აუცილებელი საზოგადოებრივი საჭიროებისათვის სს „საქართველოს სახელმწიფო ელექტროსისტემისათვის“ ექსპროპრიაციის უფლების მინიჭების თაობაზე

საქართველოს ეკონომიკისა და მდგრადი განვითარების მინისტრის

ბრძანება №1-1/236 

2026 წლის 29 ივნისი

 ქ. თბილისი

აუცილებელი საზოგადოებრივი საჭიროებისათვის სს „საქართველოს სახელმწიფო ელექტროსისტემისათვის“ ექსპროპრიაციის უფლების მინიჭების თაობაზე

,,აუცილებელი საზოგადოებრივი საჭიროებისათვის ექსპროპრიაციის უფლების მინიჭების მიზნით საკითხის განმხილველი კომისიის შექმნისა და დებულების დამტკიცების თაობაზე,“ ეკონომიკისა და მდგრადი განვითარების მინისტრის 2025 წლის 19 მაისის  №1-1/184 ბრძანებით შექმნილმა ექსპროპრიაციის საკითხების განმხილველმა კომისიამ განიხილა სს ,,საქართველოს სახელმწიფო ელექტროსისტემის“ 2026 წლის 23 თებერვლის №852/09 და 2026 წლის 1 აპრილის №1710/09 განცხადებები – 400 კვ. ელექტროგადამცემი ხაზის "ახალციხე-თორთუმის" მშენებლობის პროექტის (შემდგომში – პროექტი)  ფარგლებში, აუცილებელი საზოგადოებრივი საჭიროებისათვის სს ,,საქართველოს სახელმწიფო ელექტროსისტემისათვის“ ექსპროპრიაციის უფლების მინიჭების შესახებ და   გ ა მ ო ა რ კ ვ ი ა:

საქართველოს მთავრობის ენერგეტიკული პოლიტიკის ფარგლებში, სს „საქართველოს სახელმწიფო ელექტროსისტემა“ გერმანიის რეკონსტრუქციის ბანკის (KFW) დაფინანსებით, ,,გადამცემი ქსელის გაფართოების ღია პროგრამა II’’-ის ფარგლებში  ახორციელებს 400 კვ. „ახალციხე-თორთუმის“ ელექტროგადამცემი ხაზის მშენებლობის პროექტს. საქართველო-თურქეთის ენერგოსისტემის დამაკავშირებელი ,,ახალციხე-თორთუმის" ელექტროგადამცემი ხაზის მშენებლობის პროექტის განხორციელების შედეგად გაძლიერდება საქართველოს ელექტროენერგეტიკული კავშირი როგორც თურქეთის ენერგოსისტემასთან, ასევე ევროპის ერთიან სინქრონულ ზონასთან. პროექტის შექმნის  მნიშვნელოვან წინაპირობას წარმოადგენს ჰიდროენერგეტიკული რესურსების ათვისება. პროექტით გათვალისწინებულია 33 კმ. სიგრძის საქართველო-თურქეთის ენერგოსსიტემის დამაკავშირებელი ხაზის მშენებლობა. ,,ახალციხე-თორთუმის" ელექტროგადამცემი ხაზი დაუკავშირდება ახალციხის ქვესადგურს და თურქეთის ქვესადგურს თორთუმში. ამდენად, პროექტს გააჩნია სახელმწიფოებრივი და სოციალური დატვირთვა და მის წარმატებით განხორციელებას მნიშვნელოვანი როლი აქვს საქართველოს ენერგოსისტემის პერსპექტიული განვითარებისა და გაძლიერებისათვის.  პროექტის არეალში მოექცა ზაზა ბათმანაშვილის (პ/ნ 03001013982) საკუთრებაში არსებული, ადიგენის მუნიციპალიტეტში, სოფელ არალში მდებარე 2000 კვ.მ სასოფლო-სამეურნეო დანიშნულების მიწის ნაკვეთის (ს.კ N61.13.31.880)   ნაწილი –  374 კვ.მ მიწის ნაკვეთი და სოფიო აფრიამაშვილის  (პ/ნ 47001006204) საკუთრებაში არსებული, ადიგენის მუნიციპალიტეტში, სოფელ არალში (,,ნორაშენი“) მდებარე 1000 კვ.მ სასოფლო-სამეურნეო დანიშნულების მიწის ნაკვეთის (ს.კ N61.13.28.072)  ნაწილი – 79 კვ.მ მიწის ნაკვეთი.  ამასთან, მესაკუთრეებს სს ,,საქართველოს სახელმწიფო ელექტროსისტემის“ მიერ წერილობით ეცნობათ განსახორციელებელი პროექტის მნიშვნელობის თაობაზე და მიეცათ პროექტისათვის საჭირო მიწის ნაკვეთების ნებაყოფლობით გასხვისების წინადადება, განსახლების გეგმით განსაზღვრული საკომპენსაციო თანხის სანაცვლოდ, რაზედაც შეთანხმება ვერ იქნა მიღწეული. აღნიშნულიდან გამომდინარე, სს „საქართველოს სახელმწიფო ელექტროსისტემამ“  მომართა ეკონომიკისა და მდგრადი განვითარების სამინისტროს ექსპროპრიაციის პროცედურის დაწყების  თაობაზე.

