„საქართველოს თავდაცვის ძალების რაოდენობის დამტკიცების შესახებ“

თავდაცვისა და უშიშროების კომიტეტი 2-13985/21 08-11-2021 საქართველოს პარლამენტის ბიუროს დასკვნა თავდაცვის ძალების რაოდენობის დამტკიცების შესახებ საქართველოს მთავრობის წარდგინების თაობაზე (07-2/78; 01.10. 2021) თავდაცვისა და უშიშროების კომიტეტმა მიმდინარე წლის 8 ნოემბერს, კომიტეტის სხდომაზე განიხილა თავდაცვის ძალების რაოდენობის დამტკიცების შესახებ საქართველოს მთავრობის წარდგინება. საქართველოს მთავრობის 2021 წლის 1 ოქტომბრის N1760 განკარგულების მიხედვით საქართველოს თავდაცვის ძალების რაოდენობა (სამხედრო მოსამსახურეთა შტატი) 2022 წლისთვის განსაზღვრულია არაუმეტეს 37 000 (ოცდაჩვიდმეტი ათასი) კაცით, მათგან საქართველოს თავდაცვის სამინისტროსი-არაუმეტეს 37 000 (ოცდაჩვიდმეტი ათასი) კაცისა. აღნიშნული შეზღუდვა არ ვრცელდება საომარი მდგომარეობის დროს, აგრეთვე თავდაცვის ძალების სარეზერვო სამსახურში გასაწვევი პირების რაოდენობაზე და საქართველოს თავდაცვის სამინისტროში არსებულ დროებით შტატებზე. კომიტეტმა მხარი დაუჭირა 2022 წლისთვის საქართველოს მთავრობის მიერ წარმოდგენილ თავდაცვის ძალების რაოდენობას და მიზანშეწონილად მიაჩნია აღნიშნული საკითხის საქართველოს პარლამენტის პლენარულ სხდომაზე განხილვა. (დანართი -1 ფურცლად, საქართველოს პარლამენტის დადგენილების პროექტი „საქართველოს თავდაცვის ძალების რაოდენობის დამტკიცების შესახებ“) პატივისცემით, კომიტეტის თავმჯდომარე ირაკლი ბერაია თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge

პროექტი საქართველოს პარლამენტის დადგენილება საქართველოს თავდაცვის ძალების რაოდენობის დამტკიცების შესახებ საქართველოს კონსტიტუციის 70-ე მუხლის მე-4 პუნქტის, „საქართველოს თავდაცვის შესახებ“ საქართველოს კანონის მე-4 მუხლის პირველი პუნქტის „ვ“ ქვეპუნქტისა და საქართველოს პარლამენტის რეგლამენტის 198-ე მუხლის მე-3 პუნქტის შესაბამისად, საქართველოს პარლამენტი ადგენს: 1. დამტკიცდეს საქართველოს თავდაცვის ძალების რაოდენობა (სამხედრო მოსამსახურეთა შტატი) 2022 წელს: არაუმეტეს 37 000 (ოცდაჩვიდმეტი ათასი) კაცისა; მათგან საქართველოს თავდაცვის სამინისტროსი − არაუმეტეს 37 000 (ოცდაჩვიდმეტი ათასი) კაცისა. 2. ამ დადგენილების პირველი პუნქტით განსაზღვრული შეზღუდვა არ ვრცელდება საომარი მდგომარეობის დროს, აგრეთვე თავდაცვის ძალების სარეზერვო სამსახურში გასაწვევი პირების რაოდენობაზე და საქართველოს თავდაცვის სამინისტროში არსებულ დროებით შტატებზე. 3. ძალადაკარგულად გამოცხადდეს „საქართველოს თავდაცვის ძალების რაოდენობის დამტკიცების შესახებ“ საქართველოს პარლამენტის 2020 წლის 25 დეკემბრის N33-IIრს-Xმპ დადგენილება (საქართველოს საკანონმდებლო მაცნე (www.matsne.gov.ge), 28.12.2020, სარეგისტრაციო კოდი: 120090000.09.001.016631). 4. ეს დადგენილება ამოქმედდეს 2022 წლის 1 იანვრიდან. საქართველოს პარლამენტის თავმჯდომარე თბილისი, 2021 წლის ....... ნოემბერი კახაბერ კუჭავა

საფინანსო-საბიუჯეტო კომიტეტი 2-13191/21 18-10-2021 საქართველოს პარლამენტის თავდაცვისა და უშიშროების კომიტეტს ასლი: საქართველოს პარლამენტის საორგანიზაციო დეპარტამენტს დასკვნა საქართველოს პარლამენტის საფინანსო-საბიუჯეტო კომიტეტმა მიმდინარე წლის 18 ოქტომბერს განიხილა საქართველოს მთავრობის წარდგინება თავდაცვის ძალების რაოდენობის დამტკიცების შესახებ (№07-2/78, 01.10.2021). საფინანსო-საბიუჯეტო კომიტეტს თავისი კომპეტენციის გათვალისწინებით წარმოდგენილი ინფორმაციის მიმართ შენიშვნები არ გააჩნია. პატივისცემით, კომიტეტის თავმჯდომარის პირველი მოადგილე პაატა კვიჟინაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge