მცხეთის მუნიციპალიტეტის მერიის ქონების მართვის სამსახურის დებულების დამტკიცების შესახებ

1. მცხეთის მუნიციპალიტეტის მერიის ქონების მართვის სამსახური (შემდგომში – სამსახური) წარმოადგენს მცხეთის მუნიციპალიტეტის მერიის სტრუქტურულ ერთეულს, რომელიც უზრუნველყოფს მუნიციპალური ქონების აღრიცხვა-რეგისტრაციას, მართვას და ეფექტურ გამოყენებას, მონაწილეობს ადგილობრივი მოსაკრებლების ადმინისტრირების პროცესში, ახორციელებს მუნიციპალიტეტის მატერიალურ-ტექნიკურ უზრუნველყოფას, გარემოს დაცვის, სოფლის მეურნეობის და სხვა ღონისძიებათა გატარებას, წინამდებარე დებულებით განსაზღვრული კომპეტენციის ფარგლებში.

2. სამსახური თავის საქმიანობაში ხელმძღვანელობს საქართველოს ორგანული კანონით  „ადგილობრივი თვითმმართველობის კოდექსი“, „ადგილობრივი მოსაკრებლების შესახებ“ საქართველოს კანონით, „შრომის უსაფრთხოების შესახებ“ საქართველოს ორგანული კანონით, მცხეთის მუნიციპალიტეტის მერიის დებულებით, ამ დებულებით და სხვა საკანონმდებლო და კანონქვემდებარე ნორმატიული აქტებით.

3. სამსახური ანგარიშვალდებულია მცხეთის მუნიციპალიტეტის მერის წინაშე.

1. სამსახური შედგება სტრუქტურული ქვედანაყოფების – განყოფილებებისაგან.

2. სამსახურის სტრუქტურული ქვედანაყოფებია:

ა) ქონების მართვის და აღრიცხვის განყოფილება;

ბ) ადგილობრივ მოსაკრებელთა განყოფილება;

გ) გარემოს დაცვის და სოფლის მეურნეობის განყოფილება;

დ) მატერიალურ-ტექნიკური განყოფილება.

1. სამსახურის ხელმძღვანელი:

ა) წარმართავს სამსახურის საქმიანობას და პასუხისმგებელია ამ სამსახურისათვის დაკისრებული ამოცანებისა და ფუნქციების შესრულებაზე;

ბ) ანაწილებს ფუნქციებს განყოფილებების მიხედვით სამსახურის საჯარო მოსამსახურეთა შორის;

გ) მერს წარუდგენს წინადადებებს სამსახურის საკადრო საკითხებთან დაკავშირებით; საჯარო მოსამსახურეთა წახალისების და მათთვის დისციპლინური პასუხისმგებლობის დაკისრების, საჯარო მოსამსახურეთა მორიგი და დამატებითი შვებულებების გამოყენების, მოსამსახურეთა სამსახურებრივი მივლინებების, კვალიფიკაციის ამაღლებისა და სწავლების შესახებ;

დ) განსაზღვრავს სამსახურის საქმიანობის ორგანიზებისა და დაგეგმვის წესს, ფორმებსა და მეთოდებს; სამსახურის საჯარო მოსამსახურეთა თანამდებობრივ მოვალეობებს;

ე) მერს წარუდგენს სამსახურის მიერ მომზადებულ საკითხებს, წინადადებებს, დასკვნებსა და რეკომენდაციებს;

ვ) მერს პერიოდულად წარუდგენს ანგარიშს სამსახურის მიერ შესრულებულ სამუშაოთა შესახებ.

2. სამსახურის ხელმძღვანელის არყოფნის შემთხვევაში მის უფლება-მოვალეობებს ახორციელებს სამსახურის ერთ-ერთი განყოფილების ხელმძღვანელი.

1. განყოფილების ხელმძღვანელი:

ა) წარმართავს განყოფილების საქმიანობას და პასუხისმგებელია ამ განყოფილებისათვის დაკისრებული ამოცანებისა და ფუნქციების შესრულებაზე;

ბ) ანაწილებს ფუნქციებს განყოფილების საჯარო მოსამსახურეთა შორის;

გ) განსაზღვრავს განყოფილების საქმიანობის ორგანიზებისა და დაგეგმვის წესს, ფორმებსა და მეთოდებს; სამსახურის საჯარო მოსამსახურეთა თანამდებობრივ მოვალეობებს.