წარმოდგენილი განცხადებების საფუძვლიანობის შემოწმების და ფაქტობრივი გარემოებების შეფასების შედეგად, მიზანშეწონილია დაკმაყოფილდეს სს ,,საქართველოს სახელმწიფო ელექტროსისტემის“ შუამდგომლობა  შემდეგ გარემოებათა გამო:

საკუთრების უფლების, ისევე როგორც სხვა ძირითადი უფლებების სამართლებრივ გარანტიას წარმოადგენს კონსტიტუცია. უშუალოდ საკუთრების უფლების კონკრეტული კონსტიტუციური გარანტია ასახულია კონსტიტუციის მე-19 მუხლში, რომლის პირველი პუნქტის თანახმად, საკუთრება და მემკვიდრეობის უფლება აღიარებული და უზრუნველყოფილია. საკუთრების, როგორც ძირითადი უფლების გარანტია, პირველ რიგში, ნიშნავს თითოეული მესაკუთრის უფლებას თავი დაიცვას სახელმწიფოს გაუმართლებელი და სხვა პირების ნებისმიერი ჩარევისგან. თუმცა საკუთრების უფლება არ არის აბსოლუტური უფლება.

საქართველოს კონსტიტუციის მე-19 მუხლი ითვალისწინებს საჯარო მიზნებისათვის საკუთრების ჩამორთმევას. კერძოდ, საქართველოს კონსტიტუციის მე-19 მუხლის მე-3 პუნქტის თანახმად, აუცილებელი საზოგადოებრივი საჭიროებისათვის საკუთრების ჩამორთმევა დასაშვებია კანონით პირდაპირ გათვალისწინებულ შემთხვევებში, სასამართლოს გადაწყვეტილების ან ორგანული კანონით დადგენილი გადაუდებელი აუცილებლობისას, წინასწარი, სრული და სამართლიანი ანაზღაურების პირობით. ანაზღაურება თავისუფლდება ყოველგვარი გადასახადისა და მოსაკრებლისგან. აღნიშნული ნორმით გათვალისწინებულ საკუთრების ჩამორთმევაში იგულისხმება ექსპროპრიაცია, რომლის პირობები და წესი დადგენილია „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონით.

„აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონის მე-2 მუხლის პირველი პუნქტის შესაბამისად, ამ კანონის მიზანია განსაზღვროს აუცილებელი საზოგადოებრივი საჭიროებისათვის ექსპროპრიაციის უფლების მინიჭებისა და ექსპროპრიაციის განხორციელების წესი. აუცილებელი საზოგადოებრივი საჭიროებისათვის ექსპროპრიაცია ხორციელდება საქართველოს ეკონომიკისა და მდგრადი განვითარების მინისტრის ბრძანების საფუძველზე და სასამართლოს გადაწყვეტილებით, სახელმწიფო ორგანოს ან ადგილობრივი თვითმმართველობის ორგანოს ანდა საჯარო ან კერძო სამართლის იურიდიული პირის სასარგებლოდ, რომელსაც ამ კანონის შესაბამისად ენიჭება ექსპროპრიაციის უფლება.

კანონიერ ძალაში შესული თბილისის საქალაქო სასამართლოს 2026 წლის 18 თებერვლის გადაწყვეტილებაში (საქმე N3/563-25) მითითებულია, რომ  ,,ექსპროპრიაციის უფლების მინიჭება ხორციელდება სასამართლოს გადაწყვეტილებით, ხოლო მინისტრის (საქართველოს ეკონომიკისა და მდგრადი განვითარების სამინისტრო) ბრძანებით განისაზღვრება მხოლოდ 1. აუცილებელი საზოგადოებრივი საჭიროებისათვის ექსპროპრიაციის გარდაუვალობა, რომელშიც იგულისხმება კონკრეტული პროექტისათვის აუცილებელი საზოგადოებრივი საჭიროების მნიშვნელობის მინიჭება, როგორც ექსპროპრიაციის საფუძველი და აღნიშნული პროექტის განხორციელებისათვის ექსპროპრიაციის გარდაუვალობის აუცილებლობა, როგორც კანონისმიერი პირობა.

