,,საქართველოს განათლებისა და მეცნიერების მინისტრის ზოგიერთი ბრძანების ძალადაკარგულად გამოცხადების შესახებ“

სახელმწიფო სარეგისტრაციო კოდი 010.240.030.22.022.012.936

საქართველოს განათლებისა და მეცნიერების მინისტრის

ბრძანება №157

2009 წლის 24 მარტი

ქ. თბილისი

საქართველოს განათლებისა და მეცნიერების მინისტრის ზოგიერთი ბრძანების ძალადაკარგულად გამოცხადების შესახებ

ბავშვზე ზრუნვის სფეროს საქართველოს შრომის, ჯანმრთელობისა და სოციალური დაცვის სამინისტროს კომპეტენციაში გადასვლასთან დაკავშირებით, „შვილად აყვანის შესახებ“ საქართველოს კანონის 31-ე მუხლის პირველი პუნქტის, ,,მინდობით აღზრდის შესახებ“ საქართველოს კანონის მე-19 მუხლის პირველი პუნქტის, ,,სოციალური დახმარების შესახებ“ საქართველოს კანონის 26-ე მუხლის მე-5 პუნქტის, საქართველოს ზოგადი ადმინისტრაციული კოდექსის 61-ე მუხლის პირველი და მე-3 ნაწილებისა და „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული საქართველოს განათლებისა და მეცნიერების სამინისტროს დებულების მე-3 მუხლის მე-2 პუნქტის „მ“ ქვეპუნქტის საფუძველზე, ვბრძანებ:

1. ძალადაკარგულად გამოცხადდეს საქართველოს განათლებისა და მეცნიერების მინისტრის შემდეგი ბრძანებები:

ა) ,,მინდობით აღზრდის წესისა და პირობების დამტკიცების თაობაზე“ საქართველოს განათლებისა და მეცნიერების მინისტრის 2008 წლის 18 ნოემბრის №974 ბრძანება;

ბ) ,,ადგილობრივი და ცენტრალური რეესტრების წარმოების, გასაშვილებელ ბავშვთა და მშვილებელ ოჯახთა/პირთა აღრიცხვის, შვილად აყვანასთან (გაშვილებასთან) და გაშვილებულ პირთა ბიოგრაფიულ მონაცემებთან დაკავშირებული ინფორმაციის შენახვისა და გაცემის წესის დამტკიცების შესახებ“ საქართველოს განათლებისა და მეცნიერების მინისტრის 2008 წლის 31 ოქტომბრის №921 ბრძანება;

გ) ,,შვილად აყვანის შესახებ დასკვნის მომზადებისა და გაცემის წესისა და მშვილებლისა და გასაშვილებელი ბავშვის თავსებადობის კრიტერიუმების დამტკიცების შესახებ“ საქართველოს განათლებისა და მეცნიერების მინისტრის 2008 წლის 31 ოქტომბრის №922 ბრძანება;

დ) ,,ბავშვის გაშვილებაზე თანხმობის ან მშობლის უფლებაზე უარის თქმის შესახებ პირველადი და ძირითადი ფორმების დამტკიცების შესახებ“ საქართველოს განათლებისა და მეცნიერების მინისტრის 2008 წლის 31 ოქტომბრის №923 ბრძანება;

ე) ,,მშვილებელი ქვეყნის ცენტრალურ ორგანოსთან (ასეთი ორგანოს არარსებობის შემთხვევაში – გასაშვილებელ ქვეყანაში ლიცენზირებულ ან/და აკრედიტებულ შესაბამის უფლებამოსილ ორგანიზაციასთან) სპეციალური ხელშეკრულების ფორმის დამტკიცების შესახებ“ საქართველოს განათლებისა და მეცნიერების მინისტრის 2008 წლის 31 ოქტომბრის №925 ბრძანება;

ვ) ,,წყნეთის ბავშვთა სახლის რეორგანიზაციის, საჯარო სამართლის იურიდიული პირის – წყნეთის ობოლ და მშობელთა მზრუნველობამოკლებულ ბავშვთა სააღმზრდელო დაწესებულების დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 9 ივლისის №611 ბრძანება;

ზ) „თბილისის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 13 ოქტომბრის №559 ბრძანება;

თ) ,,საჯარო სამართლის იურიდიული პირის – სოფ. ტაშისკარის საჯარო სკოლის რეორგანიზაციის, საჯარო სამართლის იურიდიული პირის – სოფ. ტაშისკარის ობოლ და მშობელთა მზრუნველობამოკლებულ ბავშვთა სააღმზრდელო დაწესებულების დაფუძნებისა და მისი წესდების დამტკიცების შესახებ“ 2008 წლის 27 მარტის №270 ბრძანება;