2. განყოფილების ხელმძღვანელი ანგარიშვალდებულია სამსახურის ხელმძღვანელის წინაშე.

3. განყოფილების ხელმძღვანელის არყოფნის შემთხვევაში მის უფლება-მოვალეობებს ასრულებს ამავე განყოფილების ერთ-ერთი საჯარო მოხელე.

განყოფილება უზრუნველყოფს:

ა) თვითმმართველი ერთეულის საკუთრებაში არსებული ქონების აღრიცხვას, რეგისტრაციას, წინადადებების მომზადებას და მის მიზნობრივ გამოყენებაზე მონიტორინგს;

ბ) წინადადებებისა და შესაბამისი დოკუმენტაციის მომზადებას  სახელმწიფო საკუთრებაში არსებული ქონების თვითმმართველი ერთეულისათვის გადაცემასთან დაკავშირებით;

გ) წინადადებების, პროექტებისა და შესაბამისი დოკუმენტაციის მომზადებას, თვითმმართველი ერთეულის საკუთრებაში არსებული ქონების მართვა-განკარგვასთან დაკავშირებით;

დ) მუნიციპალიტეტის მიერ განკარგული ქონების შესახებ ხელშეკრულებებისა და საკუთრების მოწმობების მომზადებას;

ე) მონიტორინგს, სარგებლობის უფლებით გადაცემული ქონების გამოყენებაზე;

ვ) რეკომენდაციების შემუშავებას  მუნიციპალური ქონების კატეგორიის განსაზღვრისა და შეცვლასთან დაკავშირებით;

ზ) პერიოდულად გამოითხოვს ინფორმაციას ადმინისტრაციულ ერთეულებში მერის წარმომადგენლებისგან მუნიციპალიტეტის საკუთრებაში/სარგებლობაში არსებული ქონების შესახებ;

თ) საქართველოს მოქმედი კანონმდებლობით, მუნიციპალიტეტის სამართლებრივი აქტებით და მერის დავალებით განსაზღვრულ სხვა უფლებამოსილებათა განხორციელებას.

განყოფილება უზრუნველყოფს:

ა) დასუფთავების მოსაკრებლის გადამხდელთა აღრიცხვას;

ბ) დებიტორული დავალიანების მქონე დასუფთავების მოსაკრებლის გადამხდელთა ინფორმირებას;

გ) დასუფთავების მოსაკრებლის გადამხდელთა მიერ დასუფთავების მოსაკრებლის გადახდის მონიტორინგს;

დ) დასუფთავების მოსაკრებელთან დაკავშირებით, დასუფთავების მოსაკრებლის გადამხდელთან ხელშეკრულების დადებას;

ე) ყოველთვიურად მოთხოვნის შემთხვევაში დასუფთავების მოსაკრებლის ქვითრების მომზადებასა და დარიგებას მუნიციპალიტეტის ტერიტორიაზე დასუფთავების მოსაკრებლის გადამხდელთათვის;

ვ) პერიოდულად, დასუფთავების მოსაკრებლის გადამხდელთან ურთიერთშედარების აქტების შედგენას;

ზ) დროებით შეჩერებული ან დახურული ობიექტების აღრიცხვას;

თ) კომპეტენციას მიკუთვნებულ საკითხებზე წერილებისა და დოკუმენტაციის მომზადებას;

ი) ხელშეკრულებით განსაზღვრული ანგარიშსწორების პირობების ინსპექტირებას (დასუფთავების მოსაკრებლის გადამხდელთა მიერ მოწოდებული ინფორმაციის გადამოწმება);

კ) ყოველთვიურად დასუფთავების მოსაკრებლის გადამხდელებთან შეტყობინების გაგზავნას დებიტორული დავალიანების შესახებ;

ლ) საქართველოს მოქმედი კანონმდებლობით, მუნიციპალიტეტის სამართლებრივი აქტებით და მერის დავალებით განსაზღვრულ სხვა უფლებამოსილებათა განხორციელებას.

