სამშენებლო პროდუქტების შესახებ ტექნიკური რეგლამენტის დამტკიცების თაობაზე

მთავრობის დადგენილება 01.10.2018

№ დოკუმენტი 476

სტატუსი მოქმედი

მიმღები საქართველოს მთავრობა

📄 სრული ტექსტი

კონსოლიდირებული ვერსია (საბოლოო)

საქართველოს მთავრობის

დადგენილება № 476

2018 წლის 1 ოქტომბერი

ქ. თბილისი

სამშენებლო პროდუქტების შესახებ ტექნიკური რეგლამენტის დამტკიცების თაობაზე

მუხლი 1

პროდუქტის უსაფრთხოებისა და თავისუფალი მიმოქცევის კოდექსის 58-ე მუხლის მე-2 ნაწილის საფუძველზე, დამტკიცდეს თანდართული „ტექნიკური რეგლამენტი სამშენებლო პროდუქტების შესახებ“ (შემდგომში − ტექნიკური რეგლამენტი).

მუხლი 2. (ამოღებულია)

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

მუხლი 3. (ამოღებულია)

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

მუხლი 4. (ამოღებულია)

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

მუხლი 5

1. დადგენილება ამოქმედდეს 2018 წლის 15 ნოემბრიდან.

2. დადგენილების მოქმედება შეჩერდეს 2019 წლის 15 იანვრამდე.

საქართველოს მთავრობის 2018 წლის 22 ნოემბრის დადგენილება №559 - ვებგვერდი, 22.11.2018წ.

პრემიერ - მინისტრი

მამუკა ბახტაძე

ტექნიკური რეგლამენტი

სამშენებლო პროდუქტების შესახებ

თავი I

ზოგადი ნაწილი

მუხლი 1

ეს ტექნიკური რეგლამენტი ადგენს სამშენებლო პროდუქტების ბაზარზე განთავსების პირობებს, მათდამი წაყენებული ძირითადი მოთხოვნებისა და შესაბამისი ეკონომიკური ოპერატორების ვალდებულებების განსაზღვრის გზით.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

მუხლი 11. ზოგადი დებულებები

1. ამ ტექნიკური რეგლამენტის მოქმედება ვრცელდება ამავე ტექნიკური რეგლამენტის მე-2 მუხლის პირველი პუნქტის „ა“ ქვეპუნქტით განსაზღვრულ სამშენებლო პროდუქტებზე.

2. პლასტმასის მილებისა და არმატურის შემთხვევაში, ამ ტექნიკური რეგლამენტის მე-4 მუხლის პირველი პუნქტით გათვალისწინებული სამშენებლო პროდუქტის თვისებების დეკლარაციის ნაცვლად წარსადგენი შესაბამისობის შეფასების დოკუმენტაცია და შესაბამისობის შეფასების პროცედურა განისაზღვრება ამავე ტექნიკური რეგლამენტის შესაბამისი დანართების მიხედვით.

3. ჯანმრთელობისა და უსაფრთხოების კონკრეტული მოთხოვნები, რომლებსაც უნდა აკმაყოფილებდეს ამ ტექნიკური რეგლამენტით განსაზღვრული სამშენებლო პროდუქტები, მოცემულია ამავე ტექნიკური რეგლამენტის VII დანართში მითითებულ სტანდარტ(ებ)ში, რომელთაც ამ ტექნიკური რეგლამენტის მიზნებისთვის აქვეყნებს სსიპ − საქართველოს სტანდარტებისა და მეტროლოგიის ეროვნული სააგენტო, ხოლო არმატურისა და პლასტმასის მილისათვის, შესაბამისად − ამ ტექნიკური რეგლამენტის IV და V დანართებში.

4. ამ ტექნიკური რეგლამენტის მოთხოვნების შესრულებას ასევე უზრუნველყოფს „საქართველოს მიერ სხვა ქვეყნების ტექნიკური რეგლამენტების სამოქმედოდ დაშვების, შესაბამისობის დამადასტურებელი დოკუმენტების აღიარების, შესაბამისი ნიშანდების მქონე პროდუქტის საქართველოში დამატებითი შესაბამისობის შეფასების პროცედურების გარეშე დაშვებისა და ასევე სხვა ქვეყნებში წარმოებული, რეგულირებული სფეროსათვის მიკუთვნებული პროდუქტის საქართველოს ბაზარზე შეზღუდვების გარეშე განთავსების შესახებ“ საქართველოს მთავრობის 2013 წლის 7 მარტის №50 დადგენილების (შემდგომში − №50 დადგენილება) დანართით გათვალისწინებული ქვეყნების მოთხოვნებთან შესაბამისობა, რომელიც დასტურდება ამავე ქვეყნებში შესაბამისობის შეფასებისთვის დადგენილი წესით, მათ შორის, შესაბამისობის დამადასტურებელი დოკუმენტებით.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

საქართველოს მთავრობის 2023 წლის 18 აპრილის დადგენილება №156 – ვებგვერდი, 19.04.2023წ.

მუხლი 12. პროცედურები სამშენებლო პროდუქტების იმპორტისას

1. იმპორტის გზით ამ ტექნიკური რეგლამენტის VI დანართით განსაზღვრული სამშენებლო პროდუქტის საქართველოს ბაზარზე განთავსებისათვის (გარდა ფიზიკური პირის მიერ 30 კალენდარულ დღეში ერთხელ შემოტანილი 500 ლარამდე ღირებულების 30 კგ-მდე საერთო წონის სამშენებლო პროდუქტისა, რომელიც არ არის განკუთვნილი ეკონომიკური საქმიანობისათვის) იმპორტიორი ვალდებულია სსიპ – შემოსავლების სამსახურის (შემდგომში – შემოსავლების სამსახური) ვებგვერდის მეშვეობით შემოსავლების სამსახურსა და სსიპ – ბაზარზე ზედამხედველობის სააგენტოს (შემდგომში – სააგენტო) ელექტრონული ფორმით წარუდგინოს „სამშენებლო პროდუქტის იმპორტის წინასწარი შეტყობინება“, რომლის ფორმა, შევსებისა და დადასტურების წესი განისაზღვრება საქართველოს ფინანსთა მინისტრისა და საქართველოს ეკონომიკისა და მდგრადი განვითარების მინისტრის ერთობლივი ბრძანებით.

2. შემოსავლების სამსახური ვალდებულია შეაჩეროს და არ დაუშვას იმპორტის გზით ამ ტექნიკური რეგლამენტის VI დანართით განსაზღვრული სამშენებლო პროდუქტის საქართველოს ბაზარზე განთავსება, რომელზეც არ იქნა წარმოდგენილი დადასტურებული − „სამშენებლო პროდუქტის იმპორტის წინასწარი შეტყობინება“.

3. თუ საქართველოს საბაჟო კანონმდებლობით დადგენილ ვადაში ვერ ხორციელდება თავისუფალ მიმოქცევაში გაშვების (იმპორტი) ან სხვა საბაჟო პროცედურის/რეექსპორტის განსაზღვრა, საქონლის მიმართ საბაჟო ორგანოს გადაწყვეტილებით ხორციელდება საქართველოს საბაჟო კოდექსის XV თავით გათვალისწინებული საქონლის განკარგვის ღონისძიებები, საქონლის მფლობელის/იმპორტიორის ხარჯით.

