„საჯარო რეესტრის შესახებ“ საქართველოს კანონში ცვლილების შეტანის თაობაზე“

პროექტი საქართველოს კანონი „საჯარო რეესტრის შესახებ“ საქართველოს კანონში ცვლილების შეტანის თაობაზე მუხლი 1. „საჯარო რეესტრის შესახებ“ საქართველოს კანონში (საქართველოს საკანონმდებლო მაცნე, №41, 30.12.2008, მუხ. 298) შეტანილ იქნეს შემდეგი ცვლილება: 35-ე მუხლს დაემატოს მე-7 და მე-8 პუნქტები და ჩამოყალიბდეს შემდეგი რედაქციიით : 7. მარეგისტრირებელი ორგანო სარეგისტრაციო წარმოების დაწყებამდე ვალდებულია საქართველოს კანონის ,,ოკუპირებული ტერიტორიების შესახებ” მე-10 მუხლის მე-3 პუნქტით განსაზღვრულ სუბიექტებს მოსთხოვოს საოკუპაციო შენატანის გადახდის დამადასტურებელი ქვითრის წარმოდგენა. 8. თუ ამ მუხლის მე-7 პუნქტით განსაზღვრული სუბიექტები არ წარმოადგენენ, ან უარს განაცხადებენ საოკუპაციო შენატანის გადახდის დამადასტურებელი ქვითრის წარმოდგენაზე, მარეგისტრირებელი ორგანო ვალდებულია უარი განუცხადოს შესაბამისი მომსახურების გაწევაზე. მუხლი 2. ეს კანონი ამოქმედდეს გამოქვეყნებისთანავე. საქართველოს პრეზიდენტი სალომე ზურაბიშვილი

განმარტებითი ბარათი „საჯარო რეესტრის შესახებ“ საქართველოს კანონის პროექტზე ა) ზოგადი ინფორმაცია კანონპროექტის შესახებ: ა.ა) კანონპროექტის მიღების მიზეზი: ა.ა.ა) პრობლემა, რომლის გადაჭრასაც მიზნად ისახავს კანონპროექტი: კანონპროექტის შემუშავება განპირობებულია „ოკუპირებული ტერიტორიების შესახებ“ საქართველოს კანონში ცვლილების შეტანის თაობაზე პროექტის მომზადებით, რომლის მიხედვით, წესდება საოკუპაციო შენატანი და რომლის გადახდის ვალდებულება წარმოეშობა რუსეთის ფედერაციისა და იმ ქვეყნის მოქალაქეებს, რომელთაც აღიარებული აქვთ აფხაზეთისა და სამხრეთ ოსეთის დამოუკიდებლობა. ა.ა.ბ) არსებული პრობლემის გადასაჭრელად კანონის მიღების აუცილებლობა: “საჯარო რეესტრის შესახებ“ საქართველოს კანონში ცვლილების განხორციელება აუცილებელია, ვინაიდან სწორედ აღნიშნული კანონით არის გათვალისწინებული რა შემთხვევაშია შესაძლებელი მარეგისტრირებელმა ორგანომ უარი უთხრას პირს შესაბამისი მომსახურების გაწევაზე. ა.ბ) კანონპროექტის მოსალოდნელი შედეგები: კანონპროექტის მიღებით, “საჯარო რეესტრის შესახებ“ საქართველოს კანონი შესაბამისობაში მოვა „ოკუპირებული ტერიტორიების შესახებ “ საქართველოს კანონში ცვლილების შეტანის თაობაზე“ საქართველოს კანონის პროექტთან და მარეგისტრირებელ ორგანოს, ვალდებულება ექნება პირს უარი უთხრას შესაბამისი მომსახურების გაწევაზე, თუ იგი უარს აცხადებს ოკუპირებული ტერიტორიების შესახებ კანონით დადგენილი საოკუპაციო შენატანის გადახდაზე. ა.გ) კანონპროექტის ძირითადი არსი: კანონპროექტის მიხედვით “საჯარო რეესტრის შესახებ” კანონის 35-ე მუხლს ემატება მე-7 და მე-8 პუნქტები, რომელის მიხედვითაც “მარეგისტრირებელი ორგანო ვალდებულია პირს უარი უთხრას მომსახურების გაწევაზე, თუ იგი უარს აცხადებს ოკუპირებული ტერიტორიების შესახებ კანონით დადგენილი საოკუპაციო შენატანის გადახდაზე.” ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (საქართველოს მთავრობის მიერ ინიცირებული კანონპროექტის შემთხვევაში): აღნიშნული ქვეპუნქტი არ გამოიყენება წარმოდგენილ კანონპროექტთან მიმართებაში (კანონპროექტი არ არის ინიცირებული საქართველოს მთავრობის მიერ). ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონისთვის უკუძალის მინიჭების შემთხვევაში − აღნიშნულის თაობაზე შესაბამისი დასაბუთება: მიზანშეწონილია კანონპროექტის დროული ამოქმედება, შესაბამისად გათვალისწინებულია, რომ კანონი ძალაში უნდა შევიდეს გამოქვეყნებისთანავე. კანონპროექტი არ ითვალისწინებს კანონისთვის უკუძალის მინიჭებას. ა.