„საავტომობილო ტრანსპორტით საერთაშორისო გადაყვანა/გადაზიდვის სანებართვო დოკუმენტების გაცემის, მის გაცემაზე უარის, შეჩერების, შეცვლისა და გაუქმების წესის დამტკიცების შესახებ“ საჯარო სამართლის იურიდიული პირის – სახმელეთო ტრანსპორტის სააგენტოს დირექტორის 2026 წლის 28 იანვრის №54/ნ ბრძანებაში ცვლილების შეტანის თაობაზე

დანართი №3

სანებართვო დოკუმენტების მიღების მსურველ გადამზიდველთა რეიტინგის გაანგარიშების მეთოდიკა

საერთაშორისო გადაზიდვების სანებართვო დოკუმენტების (შემდგომ – სანებართვო დოკუმენტი) მსურველ გადამზიდველთა რეიტინგის (R ) გაანგარიშება ხდება შემდეგი ფორმულით:

R= $\frac{\mathbf{R}\mathbf{1}}{\mathbf{K}}\mathbf{+ R}\mathbf{2 + R}\mathbf{3}$,

სადაც:

R1 – საავტომობილო პარკის დატვირთვის ეფექტურობის, R2 – საკუთრებაში არსებული ავტოპარკის სიდიდისა და ეკოლოგიურობის, R3 – სანებართვო დოკუმენტებით საქმიანობის ხანგრძლივობის მიხედვით განსაზღვრული რეიტინგებია.

სადაც:

$$\mathbf{R}\mathbf{1 =}\frac{\mathbf{Not +}\left( \mathbf{Nrt}\mathbf{1*M}\mathbf{1 + Nrt}\mathbf{2*M}\mathbf{2} \right)\mathbf{+ Nj}}{\mathbf{Nvot}}\mathbf{+ C + Nc}$$

• Not არის მიღებული ერთჯერადი სანებართვო დოკუმენტების სრული რაოდენობა;

• 𝑵rt1_, 𝑵rt2 – მიღებული მრავალჯერადი ორმხრივი სანებართვო დოკუმენტების რაოდენობა;

• 𝑴1, M2 – მრავალჯერადი ორმხრივი სანებართვო დოკუმენტების ფლობის თვეების რაოდენობა;

• Nj არის ECMT სააღრიცხვო წიგნის მიხედვით შესრულებული რეისების რაოდენობა;

• Nvot – ასს-ების უნიკალური რაოდენობა, რომლებზეც გაიცა ერთჯერადი ან/და მრავალჯერადი სანებართვო დოკუმენტები ან/და რომელიც ფიქსირდება ECMT სააღრიცხვო წიგნის მიხედვით შესრულებული რეისების განხორციელებაში;

• Nc – იმ უნიკალური ქვეყნების რაოდენობა, სადაც საანგარიშო წელს შესრულდა ECMT მრავალმხრივი სანებართვო დოკუმენტებით რეისები, ან/და იმ უნიკალური ქვეყნების რაოდენობა, რომლებზეც გადაზიდვების შესრულების მიზნით მიღებულია ორმხრივი სანებართვო დოკუმენტები (შემდგომ – უნიკალური ქვეყნების რაოდენობა).

• C – ქვეყნების სიშორის ხვედრითი კოეფიციენტი, სადაც C ტოლია ქვეყნების სიშორის კოეფიციენტების (ცხრილი №1) და ამ ქვეყნებში გადაზიდვის მიზნით მიღებული ერთჯერადი სანებართვო დოკუმენტების რაოდენობის ნამრავლის ჯამისა, (C1+C2+C3 ......), შეფარდებული ამ სანებართვო დოკუმენტების რაოდენობასთან (Nd): C = $\frac{\mathbf{C1 + C}\mathbf{2 + C}\mathbf{3\ldots\ }}{\mathbf{Nd}}$

დარღვევის კოეფიციენტი K = 1+0.3a + 0.1e + 0.5f + 0.1g, სადაც:

• 𝒂 არის სანებართვო დოკუმენტის არამართლზომიერი გამოყენების ფაქტი (გადაკეთება, მის მფლობელობაში არსებულ სხვა სატრანსპორტო საშუალებაზე გამოყენება, სხვა გადამზიდველზე გადაცემა ან/და სხვა გადამზიდველის მფლობელობაში არსებულის გამოყენება.

• e – სსიპ – სახმელეთო ტრანსპორტის სააგენტოს დირექტორის 2025 წლის 26 სექტემბრის №51/ნ ბრძანებით დამტკიცებული ტრანსპორტის მინისტრთა ევროპის კონფერენციის (ECMT) მრავალმხრივი სანებართვო დოკუმენტის გაცემის წესის შესაბამისად მიცემული გაფრთხილება (გარდა იმ შემთხვევისა, როცა მოხდა გაფრთხილების შემდეგ სანებართვო დოკუმენტის ჩამორთმევა);

• f – სსიპ – სახმელეთო ტრანსპორტის სააგენტოს დირექტორის 2025 წლის 26 სექტემბრის №51/ნ ბრძანებით დამტკიცებული ტრანსპორტის მინისტრთა ევროპის კონფერენციის (ECMT) მრავალმხრივი სანებართვო დოკუმენტის გაცემის წესის შესაბამისად სანებართვო დოკუმენტის ჩამორთმევა;