4. შემოსავლების სამსახური ვალდებულია, საფუძვლიანი ეჭვის არსებობისას ან/და რისკების მართვის სისტემაზე დაყრდნობით, შეაჩეროს სამშენებლო პროდუქტი და აღნიშნულის შესახებ აცნობოს სააგენტოს, საქართველოს კანონმდებლობით გათვალისწინებული ბაზარზე ზედამხედველობის ღონისძიებების განხორციელების მიზნით. ამავე მიზნით სააგენტო უფლებამოსილია, საფუძვლიანი ეჭვის არსებობისას ან/და რისკის ანალიზზე დაყრდნობით, შემოსავლების სამსახურს მიმართოს საქონლის შეჩერების თაობაზე. ასეთ შემთხვევებში, შემოსავლების სამსახური ვალდებულია, შეაჩეროს სამშენებლო პროდუქტი ამ რეგლამენტის 13 მუხლით გათვალისწინებული, სამშენებლო პროდუქტის შემოწმებისათვის განსაზღვრული ვადით და არ დაუშვას იმპორტის გზით ასეთი სამშენებლო პროდუქტის საქართველოს ბაზარზე განთავსება.

5. იმ შემთხვევაში, თუ ამ მუხლის მე-4 პუნქტით გათვალისწინებულ ვადაში დადგინდება, რომ სამშენებლო პროდუქტი არ შეესაბამება პროდუქტის უსაფრთხოებისა და თავისუფალი მიმოქცევის კოდექსისა და ამ ტექნიკური რეგლამენტის მოთხოვნებს ან/და შეიცავს დადასტურებულ საფრთხეს, შემოსავლების სამსახური ვალდებულია, არ დაუშვას ასეთი სამშენებლო პროდუქტის იმპორტის გზით საქართველოს ბაზარზე განთავსება.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2019 წლის 19 ივნისის დადგენილება №292 - ვებგვერდი, 21.06.2019წ.

საქართველოს მთავრობის 2019 წლის 4 სექტემბრის დადგენილება №446 – ვებგვერდი, 06.09.2019წ.

საქართველოს მთავრობის 2020 წლის 8 იანვრის დადგენილება №7 – ვებგვერდი, 09.01.2020წ.

საქართველოს მთავრობის 2023 წლის 18 აპრილის დადგენილება №156 – ვებგვერდი, 19.04.2023წ.

მუხლი 13. საბაჟო კონტროლის ზონებში სამშენებლო პროდუქტების ბაზარზე ზედამხედველობა

1. ამ ტექნიკური რეგლამენტით გათვალისწინებულ პროდუქტებზე ბაზარზე ზედამხედველობის ორგანოდ განისაზღვროს სააგენტო.

2. სააგენტო უფლებამოსილია, ამ ტექნიკური რეგლამენტის 12 მუხლის მე-4 პუნქტით გათვალისწინებულ შემთხვევაში, შემოსავლების სამსახურთან შეთანხმებით, საქართველოს საბაჟო კონტროლის ზონაში განახორციელოს საქართველოს კანონმდებლობით გათვალისწინებული ბაზარზე ზედამხედველობა, შემოსავლების სამსახურისგან ინფორმაციის მიღებიდან არაუგვიანეს 3 სამუშაო დღისა, გარდა იმ შემთხვევებისა, როდესაც პროდუქტის შესაბამისობის დასადგენად აუცილებელია ლაბორატორიული კვლევა.

21. სააგენტო უფლებამოსილია, „სამშენებლო პროდუქტის იმპორტის წინასწარი შეტყობინების“ რეგისტრაციიდან არაუგვიანეს 3 სამუშაო დღისა განახორციელოს საქართველოს კანონმდებლობით გათვალისწინებული დოკუმენტური კონტროლი.

3. ამ მუხლის მე-2 პუნქტით გათვალისწინებული უფლებამოსილების განსახორციელებლად, სააგენტო უფლებამოსილია, საქართველოს საბაჟო კონტროლის ზონაში აიღოს პროდუქტის ნიმუში, მისი შესაბამის აკრედიტებულ ლაბორატორიაში გამოცდის მიზნით.

4. იმ შემთხვევაში, თუ პროდუქტის შესაბამისობის დასადგენად აუცილებელია ნიმუშის ლაბორატორიული კვლევა, სააგენტო პროდუქტის ტექნიკურ რეგლამენტთან შესაბამისობას ადგენს პროდუქტის ნიმუშის ლაბორატორიული კვლევის შესაბამისი საექსპერტო დასკვნის სააგენტოში წარმოდგენიდან 2 სამუშაო დღის ვადაში.

5. (ამოღებულია 19,06,2019, №292).

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2019 წლის 19 ივნისის დადგენილება №292 - ვებგვერდი, 21.06.2019წ.

მუხლი 2. ტერმინთა განმარტება

1. ამ ტექნიკური რეგლამენტის მიზნებისათვის, ტერმინებს აქვთ შემდეგი მნიშვნელობები:

ა) სამშენებლო პროდუქტი – ნებისმიერი პროდუქტი ან სამშენებლო პროდუქტების ნაკრები, რომელიც წარმოებულია და ბაზარზე განთავსებულია ან განკუთვნილია ბაზარზე განსათავსებლად სამშენებლო ობიექტებზე ან მის ნაწილებში მუდმივი ინკორპორირებისთვის და რომლის თვისებებიც გავლენას ახდენს სამშენებლო ობიექტების მახასიათებლებზე სამშენებლო ობიექტებისადმი დაწესებული ძირითადი მოთხოვნების ფარგლებში. ამ ტექნიკური რეგლამენტის მიზნებისათვის, სამშენებლო პროდუქტების ჩამონათვალი მოცემულია ამავე ტექნიკური რეგლამენტის VII დანართში;

ბ) სამშენებლო პროდუქტების ნაკრები – ერთი მწარმოებლის მიერ ბაზარზე განთავსებული სამშენებლო პროდუქტი, რომელიც შედგება, სულ მცირე, ორი განცალკევებული კომპონენტისაგან და ერთობლივად გამოიყენება სამშენებლო ობიექტების მშენებლობისას;

გ) სამშენებლო ობიექტები – შენობები და სამოქალაქო საინჟინრო ნაგებობები;

დ) ძირითადი მახასიათებლები – სამშენებლო პროდუქტის ის მახასიათებლები, რომლებიც დაკავშირებულია სამშენებლო ობიექტების ძირითად მოთხოვნებთან;

ე) სამშენებლო პროდუქტების თვისებები – სამშენებლო პროდუქტის თვისებები მისთვის დადგენილ ძირითად მახასიათებლებთან მიმართებით, რომელიც გამოხატულია კლასების ან დონეების სახით ან შესაბამისი აღწერით;

ვ) სამშენებლო პროდუქტის თვისებების დონე – სამშენებლო პროდუქტის ძირითად მახასიათებლებთან დაკავშირებული თვისებების შეფასების შედეგი, გამოხატული რაოდენობრივი მნიშვნელობით;

ზ) სამშენებლო პროდუქტის თვისებების კლასი – სამშენებლო პროდუქტის თვისების დონეების საზღვრები, რომელიც განისაზღვრება მინიმალური და მაქსიმალური მნიშვნელობებით;

თ) სამშენებლო პროდუქტის თვისებების ზღვრული დონე – სამშენებლო პროდუქტის ძირითადი მახასიათებლების თვისებების მინიმალური ან მაქსიმალური დონე;

ი) პროდუქტის ტიპი – სპეციფიკური საწარმოო პროცესის შედეგად ნედლი მასალის ან სხვა ელემენტების კომბინაციით მიღებული სამშენებლო პროდუქტის წარმომადგენლობითი დონე ან კლასი, რომელიც დაკავშირებულია მის ძირითად მახასიათებლებთან;

