,,საქართველოს განათლებისა და მეცნიერების სამინისტროს სახელმწიფო საქვეუწყებო დაწესებულების – სწავლულ ექსპერტთა საბჭოს ლიკვიდაციის შესახებ“

საქართველოს მთავრობის

დადგენილება №107

2007 წლის 23 მაისი

ქ. თბილისი

საქართველოს განათლებისა და მეცნიერების სამინისტროს სახელმწიფო საქვეუწყებო დაწესებულების – სწავლულ ექსპერტთა საბჭოს ლიკვიდაციის შესახებ

1. ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 25-ე მუხლის მე-2 პუნქტის შესაბამისად ლიკვიდირებულ იქნეს საქართველოს განათლებისა და მეცნიერების სამინისტროს სახელმწიფო საქვეუწყებო დაწესებულება – სწავლულ ექსპერტთა საბჭო.

2. საქართველოს განათლებისა და მეცნიერების სამინისტრომ (ა. ლომაია) ამ დადგენილების ამოქმედებიდან ერთ თვეში უზრუნველყოს საქართველოს განათლებისა და მეცნიერების სამინისტროს სახელმწიფო საქვეუწყებო დაწესებულების – სწავლულ ექსპერტთა საბჭოს ლიკვიდაციასთან დაკავშირებულ კანონმდებლობით გათვალისწინებულ ღონისძიებათა განხორციელება.

3. საქართველოს განათლებისა და მეცნიერების სამინისტროს სახელმწიფო საქვეუწყებო დაწესებულების – სწავლულ ექსპერტთა საბჭოს უფლებამონაცვლედ მისი ლიკვიდაციის შემდეგ განისაზღვროს საქართველოს განათლებისა და მეცნიერების სამინისტრო.

4. დადგენილება ამოქმედდეს გამოქვეყნებისთანავე.

პრემიერ-მინისტრი     ზ. ნოღაიდელი