საჯარო სამართლის იურიდიული პირის _ აკაკი წერეთლის სახელმწიფო მუზეუმის შექმნის შესახებ

საქართველოს პრეზიდენტის

ბრძანებულება № 71

2006 წლის 25 იანვარი

ქ. თბილისი

საჯარო სამართლის იურიდიული პირის _ აკაკი წერეთლის სახელმწიფო მუზეუმის შექმნის შესახებ

1. „მუზეუმების შესახებ“ საქართველოს კანონის 33-ე მუხლის გათვალისწინებით, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, აკაკი წერეთლის სახელმწიფო მუზეუმის ბაზაზე შეიქმნას საჯარო სამართლის იურიდიული პირი _ აკაკი წერეთლის სახელმწიფო მუზეუმი“ (შემდგომში _ მუზეუმი).

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი):

ა) განახორციელოს მუზეუმის სახელმწიფო კონტროლი;

ბ) უზრუნველყოს მუზეუმის დებულების დამტკიცება და წარმომადგენლობაზე უფლებამოსილი პირის დანიშვნა.

3. საქართველოს ეკონომიკური განვითარების სამინისტრომ (ი. ჩოგოვაძე) უზრუნველყოს მუზეუმისათვის შესაბამისი ქონების კანონმდებლობით დადგენილი წესით გადაცემა.

4. მუზეუმის დაფინანსება განხორციელდეს საქართველოს კულტურის, ძეგლთა დაცვისა და სპორტის სამინისტროსათვის სახელმწიფო ბიუჯეტით გათვალისწინებული ხარჯების ზღვრული მოცულობის ფარგლებში, ხოლო სახელმწიფო ბიუჯეტში გათვალისწინებამდე – საჩხერის რაიონული ბიუჯეტიდან.

მ. სააკაშვილი