• g – სსიპ – სახმელეთო ტრანსპორტის სააგენტოს მიერ გადამზიდველის დაჯარიმების ან უცხოეთის ან საქართველოს კომპეტენტური ორგანოებიდან გადამზიდველის მხრიდან დარღვევის ან მისი დაჯარიმების შეტყობინების შემთხვევაში – მათი ჯამური რაოდენობა;

შენიშვნა: თუ K-ს მნიშვნელობა 2-ზე მეტია, ასეთ შემთხვევაში K=2-ს

R2 = P + $\frac{\mathbf{V}\mathbf{0 +}\mathbf{\ (}\mathbf{EURO\ 0\ }\mathbf{- : -}\mathbf{EURO\ III}\mathbf{)}\mathbf{\ }\mathbf{*\ }\mathbf{2\ + \ EUROIV}\mathbf{\ }\mathbf{*\ }\mathbf{\ }\mathbf{4\ + \ EUROV}\mathbf{\ }\mathbf{*\ }\mathbf{\ }\mathbf{6\ + \ EUROVI\ }\mathbf{\ }\mathbf{8\ }}{\mathbf{Nv}}\mathbf{,}$

სადაც:

• 𝑷არის პარკის სიდიდის კოეფიციენტი (ცხრილი №2);

• (EURO 0 -:-EURO III), EUROIV, EUROV, EUROVI – ავტოსატრანსპორტო საშუალებების რაოდენობაა კატეგორიების მიხედვით.

• 2, 4, 6, 8 – თანაფარდობის კოეფიციენტები;

• 𝑽𝒐 – დაქირავებული ასს-ების რაოდენობა;

• 𝑵v –ასს-ების ჯამური რაოდენობა.

R2 გაანგარიშების მიზნებისთვის, EURO-ბის განსაზღვრისთვის გამოიყენება ცხრილ №3-ში არსებული მონაცემები.

𝑹3= P∗5, სადაც:

• P არის საანგარიშოს წინა სამი წლის განმავლობაში საერთაშორისო სატვირთო გადაზიდვების სანებართვო დოკუმენტის ფლობა, წელზე 1 ერთეული.

შენიშვნა:

1. რეიტინგის გაანგარიშებისას გამოიყენება კომისიაზე განსახილველად განკუთვნილი განცხადებების მიღების დაწყების თვიდან წინა 12 თვის განმავლობაში ამავე გადამზიდველის შესახებ სააგენტოში არსებული ინფორმაცია.

2. სანებართვო დოკუმენტების განაწილება ხდება გადამზიდველთა რეიტინგის კლების მიხედვით შედგენილი სიის საფუძველზე, მათ საკუთრებაში არსებული პარკისა და რეიტინგის პროპორციულად, გასანაწილებლად გამოტანილი კვოტის ამოწურვამდე

კომისია უფლებამოსილია, არსებული რეალობიდან გამომდინარე, ზემოთ აღნიშნული პროპორცია არეგულიროს შესაბამისი კოეფიციენტით.

3. საკუთრებაში არსებული პარკის დათვლის მიზნებისთვის გათვალისწინებული უნდა იყოს ავტოსატრანსპორტო საშუალებების ის რაოდენობა, რომელიც რეიტინგის გაანგარიშების დაწყების თვიდან წინა 12 თვის განმავლობაში იყო გადამზიდველის საკუთრებაში და რომელზეც გაცემულია სულ მცირე ერთი სანებართვო დოკუმენტი.

4. ამ დანართის მიხედვით გადამზიდველზე განაწილებული და იმავე წლის გამოუყენებელი ან/და არ წაღებული ანალოგიური სანებართვო დოკუმენტების ჯამი არ უნდა აღემატებოდეს მის საკუთრებაში არსებული პარკის ოდენობას. ამასთან, ანალოგიური სანებართვო დოკუმენტი გამოყენებულად ითვლება სააგენტოში მისი დედნის წარმოდგენის ან/და იმ შემთხვევაში, როდესაც სააგენტოში არსებული ინფორმაციით დასტურდება მისი გამოყენების ფაქტი.

5. ამ დანართის მე-4 პუნქტის მიზნებისთვის, ანალოგიური სანებართვო დოკუმენტის არწაღების ფაქტის გათვალისწინება მოხდება მხოლოდ იმ შემთხვევაში, თუ გადამზიდველი ბოლო ორი კომისიის გადაწყვეტილებით მასზე განაწილებულ სანებართვო დოკუმენტს არ წაიღებს. სანებართვო დოკუმენტების განაწილების პროცესში კომისია გაითვალისწინებს ბოლო ორ კომისიაზე ჯამურად არწაღებული სანებართვო დოკუმენტების რაოდენობას.

6. იმ შემთხვევაში, თუ გადამზიდველებს ზემოთ აღნიშნული ფორმულის გამოყენებით დაუდგინდათ ერთი და იგივე სარეიტინგო ქულა, უპირატესობა ენიჭება იმ გადამზიდველს, რომელიც აღემატება თავის კონკურენტებს თუნდაც ერთი მაჩვენებლით, შემდეგი თანმიმდევრობით:

ა) პარკის რაოდენობით;

ბ) გადამზიდველზე გაცემული სანებართვო დოკუმენტების ჯამური რაოდენობით;

გ) უნიკალური ქვეყნების რაოდენობით;

დ) ვისაც წინა 12 თვის განმავლობაში არ უფიქსირდება სანებართვო დოკუმენტის არამართლზომიერი გამოყენების ფაქტი;

ე) სააგენტოში სანებართვო დოკუმენტის პირველად აღების შემდგომი პერიოდით.

ცხრილი №1

ცხრილი №2

ცხრილი №3