კ) (ამოღებულია - 14.11.2018, №541);

ლ) (ამოღებულია - 18.12.2020, №754);

მ) დანიშნულების მიხედვით გამოყენება – სამშენებლო პროდუქტის გამოყენება შესაბამისი სტანდარტებით გათვალისწინებული დანიშნულებით;

ნ) სპეციფიკური ტექნიკური დოკუმენტაცია – დოკუმენტები, რომლებიც ადასტურებენ, რომ თვისებების უცვლელობის შეფასებისა და ვერიფიკაციის სისტემა ჩანაცვლებულ იქნა სხვა მეთოდებით, და რომ აღნიშნული მეთოდების შედეგად მიღებული შედეგები ეკვივალენტურია სტანდარტებით გათვალისწინებული გამოცდის მეთოდების გამოყენებით მიღებული შედეგებისა;

ო) პროდუქტის საწარმოო კონტროლი – დოკუმენტირებული, მუდმივი, წარმოების შიდა კონტროლი, რომელიც ხორციელდება სტანდარტების შესაბამისად;

პ) სასიცოცხლო ციკლი – სამშენებლო პროდუქტის თანმიმდევრული და ურთიერთდაკავშირებული სასიცოცხლო ეტაპების ერთობლიობა, ბუნებრივი გზით მოპოვებული ან შექმნილი პირველადი ნედლეულიდან, მის საბოლოო ფორმით გამოყენებამდე;

ჟ) (ამოღებულია - 14.11.2018, №541);

რ) (ამოღებულია - 18.12.2020, №754).

2. ამ ტექნიკურ რეგლამენტში გამოყენებულ ტერმინებზე, გარდა ამ მუხლის პირველი პუნქტით გათვალისწინებული ტერმინებისა, ვრცელდება პროდუქტის უსაფრთხოებისა და თავისუფალი მიმოქცევის კოდექსის ტერმინთა განმარტებები.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

საქართველოს მთავრობის 2023 წლის 18 აპრილის დადგენილება №156 – ვებგვერდი, 19.04.2023წ.

მუხლი 3. სამშენებლო საქმიანობის მიმართ არსებული ძირითადი მოთხოვნები და სამშენებლო პროდუქტის ძირითადი მახასიათებლები

სამშენებლო პროდუქტის სამშენებლო ობიექტზე გამოყენებისას მისთვის დადგენილი ძირითადი მახასიათებლების აუცილებელი დონე და კლასი განისაზღვრება შესაბამისი სტანდარტით ან/და ამ ტექნიკური რეგლამენტით.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

თავი II

სამშენებლო პროდუქტის თვისებების დეკლარაცია და ნიშანდება

მუხლი 4. სამშენებლო პროდუქტის თვისებების დეკლარაცია

1. თუ სამშენებლო პროდუქტი შეესაბამება ამ ტექნიკური რეგლამენტის 11 მუხლის მე-2 პუნქტით გათვალისწინებულ სტანდარტს, მწარმოებელი ვალდებულია, ასეთი პროდუქტის ბაზარზე განთავსებამდე და იმპორტის გზით სამშენებლო პროდუქტის საქართველოს ბაზარზე განთავსებისათვის შეადგინოს სამშენებლო პროდუქტის თვისებების დეკლარაცია.

2. თუ სამშენებლო პროდუქტი აკმაყოფილებს ამ ტექნიკური რეგლამენტის 11 მუხლის მე-2 პუნქტით გათვალისწინებული სტანდარტის მოთხოვნებს და პროდუქტზე გაცემულია საქართველოს კანონმდებლობით გათვალისწინებული შესაბამისობის შეფასების დოკუმენტი, სამშენებლო პროდუქტის ძირითად მახასიათებლებთან დაკავშირებული თვისებების შესახებ ინფორმაცია, რომელიც ასახულია სამშენებლო პროდუქტის თვისებების დეკლარაციაში, შესაძლებელია, მიწოდებულ იქნეს ელექტრონული ან/და მატერიალური ფორმით, გარდა ამ რეგლამენტის მე-5 მუხლით გათვალისწინებული შემთხვევებისა.

2. თუ სამშენებლო პროდუქტი დაფარულია ამ ტექნიკური რეგლამენტის 11 მუხლის მე-3 პუნქტით გათვალისწინებული სტანდარტებით, სამშენებლო პროდუქტის ძირითად მახასიათებლებთან დაკავშირებული თვისებების შესახებ ინფორმაცია შესაძლოა მიწოდებული იყოს მხოლოდ იმ შემთხვევაში, თუ აღნიშნული თვისებები დეკლარირებულია სამშენებლო პროდუქტის თვისებების დეკლარაციაში, გარდა ამავე ტექნიკური რეგლამენტის მე-5 მუხლით გათვალისწინებული შემთხვევებისა.

3. სამშენებლო პროდუქტის თვისებების დეკლარაციის შედგენით მწარმოებელი პასუხისმგებლობას იღებს სამშენებლო პროდუქტის დეკლარირებულ თვისებებზე.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

საქართველოს მთავრობის 2023 წლის 18 აპრილის დადგენილება №156 – ვებგვერდი, 19.04.2023წ.

მუხლი 5. სამშენებლო პროდუქტის თვისებების დეკლარაციის შედგენის ვალდებულებიდან გამონაკლისები

თუ საქართველოს კანონმდებლობით სხვა რამ არ არის გათვალისწინებული, მწარმოებელი უფლებამოსილია არ შეადგინოს ამ რეგლამენტის მე-4 მუხლით გათვალისწინებული სამშენებლო პროდუქტის თვისებების დეკლარაცია შემდეგ შემთხვევებში:

ა) თუ სამშენებლო პროდუქტი წარმოებულია ინდივიდუალურად ან შეკვეთის საფუძველზე, არასერიული წარმოების გზით, მწარმოებლის მიერ წინასწარ განსაზღვრულ სამშენებლო ობიექტში გამოყენების მიზნით, ასეთ შემთხვევაში მწარმოებელი პასუხისმგებელია პროდუქტის სამშენებლო ობიექტში უსაფრთხო გამოყენებაზე, საქართველოს კანონმდებლობით დადგენილი მოთხოვნების შესაბამისად და მშენებლობის უსაფრთხოებაზე პასუხისმგებელი პირის მეთვალყურეობის ქვეშ;

ბ) თუ სამშენებლო პროდუქტი წარმოებულია მშენებლობის ადგილზე მისი ამავე სამშენებლო ობიექტზე გამოყენების მიზნით საქართველოს კანონმდებლობის მოთხოვნათა გათვალისწინებითა და სამშენებლო სამუშაოების უსაფრთხოდ განხორციელებაზე პასუხისმგებელი პირის პასუხისმგებლობის ფარგლებში;

გ) თუ სამშენებლო პროდუქტი წარმოებულია ტრადიციული მეთოდით ან კულტურული მემკვიდრეობის შენარჩუნების მიზნით, ასევე დაცული ტერიტორიის ან განსაკუთრებული არქიტექტურული ან/და ისტორიული მნიშვნელობის ობიექტის განახლების მიზნით.

საქართველოს მთავრობის 2019 წლის 19 ივნისის დადგენილება №292 - ვებგვერდი, 21.06.2019წ.

მუხლი 6. სამშენებლო პროდუქტის თვისებების დეკლარაციის შინაარსი

1. სამშენებლო პროდუქტის თვისებების დეკლარაცია უნდა ასახავდეს სამშენებლო პროდუქტის თვისებებს მის ძირითად მახასიათებლებთან მიმართებით, შესაბამისი ტექნიკური მოთხოვნების დაცვით.