2. სუბიექტი ესე იგი პირი, რომელიც დაინტერესებულია ექსპროპრიაციის უფლების მოპოვებით და რომელსაც სასამართლოს გადაწყვეტილებით შეიძლება მიენიჭოს ექსპროპრიაციის უფლება.“

საქართველოს კონსტიტუციის მე-7 მუხლის პირველი პუნქტის ,,ვ“ ქვეპუნქტის შესაბამისად,  საქართველოს უმაღლეს სახელმწიფო ორგანოთა განსაკუთრებულ გამგებლობას მიეკუთვნება  ერთიანი ენერგეტიკული სისტემა და რეჟიმი. კონსტიტუციის 54-ე მუხლის თანახმად,  საქართველოს მთავრობა არის აღმასრულებელი ხელისუფლების უმაღლესი ორგანო, რომელიც ახორციელებს ქვეყნის საშინაო პოლიტიკას.  ამასთან, მთავრობა შედგება პრემიერ-მინისტრისა და მინისტრებისაგან. ამასთან, სამინისტრო იქმნება მთავრობის უფლებამოსილების განსაზღვრულ სფეროში სახელმწიფო პოლიტიკისა და მმართველობის განხორციელების უზრუნველსაყოფად და მას ხელმძღვანელობს მინისტრი. ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-14 მუხლის შესაბამისად, სამინისტრო იქმნება კანონის საფუძველზე, მთავრობის უფლებამოსილების განსაზღვრულ სფეროში სახელმწიფო პოლიტიკისა და მმართველობის განხორციელების უზრუნველსაყოფად. ამასთან,  საქართველოს სამინისტროებია: ეკონომიკისა და მდგრადი განვითარების სამინისტრო (,,გ“ ქვეპუნქტი).   

„აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონის მე-2 მუხლის „დ“ ქვეპუნქტის თანახმად, აუცილებელი საზოგადოებრივი საჭიროებისათვის ექსპროპრიაცია ხორციელდება ,,ელექტროენერგიის გადამცემი და გამანაწილებელი ხაზების მშენებლობისათვის“.

თბილისის საქალაქო სასამართლოს 2026 წლის 18 თებერვლის გადაწყვეტილებაში (საქმე N3/563-25) ასევე განმარტებულია, რომ ,,კონკრეტული პროექტისათვის აუცილებელი საზოგადოებრივი საჭიროების მნიშვნელობის მინიჭება წარმოადგენს საქართველოს მთავრობის აბსოლუტურ დისკრეციულ  კონსტიტუციურ უფლებამოსილებას, ვინაიდან აღნიშნული ეფუძნება  კონკრეტული პროექტის აუცილებელი საზოგადოებრივი საჭიროების მქონე პროექტად  მიჩნევის მიზანშეწონილობას. ამასთან, აბსოლუტური დისკრეციული უფლებამოსილების პირობებში სასამართლო არ არის უფლებამოსილი შეაფასოს  მიღებული  ადმინისტრაციულ-სამართლებრივი აქტით კონკრეტული პროექტისათვის  აუცილებელი საზოგადოებრივი საჭიროების მნიშვნელობის მინიჭების მიზანშეწონილობის პირობები და საფუძვლები.“

მოცემულ შემთხვევაში დადგენილია, რომ  სს ,,საქართველოს სახელმწიფო ელექტროსისტემის“ მიერ ხორციელდება   400 კვ. ელექტროგადამცემი ხაზის " ახალციხე-თორთუმის"  მშენებლობის პროექტი.

ამასთან, საჯარო რეესტრის ამონაწერით დასტურდება, რომ  ადიგენის მუნიციპალიტეტში, სოფელ არალში მდებარე 2000 კვ.მ სასოფლო-სამეურნეო დანიშნულების მიწის ნაკვეთის (ს.კ. N61.13.31.880)   მესაკუთრეა ზაზა ბათმანაშვილი (პ/ნ 03001013982).