ვ) კანონპროექტის დაჩქარებული წესით განხილვის მიზეზები და შესაბამისი დასაბუთება (თუ ინიციატორი ითხოვს კანონპროექტის დაჩქარებული წესით განხილვას): კანონპროექტის ავტორი ითხოვს პროექტის დაჩქარებული წესით განხილვას. დღევანდელი მოცემულობიდან გამომდინარე დღითი დღე იზრდება საქართველოს ტერიტორიაზე რუსეთის მოქალაქეების შემომსვლელთა რიცხვი, რაც დასტურდება საზღვრებთან არსებული დაუსრულებელი რიგებითა და შინაგან საქმეთა სამინისტროს მიერ პროაქტიულ რეჟიმში გამოქვეყნებული ოფიციალური სტატისტიკით. შესაბამისად სახელმწიფომ დროულად უნდა შეიმუშაოს შესაბამისი რეგულაციები, რათა უზრუნველყოფილ იქნას ჩვენი ქვეყნის მოქალაქეთა ინტერესების დაცვა. ბ) კანონპროექტის ფინანსური გავლენის შეფასება საშუალო ვადიან პერიოდში (კანონპროექტის ამოქმედების წელი და შემდგომი 3 წელი): ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: კანონპროექტის მიღება არ გამოიწვევს დამატებითი ხარჯების გამოყოფას სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტიდან. ბ.ბ) კანონპროექტის გავლენა სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის საშემოსავლო ნაწილზე: კანონპროექტის მიღება გავლენას მოახდენს საჯარო რეესტრის საშემოსავლო ნაწილზე, ეს უწყება ვალდებული იქნება უარი განუცხადოს მომსახურების გაწევაზე ისეთ პირებს, რომლებიც არ წარმოადგენენ საოკუპაციო შენატანის გადახდის ქვითარს, შესაბამისად, დაკარგავს შემოსავალს, რასაც მიიღებდა ამ მომსახურებების გაწევისას. გავლენის ოდენობა დამოკიდებული იქნება იმ პირთა რაოდენობაზე, რომლებიც მიმართავენ საჯარო რეესტრს მომსახურების მისაღებად, მაგრამ არ წარმოადგენენ საოკუპაციო მოსაკრებლის გადახდის ქვითარს. ბ.გ) კანონპროექტის გავლენა სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის ხარჯვით ნაწილზე: კანონპროექტის მიღება გავლენას არ მოახდენს ბიუჯეტის ხარჯვით ნაწილზე ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო ან საგარეო ვალდებულებები) მითითებით: კანონპროექტის მიხედვით სახელმწიფოს არ ეკისრება ახალი ფინანსური ვალდებულებები ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა: კანონპროექტის მიღება გავლენას არ მოახდენს იმ პირების ფინანსურ მდგომარეობაზე, რომლებზედაც გავრცელდება მისი მოქმედება. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი: კანონპროექტი არ ითვალისწინებს გადასახადის, გადასახდელის ოდენობის განსაზღვრას. მოსაკრებლის ან სხვა სახის ბ1) ბავშვის უფლებრივ მდგომარეობაზე კანონპროექტის ზეგავლენის შეფასება ასეთი არ არსებობს. გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის სამართალთან: კანონპროექტი არ ეწინააღმდეგება ევროკავშირის სამართალს. გ.ბ) კანონპროექტის მიმართება საერთაშორისო წევრობასთან დაკავშირებულ ვალდებულებებთან: ორგანიზაციებში საქართველოს კანონპროექტი არ ეწინააღმდეგება საერთაშორისო ორგანიზაციებში საქართველოს წევრობასთან დაკავშირებულ ვალდებულებებს. გ.გ) კანონპროექტის მიმართება საქართველოს ორმხრივ და მრავალმხრივ ხელშეკრულებებთან და შეთანხმებებთან, აგრეთვე, ისეთი ხელშეკრულების/შეთანხმების არსებობის შემთხვევაში, რომელსაც უკავშირდება კანონპროექტის მომზადება, - მისი შესაბამისი მუხლი ან/და ნაწილი: კანონპროექტი არ ეწინააღმდეგება საქართველოს ორმხრივ და მრავალმხრივ ხელშეკრულებებს და შეთანხმებებს, აგრეთვე კანონპროექტის მიღება არ უკავშირდება რომელიმე ხელშეკრულებას/შეთანხმებას. გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან: ასეთი არ არსებობს. დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში: ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში: ასეთი არ არსებობს. დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში: ასეთი მიმოხილვა არ მომზადებულა. ე) კანონპროექტის ავტორი: ფრაქცია „ერთიანი ნაციონალური მოძრაობა“ გაერთიანებული ოპოზიცია- „ძალა ერთობაშია“ ვ ) კანონპროექტის ინიციატორი ფრაქცია „ერთიანი ერთობაშია“ ნაციონალური მოძრაობა“ გაერთიანებული ოპოზიცია „ძალა