„კერძო აღმასრულებლისათვის აღსრულების პოლიციის სამმართველოს მიერ სააღსრულებო მოქმედებათა კატეგორიების მიხედვით გაწეული მომსახურების საფასურის ოდენობის დადგენის თაობაზე“

სახელმწიფო სარეგისტრაციო კოდი 070.030.000.22.027.013.226

საქართველოს იუსტიციის

მინისტრის ბრძანება №117

2009 წლის 29 ივნისი

ქ. თბილისი

კერძო აღმასრულებლისათვის აღსრულების პოლიციის სამმართველოს მიერ სააღსრულებო მოქმედებათა კატეგორიების მიხედვით გაწეული მომსახურების საფასურის ოდენობის დადგენის თაობაზე

,,სააღსრულებო წარმოებათა შესახებ“ საქართველოს კანონის 113-ე მუხლის მე-12 პუნქტის ,,ლ“ ქვეპუნქტის შესაბამისად, ვბრძანებ:

1. დადგინდეს კერძო აღმასრულებლისათვის აღსრულების პოლიციის სამმართველოს მიერ სააღსრულებო მოქმედებათა კატეგორიების მიხედვით გაწეული მომსახურების საფასურის შემდეგი ოდენობები:

ა) ნივთის უკანონო მფლობელობიდან გამოთხოვისას (შენობიდან გამოსახლება, ნივთის გადაცემა), სარჩელის უზრუნველყოფის ღონისძიებების აღსრულებისას და აღსრულების უზრუნველყოფის მიზნით მოვალის ქონების აღწერა-დაყადაღებისას გაწეული დახმარებისათვის – ქალაქების: თბილისის, ბათუმის, ქუთაისის ტერიტორიაზე – ორასი ლარი, სხვა დასახლებული პუნქტებისა და ქალაქების ტერიტორიაზე – სამასი ლარი;

ბ) ამ პუნქტის ,,ა“ ქვეპუნქტით გათვალისწინებულის გარდა, ყველა სხვა სახის სააღსრულებო მოქმედების განხორციელებისას გაწეული დახმარებისათვის – ქალაქების: თბილისის, ბათუმის, ქუთაისის ტერიტორიაზე – ასი ლარი, სხვა დასახლებული პუნქტებისა და ქალაქების ტერიტორიაზე – ორასი ლარი.

2. ეს ბრძანება ამოქმედდეს 2009 წლის 1 ივლისიდან.

ზ. ადეიშვილი