დადგენილია, რომ პროექტით გათვალისწინებული სამშენებლო სამუშაოების განხორციელების არეალში ექცევა ზაზა ბათმანაშვილის საკუთრებაში არსებული  ადიგენის მუნიციპალიტეტში, სოფელ არალში მდებარე 2000 კვ.მ სასოფლო-სამეურნეო დანიშნულების მიწის ნაკვეთის (ს.კ. N61.13.31.880)   ნაწილი - 374 კვ.მ  მიწის ნაკვეთი.  

საჯარო რეესტრის ამონაწერით დასტურდება, რომ  ადიგენის მუნიციპალიტეტში, სოფელ არალში (,,ნორაშენი“) მდებარე 1000 კვ.მ სასოფლო-სამეურნეო დანიშნულების მიწის ნაკვეთის (ს.კ. N61.13.28.072)  მესაკუთრეა სოფიო აფრიამაშვილი  (პ/ნ 47001006204).

დადგენილია, რომ პროექტით გათვალისწინებული სამშენებლო სამუშაოების განხორციელების არეალში ექცევა  სოფიო აფრიამაშვილის  საკუთრებაში არსებული ადიგენის მუნიციპალიტეტში, სოფელ არალში (,,ნორაშენი“) მდებარე 1000 კვ.მ სასოფლო-სამეურნეო დანიშნულების მიწის ნაკვეთის (ს.კ N61.13.28.072)  ნაწილი – 79 კვ.მ მიწის ნაკვეთი.   

დადგენილია, რომ  სს ,,საქართველოს სახელმწიფო ელექტროსისტემის“ მიერ ვერ მოხერხდა კერძო მესაკუთრეებთან უძრავი ქონების გამოსყიდვაზე შეთანხმების  მიღწევა და შესაბამისად, არსებობს ექსპროპრიაციის გზით საკუთრების უფლების ჩამორთმევის პროცედურის დაწყების საჭიროება.

ამდენად, „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონის მე-2 მუხლის მე-2 პუნქტის „დ“ ქვეპუნქტის, მე-3 მუხლის პირველი პუნქტისა და საქართველოს ეკონომიკისა და მდგრადი განვითარების მინისტრის 2025 წლის 19 მაისის №1-1/184  ბრძანებით შექმნილი კომისიის 2026 წლის  20 მაისის   სხდომის ოქმის  საფუძველზე,   ვ ბ რ ძ ა ნ ე ბ:

1. 400 კვ. ელექტროგადამცემი ხაზის "ახალციხე-თორთუმის"  მშენებლობის პროექტი ჩაითვალოს აუცილებელი საზოგადოებრივი საჭიროების მქონე პროექტად.

2. სს „საქართველოს სახელმწიფო ელექტროსისტემა“ (განმცხადებელი) განისაზღვროს ექსპროპრიაციის განმახორციელებელ სუბიექტად.

3.  სს ,,საქართველოს სახელმწიფო ელექტროსისტემას" მიენიჭოს  უფლებამოსილება პროექტის არეალში მოქცეულ ზაზა ბათმანაშვილის  (პ/ნ 03001013982) საკუთრებაში არსებულ  ადიგენის მუნიციპალიტეტში, სოფელ არალში მდებარე 2000 კვ.მ სასოფლო-სამეურნეო დანიშნულების მიწის ნაკვეთის (ს.კ N61.13.31.880)  ნაწილზე - 374 კვ.მ მიწის ნაკვეთზე და  სოფიო აფრიამაშვილის  (პ/ნ 47001006204) საკუთრებაში არსებულ ადიგენის მუნიციპალიტეტში, სოფელ არალში (,,ნორაშენი“) მდებარე 1000 კვ.მ სასოფლო-სამეურნეო დანიშნულების მიწის ნაკვეთის (ს.კ N61.13.28.072)  ნაწილზე - 79 კვ.მ მიწის ნაკვეთზე,  მიმართოს სასამართლოს საქართველოს კანონმდებლობით დადგენილი წესით ექსპროპრიაციის უფლების მოსაპოვებლად. 

4.  ბრძანება შეიძლება გასაჩივრდეს მისი გამოქვეყნების ან ოფიციალური წესით გაცნობის დღიდან ერთი თვის ვადაში, თბილისის საქალაქო სასამართლოს ადმინისტრაციულ საქმეთა კოლეგიაში (მის: ქ. თბილისი, დავით აღმაშენებლის ხეივანი №64).

მინისტრის მოვალეობის შემსრულებელი                                       ნინო ენუქიძე