განყოფილება უზრუნველყოფს:

ა) მოსაჭრელი/გადასაბელი ხე-მცენარეების მონიტორინგს;

ბ) დაავადებული და საფრთხის შემცველი ხე-მცენარეების გადაბელვისა და მოჭრის თაობაზე მერიაში შემოსული განცხადებების განხილვა/დამუშავებას;

გ) გარემოს დაცვით ღონისძიებებში მონაწილეობის მიღებას;

დ) გარემოს დაცვით საკითხებზე წინადადებების/მოსაზრებების მერისთვის წარდგენას;

ე) საქართველოს მთავრობისა და საერთაშორისო ორგანიზაციების მიერ დაგეგმილი სოფლის მეურნეობის განვითარების და გარემოს დაცვითი პროექტების განხორციელების ხელშეწყობას;

ვ) საინვესტიციო პროექტების განხორციელების ხელშეწყობას და დაინტერესებული პირებისთვის შესაბამისი ინფორმაციის მიწოდებას;

ზ) სასურსათო პროდუქტების გადამამუშავებელი და შესანახი ინფრასტრუქტურის, სასოფლო-სამეურნეო მანქანა-დანადგარების, მომსახურების ცენტრების და სასოფლო-სამეურნეო დანიშნულების მიწის ფართობების შესახებ შესაბამისი ინფორმაციის მომზადებას და დაინტერესებული უწყებებისთვის/პირებისთვის მიწოდებას;

თ) სოფლის მეურნეობის განვითარების სტრატეგიული გეგმის განხორციელების ხელშეწყობას;

ი) მუნიციპალიტეტის ტერიტორიაზე არსებული სავარგულების, კულტურების და სხვა მონაცემების შესახებ საინფორმაციო ბაზის შექმნისთვის და მუდმივი განახლებისთვის შესაბამისი უწყებებიდან და პირებისგან მიღებული ინფორმაციის კონსოლიდაციას;

კ) საქართველოს მოქმედი კანონმდებლობით, მუნიციპალიტეტის სამართლებრივი აქტებით და მერის დავალებით განსაზღვრულ სხვა უფლებამოსილებათა განხორციელებას.

 განყოფილება უზრუნველყოფს:

ა) საინფორმაციო-საკომუნიკაციო სისტემის გამართულ ფუნქციონირებას;

ბ) საოფისე ტექნიკის მოვლა-პატრონობას, რემონტს და ტექნიკურ მომსახურებას;

გ) მუნიციპალიტეტის საკრებულოსა და მერიის სარგებლობაში/საკუთრებაში არსებული ქონების მოვლა-პატრონობას, რემონტს და დაცვას;

დ) მუნიციპალიტეტის საკრებულოსა და მერიის სტრუქტურული და ადმინისტრაციული ერთეულების საოფისე მასალებით მომარაგებას;

ე) მცხეთის მუნიციპალიტეტის ადმინისტრაციულ შენობებში შრომის უსაფრთხოების სფეროში დადგენილი სამართლებრივი მარეგულირებელი ნორმების და წესების დაცვას;

ვ) სამუშაო სივრცეში მყოფი დასაქმებულის და სხვა პირების უსაფრთხოებასა და ჯანმრთელობას;

ზ) ტექნიკური აღჭურვილობის შემოწმებას, რისკების შეფასებას, პრევენციული ღონისძიებების განხორციელებას;

თ) „შრომის უსაფრთხოების შესახებ“ საქართველოს ორგანული კანონით და ამ სფეროში მოქმედი სხვა სამართლებრივი აქტებით განსაზღვრული ფუნქციების განხორციელებას;

ი) ხანძარსაწინააღმდეგო უსაფრთხოების მიზნით, პრევენციული ღონისძიებების გატარებას;

კ) საქართველოს მოქმედი კანონმდებლობით, მუნიციპალიტეტის სამართლებრივი აქტებით და მერის დავალებით განსაზღვრულ სხვა უფლებამოსილებათა განხორციელებას.

1. დებულებაში ცვლილების და დამატების შეტანა ხორციელდება მოქმედი კანონმდებლობის შესაბამისად. ნებისმიერი ცვლილება და დამატება დებულების განუყოფელი ნაწილია.

2. სამსახურის რეორგანიზაცია ხორციელდება საქართველოს კანონმდებლობით დადგენილი წესით.