საქართველოს პარლამენტის საფინანსო-საბიუჯეტო კომიტეტის გადაწყვეტილება საფინანსო-საბიუჯეტო კომიტეტთან არსებული სახელმწიფო აუდიტის სამსახურის ანგარიშების განმხილველი მუდმივმოქმედი აუდიტის ჯგუფის შექმნის და დებულების დამტკიცების შესახებ

2-15221/24 26-11-2024 საქართველოს პარლამენტის ბიუროს გაცნობებთ, რომ 2024 წლის 25 ნოემბერს ჩატარდა საფინანსო-საბიუჯეტო კომიტეტის პირველი საორგანიზაციო სხდომა, რომელზეც საქართველოს პარლამენტის რეგლამენტის 33-ე მუხლის პირველი პუნქტის შესაბამისად, შემუშავებული იქნა კომიტეტის დებულება და 31-ე მუხლის პირველი და მე-2 პუნქტების შესაბამისად, სიითი შემადგენლობის უმრავლესობით არჩეულ იქნენ საფინანსო-საბიუჯეტო კომიტეტის თავმჯდომარის მოადგილეები. საფინანსო-საბიუჯეტო კომიტეტის თავმჯდომარის პირველ მოადგილედ არჩეული იქნა ირაკლი ხელაძე, თავმჯდომარის მოადგილედ ბეჟან წაქაძე. საქართველოს პარლამენტის რეგლამენტის 33-ე მუხლის მე-3 პუნქტის შესაბამისად, დასამტკიცებლად წარმოგიდგენთ საქართველოს პარლამენტის საფინანსო-საბიუჯეტო კომიტეტის დებულებას და პირველი საორგანიზაციო სხდომის ოქმს. ასევე, საქართველოს პარლამენტის რეგლამენტის 165-ე მუხლის მე-7 პუნქტის შესაბამისად, წარმოგიდგენთ საფინანსო-საბიუჯეტო კომიტეტის გადაწყვეტილებას საფინანსო-საბიუჯეტო კომიტეტთან არსებული სახელმწიფო აუდიტის სამსახურის ანგარიშების განმხილველი მუდმივმოქმედი აუდიტის ჯგუფის შექმნის და დებულების დამტკიცების შესახებ. პატივისცემით, კომიტეტის თავმჯდომარე პაატა კვიჟინაძე თბილისი 0118, რუსთაველის გამზ. № 8 საქართველოს პარლამენტის სასახლე ტელეფონი: (995 32) 2281679, ელ-ფოსტა contact@parliament.ge