2. სამშენებლო პროდუქტის თვისებების დეკლარაცია უნდა შეიცავდეს შემდეგი სახის ინფორმაციას:

ა) მითითებას პროდუქტის ტიპზე, რომლისთვისაც შედგენილ იქნა სამშენებლო პროდუქტის თვისებების დეკლარაციაზე;

ბ) რეგლამენტის დანართი III-ით გათვალისწინებული მოთხოვნების შესაბამისად, სამშენებლო პროდუქტის თვისებების უცვლელობის ვერიფიკაციისა და შეფასების სისტემას ან სისტემებს;

გ) ამ ტექნიკური რეგლამენტის 11 მუხლის მე-2 პუნქტით გათვალისწინებული სტანდარტის იმ საიდენტიფიკაციო ნომერსა და დამტკიცების/რეგისტრაციის თარიღს, რომელიც გამოყენებულ იქნა სამშენებლო პროდუქტის თითოეული ძირითადი მახასიათებლის შეფასებისას;

დ) შესაბამის შემთხვევებში, მწარმოებლის მიერ გამოყენებული ყველა სხვა ტექნიკური დოკუმენტაციის საიდენტიფიკაციო ნომერსა და იმ მოთხოვნებს, რომელთა მიმართაც მწარმოებელი ადასტურებს პროდუქტის შესაბამისობას;

ე) სამშენებლო პროდუქტის გამოყენების შესახებ მითითებას, შესაბამისი სტანდარტებით გათვალისწინებული ფორმით;

ვ) შესაბამისი სტანდარტებით გათვალისწინებული ძირითადი მახასიათებლის ჩამონათვალს, რომელიც გააჩნია პროდუქტს დეკლარირებული დანიშნულებით გამოყენებისას;

ზ) სამშენებლო პროდუქტის დანიშნულებისამებრ გამოყენებისას, სულ მცირე, ერთი ძირითადი მახასიათებლის თვისებების შესახებ ინფორმაციას;

თ) შესაბამის შემთხვევებში, სამშენებლო პროდუქტის თვისებებს კლასის ან დონის მიხედვით, ან მისი ძირითადი მახასიათებლების აღწერას, საჭიროების შემთხვევაში, შესაბამისი გამოთვლების თანხლებით;

ი) სამშენებლო პროდუქტის იმ ძირითადი მახასიათებლების თვისებების შესახებ ინფორმაციას, რომლებიც დაკავშირებულია მის დანიშნულებისამებრ გამოყენებასთან;

კ) შესაბამისი ჩანაწერი იმ ძირითადი მახასიათებლებისთვის, რომელთა მიმართ თვისებები არ არის დეკლარირებული;

ლ) (ამოღებულია - 18.12.2020, №754).

3. სამშენებლო პროდუქტის თვისებების დეკლარაცია შედგენილი უნდა იქნეს ამ ტექნიკური რეგლამენტის II დანართით გათვალისწინებული ნიმუშის შესაბამისად.

4. შესაბამის შემთხვევაში, თვისებების დეკლარაციას თან უნდა დაერთოს ინფორმაცია საქართველოს კანონმდებლობით განასზღვრული შეზღუდულად ბრუნვადი მასალების გამოყენების შესახებ, მათი აღწერილობა დანიშნულება, გამოყენების დრო ადგილი და მეთოდი.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

მუხლი 7. სამშენებლო პროდუქტის თვისებების დეკლარაციის წარდგენა

1. ბაზარზე განთავსებული სამშენებლო პროდუქტის თვისებების დეკლარაცია წარდგენილი უნდა იქნეს მატერიალური ან/და ელექტრონული ფორმით. იმ შემთხვევაში, თუ პროდუქტის დიდი რაოდენობა მიეწოდება ერთ მომხმარებელს, შესაძლოა, წარდგენილ იქნეს სამშენებლო პროდუქტის თვისებების დეკლარაციის ერთი ეგზემპლარი მატერიალური ან ელექტრონული ფორმით.

2. შესაბამისი მოთხოვნის შემთხვევაში, ეკონომიკური ოპერატორი ვალდებულია, მომხარებელს სამშენებლო პროდუქტის თვისებების დეკლარაცია გადასცეს მატერიალური ფორმით.

3. სამშენებლო პროდუქტის თვისებების დეკლარაცია ეკონომიკური ოპერატორის მიერ შესაძლოა განთავსდეს მის შესაბამის ვებგვერდზე. ამ შემთხვევაში, სამშენებლო პროდუქტის თვისებების დეკლარაცია ვებგვერდზე განთავსებული უნდა იყოს, სულ მცირე, ამ ტექნიკური რეგლამენტის მე-10 მუხლის მე-2 პუნქტით გათვალისწინებული ვადით.

4. სამშენებლო პროდუქტის თვისებების დეკლარაცია შედგენილი/ხელმისაწვდომი უნდა იყოს პროდუქტის უსაფრთხოებისა და თავისუფალი მიმოქცევის კოდექსით შესაბამისობის დამადასტურებელი დოკუმენტების წარდგენისთვის გათვალისწინებულ ენაზე.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2023 წლის 18 აპრილის დადგენილება №156 – ვებგვერდი, 19.04.2023წ.

მუხლი 8. (ამოღებულია)

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

მუხლი 9. ინფორმაციის დატანის წესები და პირობები

1. ამ მუხლში აღნიშნული ინფორმაცია სამშენებლო პროდუქტზე ან მის ეტიკეტზე დატანილი უნდა იქნეს ადვილად აღსაქმელი ფორმით, მკაფიოდ და წაუშლელად. თუ აღნიშნული ინფორმაციის დატანა უშუალოდ პროდუქტზე შეუძლებელია სამშენებლო პროდუქტის თავისებურების გამო, აღნიშნული ინფორმაცია დატანილი უნდა იქნეს თანდართულ დოკუმენტაციაზე ან სამშენებლო პროდუქტის შეფუთვაზე.

2. პროდუქტზე დატანილი უნდა იყოს მწარმოებლის რეგისტრირებული სახელი და მისამართი ან შესაბამისი საიდენტიფიკაციო ნიშანი, რომლის საშუალებითაც შესაძლებელია მწარმოებლის სახელისა და მისამართის ადვილად იდენტიფიცირება.

3. ამ მუხლში აღნიშნულ ინფორმაციასთან ერთად პროდუქტზე დატანილი უნდა იყოს:

ა) პროდუქტის ტიპის აღმნიშვნელი უნიკალური საიდენტიფიკაციო კოდი;

ბ) სამშენებლო პროდუქტის თვისებების დეკლარაციის საიდენტიფიკაციო ნომერი, ასეთის არსებობის შემთხვევაში;

გ) სამშენებლო პროდუქტის თვისებების დეკლარირებული დონისა და კლასის შესახებ ინფორმაცია, ასეთის არსებობის შემთხვევაში;

დ) გამოყენებული სტანდარტების შესახებ ინფორმაცია;

ე) შესაბამის შემთხვევებში, შესაბამისობის შემფასებელი ორგანოს საიდენტიფიკაციო კოდი;

ვ) გამოყენებული სტანდარტებით გათვალისწინებული გამოყენების დანიშნულება.

4. იმ შემთხვევაში, თუ ვერ ხერხდება ამ მუხლის მე-3 პუნქტით გათვალისწინებული ინფორმაციის პროდუქტზე დატანა, ინფორმაცია დატანილი უნდა იქნეს პროდუქტის შეფუთვაზე, ასეთის არსებობის შემთხვევაში, ან თანდართულ დოკუმენტაციაზე.