ი) „ახალგორის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №31 ბრძანება;

კ) ,,მიუსაფარ ბავშვთა სარეაბილიტაციო ცენტრის ,,სათნოების“ რეორგანიზაციის, საჯარო სამართლის იურიდიული პირის – ობოლ და მშობელთა მზრუნველობა-მოკლებულ ბავშვთა სააღმზრდელო დაწესებულების ,,სათნოების“ დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 27 მარტის №275 ბრძანება;

ლ) ,,ქ. რუსთავის მზრუნველობამოკლებულ ბავშვთა სახლის რეორგანიზაციის, საჯარო სამართლის იურიდიული პირის – ქ. რუსთავის ობოლ და მშობელთა მზრუნველობამოკლებულ ბავშვთა სააღმზრდელო დაწესებულების დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 27 მარტის №267 ბრძანება;

მ) ,,მიუსაფარ ბავშვთა სარეაბილიტაციო ცენტრის ,,მომავლის სახლის“ რეორგანიზაციის, საჯარო სამართლის იურიდიული პირის – ობოლ და მშობელთა მზრუნველობამოკლებულ ბავშვთა სააღმზრდელო დაწესებულების ,,მომავლის სახლის“ დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 27 მარტის №269 ბრძანება;

ნ) ,,მიუსაფარ ბავშვთა ოჯახური ტიპის სარეაბილიტაციო ცენტრის ,,ლამპიონის“ რეორგანიზაციის, საჯარო სამართლის იურიდიული პირის – ქ. თბილისის ობოლ და მშობელთა მზრუნველობამოკლებულ ბავშვთა სააღმზრდელო დაწესებულების ,,ლამპიონის“ დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 27 მარტის №274 ბრძანება;

ო) ,,საჯარო სამართლის იურიდიული პირის – ლაგოდეხის ობოლ და მზრუნველობამოკლებულ ბავშვთა სააღმზრდელო დაწესებულების წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 11 ოქტომბრის №865 ბრძანება;

პ) ,,კოჯრის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №34 ბრძანება;

ჟ) ,,ბათუმის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №32 ბრძანება;

რ) „სურამის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №36 ბრძანება;

ს) „ასპინძის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №37 ბრძანება;

ტ) ,,კოჯრის ბავშვთა სახლის რეორგანიზაციის, საჯარო სამართლის იურიდიული პირის – კოჯრის ობოლ და მშობელთა მზრუნველობამოკლებულ ბავშვთა სააღმზრდელო დაწესებულების დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2008 წლის 27 მარტის №276 ბრძანება;

უ) „საჯარო სამართლის იურიდიული პირის – ზუგდიდის ობოლ და მზრუნველობამოკლებულ ბავშვთა სააღმზრდელო დაწესებულების წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 11 ოქტომბრის №864 ბრძანება;

ფ) „წალენჯიხის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №38 ბრძანება;

ქ) „საგურამოს ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №40 ბრძანება;

ღ) „საჯარო სამართლის იურიდიული პირის – თელავის ობოლ და მზრუნველობამოკლებულ ბავშვთა სააღმზრდელო დაწესებულების წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 11 ოქტომბრის №862 ბრძანება;

ყ) „საჯარო სამართლის იურიდიული პირის – დუშეთის ობოლ და მზრუნველობამოკლებულ ბავშვთა სააღმზრდელო დაწესებულების წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 11 ოქტომბრის №861 ბრძანება;

შ) „ეწერის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №33 ბრძანება;

ჩ) „საჯარო სამართლის იურიდიული პირის – ახმეტის №5 საჯარო სკოლის რეორგანიზაციის, საჯარო სამართლის იურიდიული პირის – ახმეტის დღის სკოლისგარეშე სააღმზრდელო დაწესებულების დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 8 აგვისტოს №615 ბრძანება;

ც) „საჯარო სამართლის იურიდიული პირის – მესტიის ობოლ და მზრუნველობამოკლებულ ბავშვთა სააღმზრდელო დაწესებულების წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 11 ოქტომბრის №863 ბრძანება;

ძ) „მარტვილის ობოლ და მზრუნველობამოკლებულ ბავშვთა სააღმზრდელო დაწესებულების საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 18 იანვრის №39 ბრძანება.

2. ბრძანება ამოქმედდეს გამოქვეყნებისთანავე.

ნ. გვარამია