„ხაშურის მუნიციპალიტეტის საკრებულოს წევრების (გარდა თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ“ ხაშურის მუნიციპალიტეტის საკრებულოს 2022 წლის 7 აპრილის №18 დადგენილებაში ცვლილების შეტანის თაობაზე

1. დადგენილებით დამტკიცებული წესის მე-3 მუხლის მე-3 პუნქტი ჩამოყალიბდეს შემდეგი რედაქციით:

„3. საკრებულოს თითოეული წევრისთვის, ამ წესის მე-2 მუხლის 1-ლი პუნქტის „გ“ და „დ“ ქვეპუნქტებით გათვალისწინებული საკრებულოს წევრის საქმიანობის აღრიცხვისათვის საკრებულოს წევრები (გარდა საკრებულოს თანამდებობის პირებისა), როგორც წესი, ყოველი თვის 20 რიცხვამდე საკრებულოს თავმჯდომარეს მოხსენებითი ბარათით წარუდგენენ მოქალაქეებთან/ამომრჩევლებთან შეხვედრის დამადასტურებელ არანაკლებ ორ ოქმს (რომლებშიც ასახული უნდა იქნეს შეხვედრების ჩატარების დრო, ადგილი და თემატიკა, რაც უნდა დასტურდებოდეს მინიმუმ ერთი მოქალაქის/ამომრჩევლის ხელმოწერით) და მოქალაქეების/ამომრჩევლების მიღების ოქმს, რაც უნდა დასტურდებოდეს საკრებულოს აპარატის თანამშრომლის ხელმოწერით.“.