5. ამ მუხლში აღნიშნული ინფორმაცია დატანილი უნდა იქნეს სამშენებლო პროდუქტზე ბაზარზე განთავსებამდე. პროდუქტზე ასევე შესაძლოა, დატანილ იქნეს პიქტოგრამა ან სხვა მკაფიო ნიშანი სპეციფიკური გამოყენების ან რისკების შესახებ, რომელიც შესაძლოა, გამოწვეულ იქნეს სამშენებლო პროდუქტის მიერ.

6. ამ მუხლით გათვალისწინებული ინფორმაცია პროდუქტზე დატანილი უნდა იქნეს ქართულ ენაზე.

საქართველოს მთავრობის 2020 წლის 7 აგვისტოს დადგენილება №492 – ვებგვერდი, 10.08.2020წ.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

თავი III

ეკონომიკური ოპერატორების ვალდებულებები

მუხლი 10. მწარმოებლის ვალდებულებები

1. მწარმოებელი ვალდებულია, სამშენებლო პროდუქტის თვისებების დეკლარაცია შეადგინოს ამ რეგლამენტის მე-4 და მე-6 მუხლების შესაბამისად, ხოლო პროდუქტზე შესაბამისი ინფორმაცია დაიტანოს ამ რეგლამენტის მე-9 მუხლის შესაბამისად. მწარმოებელმა სამშენებლო პროდუქტის თვისებების დეკლარაციას საფუძვლად უნდა დაურთოს ტექნიკური დოკუმენტაცია, რომელიც მოიცავს სამშენებლო პროდუქტის თვისებების უცვლელობის, შეფასებისა და ვერიფიკაციისათვის გამოყენებული სისტემის ყველა შესაბამისი ელემენტის შესახებ ინფორმაციას.

2. მწარმოებელი ვალდებულია, შეინახოს ტექნიკური დოკუმენტაცია და სამშენებლო პროდუქტის თვისებების დეკლარაცია სამშენებლო პროდუქტის ბაზარზე განთავსებიდან 10 წლის განმავლობაში.

3. მწარმოებელმა უნდა უზრუნველყოს, რომ სერიული წარმოებისას სამშენებლო პროდუქტი ინარჩუნებდეს დეკლარირებულ სამშენებლო პროდუქტის თვისებებს. მწარმოებელმა ასევე უნდა გაითვალისწინოს პროდუქტის ტიპსა და მასთან დაკავშირებულ სტანდარტებში განხორციელებული ცვლილებები მწარმოებელი ვალდებულია, შესაბამის შემთხვევაში, დეკლარირებული სამშენებლო პროდუქტის თვისებების სიზუსტის, სტაბილურობისა და საიმედოობის შენარჩუნების მიზნით, განახორციელოს ბაზარზე განთავსებული ან ხელმისაწვდომი სამშენებლო პროდუქტის ნიმუშის გამოცდა, ასევე გამოიკვლიოს და, საჭიროების შემთხვევაში, შეინახოს: საჩივრები, პროდუქტის მიერ დადგენილ მოთხოვნებთან შეუსაბამობების შემთხვევებისა და პროდუქტის გამოთხოვის შემთხვევების შესახებ ინფორმაცია. მწარმოებელი ვალდებულია, ამგვარი მონიტორინგის შედეგების შესახებ ინფორმაცია მიაწოდოს დისტრიბუტორებს.

4. მწარმოებელი ვალდებულია, რომ სამშენებლო პროდუქტზე დაიტანოს ტიპის, პარტიის ან სერიის ნომერი ან სხვა ნებისმიერი ნიშანი, რომელიც უზრუნველყოფს პროდუქტის იდენტიფიცირებას. იმ შემთხვევებში, თუ აღნიშნული ვერ ხერხდება სამშენებლო პროდუქტის ზომის, ფორმის ან სხვა ფიზიკური მახასიათებლის გამო, ინფორმაცია დაიტანება სამშენებლო პროდუქტის შეფუთვაზე, ასეთის არსებობის შემთხვევაში, ან თანდართულ დოკუმენტაციაზე.

5. მწარმოებელი ვალდებულია, სამშენებლო პროდუქტზე დაიტანოს საკუთარი დასახელება, რეგისტრირებული სავაჭრო სახელი ან რეგისტრირებული სავაჭრო ნიშანი, მისამართი და საკონტაქტო ინფორმაცია. თუ აღნიშნული ვერ ხერხდება სამშენებლო პროდუქტის ზომის, ფორმის ან/და სხვა ფიზიკური მახასიათებლის გამო, მითითებული ინფორმაცია დატანილი უნდა იქნეს პროდუქტის შეფუთვაზე, ასეთის არსებობის შემთხვევაში, ან თანდართულ დოკუმენტაციაზე.

6. მწარმოებელმა ბაზარზე განთავსებამდე სამშენებლო პროდუქტს უნდა დაურთოს შესაბამისი ინსტრუქციები და პროდუქტის უსაფრთხო მოხმარებასთან დაკავშირებული ინფორმაცია ქართულ ენაზე.

7. მწარმოებელი, რომელიც ფლობს ინფორმაციას ან აქვს საფუძვლიანი ეჭვი, რომ მის მიერ ბაზარზე განთავსებული პროდუქტი არ შეესაბამება სამშენებლო პროდუქტის თვისებების დეკლარაციაში მითითებულ ინფორმაციას, ან არ აკმაყოფილებს ამ ტექნიკური რეგლამენტის სხვა შესაბამის მოთხოვნებს, ვალდებულია, დაუყოვნებლივ მიიღოს შესაბამისი მაკორექტირებელი ზომები, რათა სამშენებლო პროდუქტი მოიყვანოს შესაბამისობაში აღნიშნულ მოთხოვნებთან ან აუცილებლობის შემთხვევაში, მოახდინოს სამშენებლო პროდუქტის ბაზრიდან ამოღება ან გამოთხოვა. იმ შემთხვევაში, თუ ბაზარზე განთავსებული სამშენებლო პროდუქტი შეიცავს საფრთხეს, მწარმოებელი ვალდებულია, დაუყოვნებლივ მიაწოდოს შესაბამისი ინფორმაცია ბაზარზე ზედამხედველობის ორგანოს, მათ შორის, შეუსაბამობისა და განხორციელებული მაკორექტირებელი ღონისძიებების შესახებ.

8. მწარმოებელი ვალდებულია, ბაზარზე ზედამხედველობის ორგანოს მოთხოვნის საფუძველზე წარუდგინოს ყველა შესაბამისი ინფორმაცია და დოკუმენტი, რომელიც ადასტურებს სამშენებლო პროდუქტის თვისებების დეკლარაციასთან და ამ ტექნიკური რეგლამენტით განსაზღვრულ სხვა მოთხოვნებთან შესაბამისობას პროდუქტის უსაფრთხოებისა და თავისუფალი მიმოქცევის კოდექსით შესაბამისობის დამადასტურებელი დოკუმენტების წარდგენისათვის გათვალისწინებულ ენაზე. მწარმოებელი ვალდებულია, შესაბამისი მოთხოვნის საფუძველზე, ითანამშრომლოს ბაზარზე ზედამხედველობის ორგანოსთან ყველა იმ ღონისძიებების ფარგლებში, რომელიც მიმართულია ბაზარზე განთავსებული პროდუქტის მიერ გამოწვეული საფრთხეების აღმოსაფხვრელად.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

საქართველოს მთავრობის 2024 წლის 28 მარტის დადგენილება №106 - ვებგვერდი, 29.03.2024წ.

