„დაზვერვის სააგენტოს დებულების დამტკიცების შესახებ“ საქართველოს სახელმწიფო უსაფრთხოების სამსახურის უფროსის 2025 წლის 29 ივლისის №58 ბრძანებაში ცვლილების შეტანის თაობაზე

1. მე-12 მუხლის „რ“ ქვეპუნქტი ჩამოყალიბდეს შემდეგი რედაქციით:

„რ) სამსახურის უფროსის გადაწყვეტილებით, ეროვნულ, გლობალურ და რეგიონალურ საფრთხეებთან დაკავშირებულ საკითხებზე თანამშრომლობს უცხო ქვეყნების შესაბამის სამსახურებთან;“.

2. მე-14 მუხლის „ი“ ქვეპუნქტი ჩამოყალიბდეს შემდეგი რედაქციით:

„ი) თანამდებობაზე ნიშნავს და თანამდებობიდან ათავისუფლებს სააგენტოს მოსამსახურეებს, ხოლო სააგენტოს სტრუქტურული ქვედანაყოფების უფროსებსა და მათ მოადგილეებს თანამდებობაზე ნიშნავს და თანამდებობიდან ათავისუფლებს მხოლოდ სამსახურის უფროსთან შეთანხმებით;“.

3. მე-15, მე-16 და მე-17 მუხლები ჩამოყალიბდეს შემდეგი რედაქციით:

„მუხლი 15

სააგენტოს უფროსს ჰყავს პირველი მოადგილე და მოადგილეები.

სააგენტოს უფროსის პირველ მოადგილესა და მოადგილეებს თანამდებობაზე ნიშნავს და თანამდებობიდან ათავისუფლებს სამსახურის უფროსი.

1. სააგენტოს უფროსის პირველი მოადგილისა და მოადგილეების უფლებამოსილება განისაზღვრება სააგენტოს უფროსის სამართლებრივი აქტით.

2. სააგენტოს უფროსის არყოფნისას, მის მოვალეობას ასრულებს სააგენტოს უფროსის პირველი მოადგილე, თუ სააგენტოს უფროსის გადაწყვეტილებით აღნიშნული მოვალეობის შესრულება არ დაეკისრა სააგენტოს უფროსის სხვა მოადგილეს.“.