„საქართველოს უმაღლეს საგანმანათლებლო დაწესებულებათა აკრედიტაციის საბჭოს დებულებისა და პერსონალური შემადგენლობის დამტკიცების შესახებ” საქართველოს პრეზიდენტის 1998 წლის 20 ივლისის №418 ბრძანებულებაში ცვლილებების შეტანის თაობაზე”
დოკუმენტის ტექსტი
საქართველოს პრეზიდენტის
ბრძანებულება №143
2005 წლის 15 მარტი
ქ. თბილისი
„საქართველოს უმაღლეს საგანმანათლებლო დაწესებულებათა აკრედიტაციის საბჭოს დებულებისა და პერსონალური შემადგენლობის დამტკიცების შესახებ“ საქართველოს პრეზიდენტის 1998 წლის 20 ივლისის №418 ბრძანებულებაში ცვლილებების შეტანის თაობაზე
„განათლების შესახებ“ საქართველოს კანონის მე-17 მუხლის მე-3 პუნქტის შესაბამისად „საქართველოს უმაღლეს საგანმანათლებლო დაწესებულებათა აკრედიტაციის საბჭოს დებულებისა და პერსონალური შემადგენლობის დამტკიცების შესახებ“ საქართველოს პრეზიდენტის 1998 წლის 20 ივლისის №418 ბრძანებულებით (საქართველოს პრეზიდენტის ბრძანებულებებისა და განკარგულებების კრებული, 1998 წ., №14, გვ. 15, ცვლილებები: სსმ III, 2004 წ., №122, მუხლი 1065) დამტკიცებულ უმაღლეს საგანმანათლებლო დაწესებულებათა აკრედიტაციის საბჭოს შემადგენლობაში შეტანილ იქნეს ცვლილებები: გამოყვანილ იქნენ კონსტანტინე კუბლაშვილი, ანზორ ბერიძე, მათ ნაცვლად შეყვანილ იქნენ გიორგი ხუბუა, თინათინ ბოჭორიშვილი და საბჭოს შემადგენლობა ჩამოყალიბდეს შემდეგი რედაქციით:
„გიორგი ხუბუა – საქართველოს მეცნიერებათა აკადემიის თინათინ წერეთლის სახელობის სახელმწიფო და სამართლის ინსტიტუტის დირექტორი, აკრედიტაციის საბჭოს თავმჯდომარე
თინათინ ბოჭორიშვილი – მეცნიერებათა აკადემიის პოლიტოლოგიის ინსტიტუტის მიმდინარე პოლიტიკის განყოფილების გამგე, საბჭოს მდივანი
ნოდარ გრიგალაშვილი – საქართველოს პარლამენტის განათლების, მეცნიერებისა და კულტურის კომიტეტის თავმჯდომარე
ალექსანდრე დიდებულიძე – საქართველოს განათლების და მეცნიერების მინისტრის პირველი მოადგილე
ჩიორა თაქთაქიშვილი – საქართველოს განათლებისა და მეცნიერების სამინისტროს იურიდიული დეპარტამენტის უფროსი
გიგი თევზაძე – პროექტ „ილია ჭავჭავაძის“ საკოორდინაციო ცენტრის დირექტორი
ზურაბ კიკნაძე – ივ. ჯავახიშვილის სახელობის თბილისის სახელმწიფო უნივერსიტეტის პროფესორი, ფილოლოგიურ მეცნიერებათა დოქტორი
ირაკლი მაჩაბელი – საქართველოს განათლებისა და მეცნიერების სამინისტროს საერთაშორისო ინტეგრაციის დეპარტამენტის უფროსი
ალექსანდრე მილნიკოვი – შავი ზღვის საერთაშორისო უნივერსიტეტი, ტექნიკურ მეცნიერებათა დოქტორი
ლევან რამიშვილი – „თავისუფლების ინსტიტუტის“ დირექტორი
თეიმურაზ სამადაშვილი – საქართველოს განათლებისა და მეცნიერების მინისტრის მოადგილე
ნინო ქუთათელაძე – „განათლების საერთაშორისო ინსტიტუტის“ წარმომადგენელი
ნინო ჩუბინიძე – საქართველოს განათლებისა და მეცნიერების სამინისტროს ლიცენზირებისა და აკრედიტაციის დეპარტამენტის უფროსის მოვალეობის შემსრულებელი.“.
მ. სააკაშვილი