საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მომართვა საქართველოს პარლამენტის წევრების: მიხეილ სარჯველაძის, რატი იონათამიშვილის, ზაზა ლომინაძის, გენრიეტა წიწავას, ვლადიმერ ჩაჩიბაიას, მაია მენაღარიშვილის, ალუდა ღუდუშაურის, რამინა (რიმა) ბერაძის, ქეთევან დუმბაძის და ანტონ ობოლაშვილის მიერ საკანონმდებლო ინიციატივის წესით წარმოდგენილი „პერსონალურ მონაცემთა დაცვის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტისა და მისი თანმდევი პროექტების (№07-3/294; 15.02.2023) განხილვის ვადის 30 დღით გაგრძელების შესახებ

ადამიანის უფლებათა დაცვისა და სამოქალაქო ინტეგრაციის კომიტეტი 2-5910/23 21-04-2023 საქართველოს პარლამენტის ბიუროს საქართველოს პარლამენტის ბიუროს № 224/2, 20.02.2023 გადაწყვეტილებით, ადამიანის უფლებათა დაცვისა და სამოქალაქო ინტეგრაციის კომიტეტს განსახილველად გადმოეცა საქართველოს პარლამენტის წევრების: მიხეილ სარჯველაძის, რატი იონათამიშვილის, ზაზა ლომინაძის, გენრიეტა წიწავას, ვლადიმერ ჩაჩიბაიას, მაია მენაღარიშვილის, ალუდა ღუდუშაურის, რამინა ბერაძის, ქეთევან დუმბაძისა და ანტონ ობოლაშვილის მიერ საკანონმდებლო ინიციატივის წესით წარმოდგენილი საქართველოს კანონების პროექტები: „პერსონალურ მონაცემთა დაცვის შესახებ“ საქართველოს კანონში ცვლილების შეტანის თაობაზე“, „სამხედრო ვალდებულებისა და სამხედრო სამსახურის შესახებ“ საქართველოს კანონში ცვლილების შეტანის თაობაზე“ და „სამედიცინოსოციალური ექსპერტიზის შესახებ“ საქართველოს კანონში ცვლილების შეტანის თაობაზე“ (№07-3/294; 15.02.2023). აღნიშნული ინიციატივა სავალდებულო დასკვნისთვის გადაეცა, მათ შორის, თავდაცვისა და უშიშროების კომიტეტს და განხილვის ვადა განესაზღვრა 2023 წლის 26 აპრილამდე. მიმდინარე წლის 21 აპრილს მოგვმართა აღნიშნულმა კომიტეტმა, რომელმაც შეგვატყობინა, რომ ობიექტურ მიზეზთა გამო დასახელებული საკითხის განხილვას დადგენილ ვადაში ვერ ახერხებს და ითხოვა ამ ვადის გაგრძელება 30 დღით. ვითვალისწინებთ რა თავდაცვისა და უშიშროების კომიტეტის თხოვნას, მოგმართავთ შუამდგომლობით მითითებული საკანონმდებლო ინიციატივის განხილვის ვადის 30 დღით გაგრძელების თაობაზე. პატივისცემით, კომიტეტის თავმჯდომარე მიხეილ სარჯველაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge