,,საქართველოს ფინანსთა სამინისტროს შემოსავლების სამსახურის საგამოძიებო დეპარტამენტის დებულების დამტკიცების თაობაზე“ საქართველოს ფინანსთა მინისტრის 2007 წლის 13 აპრილის №343 ბრძანებაში დამატების შეტანის თაობაზე“
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
სახელმწიფო სარეგისტრაციო კოდი 190.040.000.22.033.010.336
საქართველოს ფინანსთა მინისტრის
ბრძანება №478
2007 წლის 11 მაისი
ქ. თბილისი
,,საქართველოს ფინანსთა სამინისტროს შემოსავლების სამსახურის საგამოძიებო დეპარტამენტის დებულების დამტკიცების თაობაზე“ საქართველოს ფინანსთა მინისტრის 2007 წლის 13 აპრილის №343 ბრძანებაში დამატების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
1. საქართველოს ფინანსთა მინისტრის 2007 წლის 13 აპრილის №343 ბრძანებით დამტკიცებულ ,,საქართველოს ფინანსთა სამინისტროს შემოსავლების სამსახურის საგამოძიებო დეპარტამენტის დებულებაში“ (სსმ III, 13.04.07, №51, მუხ.563) შეტანილ იქნეს დამატება და მე-4 მუხლს დაემატოს შემდეგი შინაარსის მე-5 პუნქტი:
,,5. დეპარტამენტის ოპერატიულ-სამძებრო დანაყოფების (მთავარი სამმართველო, სამმართველო) უფროსები და მათი მოადგილეები კანონმდებლობით მათთვის მინიჭებული უფლებამოსილებების ფარგლებში სრული მოცულობით აწარმოებენ წინასწარ გამოძიებას“.
2. ბრძანება ამოქმედდეს გამოქვეყნებისთანავე.
ა. ალექსიშვილი