ სააღსრულებო ფურცლის გამოწერა ხორციელდება კანონმდებლობით დადგენილი წესით.

2. სააგენტოში სააღსრულებო ფურცლის გამოწერას, ხელმოწერასა და ბეჭდით დამოწმებას უზრუნველყოფს შესაბამისი დეპარტამენტის უფროსი ან სააგენტოს უფროსის ბრძანებით განსაზღვრული თანამშრომელი.

3. სააღსრულებო ფურცლი დაუყოვნებლივ ეგზავნება საჯარო სამართლის იურიდიულ პირს − აღსრულების ეროვნულ ბიუროს.

4. სააღსრულებო ფურცელში შესატანი მონაცემების რეკვიზიტები განისაზღვრება „სააღსრულებო წარმოებათა შესახებ“ საქართველოს კანონის 21-ე მუხლის მე-3 პუნქტის შესაბამისად.

5. სააღსრულებო ფურცელში აღინიშნება − სააღსრულებო ფურცლის გამცემი; საქმე, რომლის გამოც გაცემულია სააღსრულებო ფურცელი; გადაწყვეტილების გამოტანის თარიღი; გადაწყვეტილების სარეზოლუციო ნაწილი; კრედიტორისა და მოვალის დასახელებები და რეკვიზიტები, მათ შორის, პირადი ნომრები ან გადასახადის გადამხდელის საიდენტიფიკაციო ნომრები, ასევე სააღსრულებო ფურცლის გამცემი ორგანოსთვის ცნობილი სხვა საკონტაქტო მონაცემები.

მუხლი 11. საჯარიმო ქვითრის − ადმინისტრაციული სამართალდარღვევის ოქმის გასაჩივრება

საჯარიმო ქვითარი − ადმინისტრაციული სამართალდარღვევის ოქმი შეიძლება გასაჩივრდეს მისი ჩაბარებიდან 10 დღის ვადაში შემდეგი წესით: საქართველოს ადმინისტრაციულ სამართალდარღვევათა კოდექსის დარღვევისას შედგენილი საჯარიმო ქვითარი − ადმინისტრაციული სამართალდარღვევის ოქმი ზემდგომ ორგანოში, რომლის გადაწყვეტილება საჩივრდება სასამართლოში.