საქართველოს პარლამენტის თავმჯდომარის ირაკლი კობახიძის მიერ წარმოდგენილი საქართველოს პარლამენტის დადგენილების პროექტი „საზოგადოებრივი მაუწყებლის სამეურვეო საბჭოს წევრობის _ მეურვეობის კანდიდატის შესარჩევი საპარლამენტო საკონკურსო კომისიის შემადგენლობის დამტკიცების შესახებ“

საქართველოს პარლამენტის თავმჯდომარე 2-2686/19 21-02-2019 საქართველოს პარლამენტს საქართველოს პარლამენტის რეგლამენტის 209-ე მუხლის მე-3 პუნქტის შესაბამისად, წარმოგიდგენთ „საზოგადოებრივი მაუწყებლის სამეურვეო საბჭოს წევრობის − მეურვეობის კანდიდატის შესარჩევი საპარლამენტო საკონკურსო კომისიის შემადგენლობის დამტკიცების შესახებ“ საქართველოს პარლამენტის დადგენილების პროექტს. დანართი: 2 ფურცელი. პატივისცემით, პარლამენტის თავმჯდომარე ირაკლი კობახიძე თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge

პროექტი საქართველოს პარლამენტის დადგენილება საზოგადოებრივი მაუწყებლის სამეურვეო საბჭოს წევრობის − მეურვეობის კანდიდატის შესარჩევი საპარლამენტო საკონკურსო კომისიის შემადგენლობის დამტკიცების შესახებ საქართველოს პარლამენტის რეგლამენტის 209-ე მუხლის მე-3 და მე-4 პუნქტების შესაბამისად საქართველოს პარლამენტი ადგენს: 1. დამტკიცდეს საზოგადოებრივი მაუწყებლის სამეურვეო საბჭოს წევრობის − მეურვეობის 1 კანდიდატის შესარჩევი საპარლამენტო საკონკურსო კომისია შემდეგი შემადგენლობით: ა) სოსო გალუმაშვილი – საზოგადოებასთან ურთიერთობის კონსულტანტი, PR-სააგენტო „ჯეპრას“ დამფუძნებელი და ხელმძღვანელი; ბ) გოდერძი შარაშია – ტელეკომპანია „იმედის“ ჟურნალისტი; გ) ბონდო მძინარაშვილი – ტელერადიოკომპანია „ობიექტივის“ მთავარი რედაქტორი; დ) ეთერ (ბაია) გადაბაძე – მედიამენეჯერი; ე) ნინო ახვლედიანი – ჟურნალისტი, ქართული სახვითი ხელოვნების მუზეუმის PR-ხელმძღვანელი; ვ) სალომე უგულავა – ჟურნალისტი, ონლაინგამოცემა „ტაბულის“ მთავარი რედაქტორი; ზ) ერმილე მესხია – ბათუმის ხელოვნების სახელმწიფო სასწავლო უნივერსიტეტის რექტორი, პროფესორი; თ) დავით ცხადაძე – კინოოპერატორი, ხელოვნებათმცოდნე; ი) ნათია კუპრაშვილი – ივანე ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი, ჟურნალისტიკის რესურსცენტრის თავმჯდომარე. 2. ეს დადგენილება ამოქმედდეს მიღებისთანავე. საქართველოს პარლამენტის თავმჯდომარე ირაკლი კობახიძე თბილისი, 2019 წლის -- თებერვალი. №---- – IIს