,,სკოლისგარეშე სახელოვნებო საგანმანათლებლო დაწესებულება – ვანო მურადელის სახელობის გორის №1 სამუსიკო სკოლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს კულტურის, ძეგლთა დაცვისა და სპორტის მინისტრის 2006 წლის 16 აგვისტოს №3/268 ბრძანებაში ცვლილებების შეტანის შესახებ“
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
სახელმწიფო სარეგისტრაციო კოდი 040.030.000.22.028.010.068
საქართველოს კულტურის, ძეგლთა დაცვისა და სპორტის მინისტრის
ბრძანება №3/36
2007 წლის 27 თებერვალი
ქ. თბილისი
სკოლისგარეშე სახელოვნებო საგანმანათლებლო დაწესებულების – ვანო მურადელის სახელობის გორის №1 სამუსიკო სკოლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს კულტურის, ძეგლთა დაცვისა და სპორტის მინისტრის 2006 წლის 16 აგვისტოს №3/268 ბრძანებაში ცვლილებების შეტანის შესახებ
,,ნორმატიული აქტების შესახებ“ საქართველოს კანონის 36-ე მუხლის პირველი პუნქტისა და საქართველოს ზოგადი ადმინისტრაციული კოდექსის 63-ე მუხლის თანახმად, ვბრძანებ:
1. ,,სკოლისგარეშე სახელოვნებო საგანმანათლებლო დაწესებულების – ვანო მურადელის სახელობის გორის №1 სამუსიკო სკოლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ.“ საქართველოს კულტურის, ძეგლთა დაცვისა და სპორტის მინისტრის 2006 წლის 16 აგვისტოს №3/268 ბრძანებით დამტკიცებულ წესდებაში (სსმIII, 2006წ., №111 მუხ. 1526,) შეტანილ იქნას შემდეგი ცვლილებები:
ა) წესდების პირველი მუხლის პირველი პუნქტი ჩამოყალიბდეს შემდეგი რედაქციით:
,,1. საჯარო სამართლის იურიდიული პირი – სკოლისგარეშე სახელოვნებო საგანმანათლებლო დაწესებულება ვანო მურადელის სახელობის გორის №1 სამუსიკო სკოლა (შემდგომში – სამუსიკო სკოლა) არის ,,საჯარო სამართლის იურიდიული პირის შესახებ“ და „ზოგადი განათლების შესახებ“ საქართველოს კანონების საფუძველზე შექმნილი სკოლისგარეშე სახელოვნებო საგანმანათლებლო დაწესებულება, რომელიც ახორციელებს სამუსიკო საგანმანათლებლო პროგრამებს ზოგადსაგანმანათლებლო პროგრამების გარეშე დაწყებით, საბაზო-საორიენტაციო და საშუალო საფეხურზე.“
ბ) წესდების მე-2 მუხლის პირველი პუნქტის ,,ა“ ქვეპუნქტი ჩამოყალიბდეს შემდეგი რედაქციით:
,,ა) მისცეს მოსწავლეებს დაწყებითი,საბაზო-საორიენტაციო და საშუალო სამუსიკო განათლება; სწავლების ხანგრძლივობა 12 წელი“.
გ) წესდების მე-3 მუხლის მე-2 პუნქტი ჩამოყალიბდეს შემდეგი რედაქციით:
,,2) სამუ სიკო სკოლაში ხორციელდება შემდეგი სამუსიკო საგანმანათლებლო პროგრამები:
ა) საფორტეპიანო;
ბ) საორკესტრო;
გ) საგუნდო;
დ) სოლო სიმღერის.“
2. ეს ბრძანება ამოქმედდეს გამოქვეყნებისთანავე.
გ. გაბაშვილი