მუხლი 11. ავტორიზებული წარმომადგენლის ვალდებულებები

1. მწარმოებელი უფლებამოსილია მიანიჭოს ავტორიზებული წარმომადგენლის უფლებამოსილება ნებისმიერ ფიზიკურ თუ იურიდიულ პირს, წერილობითი ფორმით, გარდა ტექნიკური დოკუმენტაციის შედგენის უფლებამოსილებისა.

2. ავტორიზებულმა წარმომადგენელმა უნდა განახორციელოს მინიჭებული უფლებამოსილებით გათვალისწინებული ფუნქციები, რომელიც მოიცავს, თუმცა არ არის შეზღუდული შემდეგით:

ა) სახელმწიფო ზედამხედველობის ორგანოებისათვის წარსადგენად, ამ რეგლამენტის მე-10 მუხლის მე-2 პუნქტით გათვალისწინებული ვადით შეინახოს სამშენებლო პროდუქტის თვისებების დეკლარაცია და შესაბამისი ტექნიკური დოკუმენტაცია;

ბ) ბაზარზე ზედამხედველობის ორგანოს მოთხოვნის საფუძველზე წარუდგინოს ყველა საჭირო დოკუმენტი და ინფორმაცია, რომელიც ადასტურებს სამშენებლო პროდუქტის შესაბამისობას სამშენებლო პროდუქტის თვისებების დეკლარაციასთან და ამ ტექნიკური რეგლამენტით განსაზღვრულ სხვა მოთხოვნებთან;

გ) შესაბამისი მოთხოვნის საფუძველზე, მწარმოებლის მიერ მინიჭებული უფლებამოსილების ფარგლებში, ითანამშრომლოს ბაზარზე ზედამხედველობის ორგანოსთან ბაზარზე განთავსებული სამშენებლო პროდუქტებით გამოწვეული საფრთხეების აღმოფხვრის მიზნით.

მუხლი 12. იმპორტიორის ვალდებულებები

1. იმპორტიორი ვალდებულია, ბაზარზე განათავსოს მხოლოდ ის სამშენებლო პროდუქტი, რომელიც აკმაყოფილებს ამ რეგლამენტით დადგენილ მოთხოვნებს.

2. იმპორტიორი ვალდებულია, სამშენებლო პროდუქტის ბაზარზე განთავსებამდე დარწმუნდეს, რომ მწარმოებელმა განახორციელა: სამშენებლო პროდუქტის თვისებების უცვლელობის შეფასება და ვერიფიკაცია; შეადგინა ამ რეგლამენტის მე-10 მუხლის პირველი პუნქტით გათვალისწინებული ტექნიკური დოკუმენტაცია; შეადგინა რეგლამენტის მე-4 და მე-6 მუხლებით გათვალისწინებული სამშენებლო პროდუქტის თვისებების დეკლარაცია. იმპორტიორი ასევე ვალდებულია, დარწმუნდეს, რომ სამშენებლო პროდუქტზე დატანილია ამ ტექნიკური რეგლამენტით გათვალისწინებული ინფორმაცია, სამშენებლო პროდუქტს თან ერთვის საქართველოს კანონმდებლობით გათვალისწინებული სავალდებულო დოკუმენტაცია და მწარმოებელი აკმაყოფილებს ამ რეგლამენტის მე-10 მუხლის მე-4 და მე-5 პუნქტებითა და პროდუქტის უსაფრთხოებისა და თავისუფალი მიმოქცევის კოდექსით დადგენილ მოთხოვნებს. იმპორტიორმა, რომელიც ფლობს ინფორმაციას ან აქვს საფუძვლიანი ეჭვი, რომ სამშენებლო პროდუქტი არ შეესაბამება სამშენებლო პროდუქტის თვისებების დეკლარაციაში მითითებულ ინფორმაციას ან ამ ტექნიკური რეგლამენტით გათვალისწინებულ მოთხოვნებს, არ უნდა განათავსოს სამშენებლო პროდუქტი ბაზარზე, სანამ სამშენებლო პროდუქტი არ დააკმაყოფილებს აღნიშნულ მოთხოვნებს. საფრთხის შემცველი სამშენებლო პროდუქტის არსებობის შემთხვევაში იმპორტიორი ვალდებულია, ამის შესახებ შეატყობინოს მწარმოებელსა და ბაზარზე ზედამხედველობის ორგანოს.

3. იმპორტიორი ვალდებულია, სამშენებლო პროდუქტზე, ხოლო, თუ აღნიშნული შეუძლებელია, მის შეფუთვაზე ან თანმხლებ დოკუმენტაციაში, იმპორტის შემდეგ, მის ბაზარზე ხელმისაწვდომობის უზრუნველყოფამდე დაიტანოს საკუთარი დასახელება, რეგისტრირებული სავაჭრო სახელი ან რეგისტრირებული სავაჭრო ნიშანი, მისამართი და საკონტაქტო ინფორმაცია. აღნიშნული ინფორმაცია მითითებული უნდა იყოს ქართულ ენაზე.

4. იმპორტიორი ვალდებულია, ბაზარზე განათავსოს მხოლოდ ის სამშენებლო პროდუქტი, რომელსაც თან ერთვის ინსტრუქციები და უსაფრთხოებასთან დაკავშირებული ინფორმაცია ქართულ ენაზე.

5. იმპორტიორი ვალდებულია, უზრუნველყოს შენახვისა და ტრანსპორტირების იმგვარი პირობები, რომ მისი პასუხისმგებლობის პერიოდში სამშენებლო პროდუქტი ინარჩუნებდეს სამშენებლო პროდუქტის თვისებების დეკლარაციასთან და ამ ტექნიკური რეგლამენტით განსაზღვრულ მოთხოვნებთან შესაბამისობას.

6. იმპორტიორი ვალდებულია, დეკლარირებული თვისებების სიზუსტის, სტაბილურობისა და საიმედოობის შენარჩუნების მიზნით, აუცილებლობის შემთხვევაში, განახორციელოს ბაზარზე განთავსებული პროდუქტების ნიმუშის გამოცდა. ასევე, გამოიკვლიოს და საჭიროების შემთხვევაში შეინახოს საჩივრები, პროდუქტის მიერ დადგენილ მოთხოვნებთან შეუსაბამობის შემთხვევებისა და პროდუქტის გამოთხოვის შემთხვევების შესახებ ინფორმაცია. იმპორტიორი ვალდებულია, ამგვარი მონიტორინგის შედეგების შესახებ ინფორმაცია მიაწოდოს დისტრიბუტორებს.

7. იმპორტიორი, რომელიც ფლობს ინფორმაციას ან აქვს საფუძვლიანი ეჭვი, რომ სამშენებლო პროდუქტი არ შეესაბამება სამშენებლო პროდუქტის თვისებების დეკლარაციაში მითითებულ ინფორმაციას, ან არ აკმაყოფილებს ამ ტექნიკური რეგლამენტით გათვალისწინებულ მოთხოვნებს, ვალდებულია, დაუყოვნებლივ მიიღოს შესაბამისი მაკორექტირებელი ზომები, რათა პროდუქტი მოიყვანოს შესაბამისობაში აღნიშნულ მოთხოვნებთან. აუცილებლობის შემთხვევებში იმპორტიორი ვალდებულია, მოახდინოს სამშენებლო პროდუქტის ბაზრიდან ამოღება ან გამოთხოვა. იმ შემთხვევაში თუ პროდუქტი შეიცავს საფრთხეს, იმპორტიორი ვალდებულია, დაუყოვნებლივ მიაწოდოს შესაბამისი ინფორმაცია ბაზარზე ზედამხედველობის ორგანოს, მათ შორის, შეუსაბამობისა და განხორციელებული მაკორექტირებელი ღონისძიებების შესახებ.

