საჯარო სამართლის იურიდიული პირის – დავით ბააზოვის საქართველოს ებრაელთა ისტორიის მუზეუმის შექმნის შესახებ

საქართველოს პრეზიდენტის

ბრძანებულება №493

2006 წლის 17 აგვისტო

ქ. თბილისი

საჯარო სამართლის იურიდიული   პირის – დავით ბააზოვის საქართველოს ებრაელთა ისტორიის მუზეუმის შექმნის შესახებ

1. დავით ბააზოვის სახელობის საქართველოს ებ­რაელ­თა ისტორიულ-ეთნოგრაფიული მუზეუმის სამარ­თლებრივი სტატუსის განსაზღვრის მიზნით, „მუზეუმების შესახებ“ საქართველოს კანონის 33-ე მუხ­­ლისა და „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, შეიქმნას საჯარო სამარ­თლის იურიდიული პირი – დავით ბააზოვის საქართვე­ლოს ებრაელთა ისტორიის მუზეუმი (შემდგომ­ში – მუზეუმი).

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი):

ა) უზრუნველყოს მუზეუმის დებულების დამტკიცება და წარმომადგენლობაზე უფლებამოსილი პირის დანიშვნა;

ბ) განახორციელოს მუზეუმის სახელმწიფო კონ­ტრო­ლი.

3. საქართველოს ეკონომიკური განვითარების სამი­ნის­ტრომ (ი. ჩოგოვაძე) უზრუნველყოს შესაბამისი ქონების მუზეუმისათვის კანონმდებლობით დადგენილი წესით გადაცემა.

მ. სააკაშვილი