„საქართველოს საგადასახადო კოდექსში ცვლილების შეტანის შესახებ“

პროექტი საქართველოს კანონი საქართველოს საგადასახადო კოდექსში ცვლილების შეტანის შესახებ მუხლი 1. საქართველოს საგადასახადო კოდექსში (საქართველოს საკანონმდებლო მაცნე, №54, 12.10.2010, მუხ. 343) შეტანილ იქნეს შემდეგი ცვლილება: 1. 81-ე მუხლს დაემატოს შემდეგი შინაარსის 34 ნაწილი: „34. „შეზღუდული შესაძლებლობის მქონე პირთა უფლებების შესახებ“ საქართველოს კანონით გათვალისწინებული პერსონალური ასისტენტის სერვისის ფარგლებში პერსონალური ასისტენტის მიერ მომსახურების გაწევის სანაცვლოდ მიღებული ანაზღაურება იბეგრება 2 პროცენტით, გარდა იმ შემთხვევისა, როდესაც პერსონალური ასისტენტი რეგისტრირებულია მცირე ბიზნესის სტატუსის მქონე მეწარმე ფიზიკურ პირად.“. 2. 154-ე მუხლის პირველ ნაწილს დაემატოს შემდეგი შინაარსის „დ¹“ ქვეპუნქტი: „დ¹) „შეზღუდული შესაძლებლობის მქონე პირთა უფლებების შესახებ“ საქართველოს კანონით გათვალისწინებული პერსონალური ასისტენტის სერვისის მიმწოდებელი ორგანიზაცია/საწარმო, რომელიც პერსონალურ ასისტენტს უხდის ამ კოდექსის 81-ე მუხლის 34 ნაწილით გათვალისწინებულ ანაზღაურებას – აღნიშნულ ანაზღაურებაზე, გარდა იმ შემთხვევისა, როდესაც პერსონალური ასისტენტი რეგისტრირებულია მცირე ბიზნესის სტატუსის მქონე მეწარმე ფიზიკურ პირად;“. მუხლი 2. ეს კანონი ამოქმედდეს 2026 წლის 3 დეკემბრიდან. საქართველოს პრეზიდენტი მიხეილ ყაველაშვილი