8. იმპორტიორი ვალდებულია, სახელმწიფო ზედამხედველობის ორგანოებისათვის წარსადგენად, ამ რეგლამენტის მე-10 მუხლის მე-2 პუნქტით გათვალისწინებული ვადით შეინახოს სამშენებლო პროდუქტის თვისებების დეკლარაცია და შესაბამისი ტექნიკური დოკუმენტაცია.

9. იმპორტიორი ვალდებულია, ბაზარზე ზედამხედველობის ორგანოს მოთხოვნის საფუძველზე წარუდგინოს პროდუქტის უსაფრთხოებისა და თავისუფალი მიმოქცევის კოდექსით განსაზღვრულ ენაზე შედგენილი ყველა შესაბამისი ინფორმაცია და დოკუმენტი, რომელიც ადასტურებს სამშენებლო პროდუქტის თვისებების დეკლარაციასთან და ამ ტექნიკური რეგლამენტით განსაზღვრულ სხვა მოთხოვნებთან შესაბამისობას. იმპორტიორი ვალდებულია, შესაბამისი მოთხოვნის საფუძველზე ითანამშრომლოს ბაზარზე ზედამხედველობის ორგანოსთან ყველა იმ ღონისძიებების ფარგლებში, რომელიც მიმართულია ბაზარზე განთავსებული პროდუქტის მიერ გამოწვეული საფრთხეების აღმოსაფხვრელად.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

საქართველოს მთავრობის 2024 წლის 28 მარტის დადგენილება №106 - ვებგვერდი, 29.03.2024წ.

მუხლი 13. დისტრიბუტორის ვალდებულებები

1. დისტრიბუტორი ვალდებულია, სამშენებლო პროდუქტის ბაზარზე განთავსებისას დაიცვას ამ ტექნიკურ რეგლამენტით გათვალისწინებული მოთხოვნები.

2. დისტრიბუტორი ვალდებულია, უზრუნველყოს ბაზარზე მხოლოდ იმ სამშენებლო პროდუქტის განთავსება, რომელზეც დატანილია ამ ტექნიკური რეგლამენტით განსაზღვრული ინფორმაცია და თან ერთვის ამ ტექნიკური რეგლამენტით გათვალისწინებული დოკუმენტაცია, მათ შორის, პროდუქტის უსაფრთხოებისა და თავისუფალი მიმოქცევის კოდექსით შესაბამისობის დამადასტურებელი დოკუმენტების წარდგენისთვის გათვალისწინებულ ენაზე შედგენილი შესაბამისი ინსტრუქციები და უსაფრთხოებასთან დაკავშირებული ინფორმაცია. დისტრიბუტორი ვალდებულია, დარწმუნდეს, რომ აღნიშნული სამშენებლო პროდუქტის მწარმოებელი და იმპორტიორი აკმაყოფილებენ ამ რეგლამენტის მე-10 მუხლის მე-4 და მე-5 პუნქტებითა და მე-12 მუხლის მე-3 პუნქტით გათვალისწინებულ მოთხოვნებს. დისტრიბუტორი, რომელიც ფლობს ინფორმაციას ან აქვს საფუძვლიანი ეჭვი, რომ სამშენებლო პროდუქტი არ შეესაბამება სამშენებლო პროდუქტის თვისებების დეკლარაციაში მითითებულ ინფორმაციას ან არ აკმაყოფილებს ამ ტექნიკური რეგლამენტით გათვალისწინებულ მოთხოვნებს, ვალდებულია, არ განათავსოს სამშენებლო პროდუქტი ბაზარზე, სანამ სამშენებლო პროდუქტი არ დააკმაყოფილებს ზემოხსენებულ მოთხოვნებს ან არ მოხდება სამშენებლო პროდუქტის თვისებების დეკლარაციის შესაბამისი შესწორება. იმ შემთხვევაში, თუ სამშენებლო პროდუქტი შეიცავს საფრთხეს, დისტრიბუტორი ვალდებულია, ამის შესახებ შეატყობინოს მწარმოებელს, ბაზარზე ზედამხედველობის ორგანოსა და, შესაბამის შემთხვევებში, იმპორტიორს.

3. დისტრიბუტორი ვალდებულია, უზრუნველყოს შენახვისა და ტრანსპორტირების იმგვარი პირობები, რომ მისი პასუხისმგებლობის პერიოდში სამშენებლო პროდუქტი ინარჩუნებდეს სამშენებლო პროდუქტის თვისებების დეკლარაციასთან და ამ ტექნიკური რეგლამენტით განსაზღვრულ მოთხოვნებთან შესაბამისობას.

4. დისტრიბუტორი, რომელიც ფლობს ინფორმაციას ან აქვს საფუძვლიანი ეჭვი, რომ სამშენებლო პროდუქტი არ შეესაბამება სამშენებლო პროდუქტის თვისებების დეკლარაციაში წარმოდგენილ ინფორმაციას, ან ამ ტექნიკური რეგლამენტით გათვალისწინებულ მოთხოვნებს ვალდებულია, დაუყოვნებლივ მიიღოს შესაბამისი მაკორექტირებელი ზომები რათა პროდუქტი მოიყვანოს აღნიშნულ მოთხოვნებთან შესაბამისობაში. აუცილებლობის შემთხვევაში, დისტრიბუტორი ვალდებულია, შეუსაბამო სამშენებლო პროდუქტი ამოიღოს ან გამოითხოვოს ბაზრიდან. იმ შემთხვევაში, თუ პროდუქტი შეიცავს საფრთხეს, დისტრიბუტორი ვალდებულია, დაუყოვნებლივ მიაწოდოს შესაბამისი ინფორმაცია ბაზარზე ზედამხედველობის ორგანოს, მათ შორის, შეუსაბამობისა და განხორციელებული მაკორექტირებელი ღონისძიებების შესახებ.

5. დისტრიბუტორი ვალდებულია, ბაზარზე ზედამხედველობის ორგანოს მოთხოვნის საფუძველზე წარუდგინოს ინფორმაცია და შესაბამისი დოკუმენტები პროდუქტის უსაფრთხოებისა და თავისუფალი მიმოქცევის კოდექსით ამისათვის გათვალისწინებულ ენაზე, რომელიც ადასტურებს სამშენებლო პროდუქტის სამშენებლო პროდუქტის თვისებების დეკლარაციასთან და ამ ტექნიკური რეგლამენტით განსაზღვრულ მოთხოვნებთან შესაბამისობას. დისტრიბუტორი ვალდებულია, შესაბამისი მოთხოვნის საფუძველზე, ითანამშრომლოს ბაზარზე ზედამხედველობის ორგანოსთან ყველა იმ ღონისძიების ფარგლებში, რომელიც მიმართულია ბაზარზე განთავსებული პროდუქტის მიერ გამოწვეული საფრთხეების აღმოსაფხვრელად.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

მუხლი 14. ეკონომიკური ოპერატორების იდენტიფიკაცია

ამ ტექნიკური რეგლამენტის მე-10 მუხლის მე-2 პუნქტით გათვალისწინებულ ვადაში ეკონომიკურმა ოპერატორმა ბაზარზე ზედამხედველობის ორგანოს მოთხოვნის საფუძველზე უნდა წარუდგინოს:

ა) ინფორმაცია ნებისმიერი ეკონომიკური ოპერატორის შესახებ, რომელმაც მიაწოდა მას სამშენებლო პროდუქტი;

ბ) ინფორმაცია ნებისმიერი ეკონომიკური ოპერატორის შესახებ, რომელსაც თვითონ მიაწოდა სამშენებლო პროდუქტი.

თავი IV

ტექნიკური მოთხოვნები

მუხლი 15. სამშენებლო პროდუქტის თვისებების კლასები, დონეები და სამშენებლო პროდუქტის თვისებების უცვლელობის შეფასება და ვერიფიკაცია

1. სამშენებლო პროდუქტის თვისებების კლასები, მისი ძირითადი მახასიათებლების მიმართ განისაზღვრება ამ ტექნიკური რეგლამენტის 11 მუხლის მე-2 პუნქტით გათვალისწინებული სტანდარტით ან ტექნიკური რეგლამენტით.

2. სამშენებლო პროდუქტის ძირითად ტექნიკურ მახასიათებლებთან დაკავშირებული სამშენებლო პროდუქტის თვისებების უცვლელობის შეფასება და ვერიფიკაცია უნდა განხორციელდეს რეგლამენტის დანართ III-ში მითითებული ერთ-ერთი სისტემის შესაბამისად.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

თავი V

გამარტივებული პროცედურები

მუხლი 16. შესაბამისი ტექნიკური დოკუმენტაციის გამოყენება

1. პროდუქტის ტიპის განსაზღვრისას მწარმოებელი უფლებამოსილია ტიპის გამოცდა ან ტიპთან დაკავშირებული გაანგარიშება ჩაანაცვლოს შესაბამისი ტექნიკური დოკუმენტაციით, რომელიც:

ა) მწარმოებლის მიერ ბაზარზე განთავსებული სამშენებლო პროდუქტის ერთი ან რამდენიმე ძირითადი მახასიათებლისთვის დამატებით გაანგარიშებებს, რომ პროდუქტი შეესაბამება კონკრეტულ დონეს ან კლასს ან დამატებითი გამოცდის გარეშე ადასტურებს, რომ შესაბამისობაშია არსებულ ტექნიკურ მოთხოვნებთან;

ბ) ადასტურებს, რომ ბაზარზე განთავსებული, სტანდარტით გათვალისწინებული სამშენებლო პროდუქტი შეესაბამება ბაზარზე სხვა მწარმოებლის მიერ განთავსებულ სამშენებლო პროდუქტის ტიპს, რომელსაც გავლილი აქვს შესაბამისი სტანდარტით გათვალისწინებული გამოცდა. ამ პირობების დაკმაყოფილების შემთხვევაში, მწარმოებელი უფლებამოსილია განაცხადოს, რომ მის მიერ ბაზარზე განთავსებული სამშენებლო პროდუქტის თვისებები შეესაბამება ბაზარზე სხვა მწარმოებლის მიერ განთავსებული იმავე სამშენებლო პროდუქტის გამოცდის ყველა ან გარკვეული ნაწილის შედეგებს. მწარმოებელს შეუძლია გამოიყენოს აღნიშნული გამოცდის შედეგები მხოლოდ სხვა მწარმოებლის თანხმობის შემთხვევაში. ამ შემთხვევაში სხვა მწარმოებელი პასუხისმგებელია გამოცდის შედეგების საიმედოობაზე, სტაბილურობასა და სიზუსტეზე;

გ) ადასტურებს, რომ მწარმოებლის მიერ ბაზარზე განთავსებული სამშენებლო პროდუქტი არის კომპონენტებისგან შემდგარი სისტემა, რომელიც მწარმოებლის მიერ აწყობილია აღნიშნული სისტემის, ან კომპონენტის მიმწოდებელის მიერ განსაზღვრული ინსტრუქციების სრული დაცვით, და აღნიშნულ მიმწოდებელს განხორციელებული აქვს შესაბამისი კომპონენტის ან სისტემის გამოცდა სამშენებლო პროდუქტის ერთი ან რამდენიმე ძირითადი მახასიათებლის კუთხით, შესაბამისი ტექნიკური მოთხოვნების გათვალისწინებით.

ზემოხსენებული პირობების დაკმაყოფილების შემთხვევაში მწარმოებელი უფლებამოსილია განაცხადოს, რომ მის მიერ ბაზარზე განთავსებული სამშენებლო პროდუქტის თვისებები შეესაბამება სისტემის ან კომპონენტების გამოცდის შედეგების ყველა ან გარკვეულ ნაწილს. მწარმოებელი უფლებამოსილია გამოიყენოს სხვა მწარმოებლის ან სისტემის მიმწოდებლის გამოცდის შედეგები, მხოლოდ სხვა მწარმოებლის ან სისტემის მიმწოდებლის თანხმობის შემთხვევაში. სხვა მწარმოებელი ან სისტემის მიმწოდებელი არის პასუხისმგებელი გამოცდის შედეგების საიმედოობაზე, სტაბილურობასა და სიზუსტეზე.

2. იმ შემთხვევაში, თუ ამ მუხლის პირველი პუნქტით გათვალისწინებული სამშენებლო პროდუქტი მიეკუთვნება სამშენებლო პროდუქტების ჯგუფს, რომლისთვისაც რეგლამენტის III დანართით გათვალისწინებულია სამშენებლო პროდუქტის თვისებების უცვლელობის შეფასების და ვერიფიკაციის „1+“ ან „1“ სისტემა, ამ მუხლის პირველ პუნქტში მოცემული ტექნიკური დოკუმენტები საქართველოს კანონმდებლობით გათვალისწინებული შესაბამისობის შემფასებელი პირის მიერ დამოწმებული უნდა იქნეს რეგლამენტის III დანართის შესაბამისად.

მუხლი 17. სხვა გამარტივებული პროცედურები

1. შესაბამისი სტანდარტებით გათვალისწინებული სამშენებლო პროდუქტებისათვის, რომლებიც დამზადებულია ინდივიდუალურად ან სპეციალური შეკვეთის საფუძველზე, არასერიული წარმოების პროცესის შედეგად, და დამონტაჟებულია ერთ წინასწარგანსაზღვრულ სამშენებლო ობიექტზე, ამ რეგლამენტის III დანართით გათვალისწინებული სამშენებლო პროდუქტის თვისებების შეფასების სისტემა შესაძლოა მწარმოებლის მიერ ჩანაცვლებულ იქნეს მწარმოებლის მიერ შექმნილი სპეციფიკური ტექნიკური დოკუმენტაციით, რომელიც ადასტურებს, რომ პროდუქტი შეესაბამება დადგენილ მოთხოვნებს და გამოყენებული პროცედურები შესაბამისობაშია სტანდარტებით გათვალისწინებულ პროცედურებთან.

2. იმ შემთხვევაში, თუ ამ მუხლის პირველი პუნქტით გათვალისწინებული სამშენებლო პროდუქტი მიეკუთვნება სამშენებლო პროდუქტების ჯგუფს, რომლისთვისაც ამ რეგლამენტის III დანართით გათვალისწინებულია სამშენებლო პროდუქტის თვისებების უცვლელობის შეფასების და ვერიფიკაციის „1+“ ან „1“ სისტემა, სპეციფიკური ტექნიკური დოკუმენტები დამოწმებული უნდა იქნეს საქართველოს კანონმდებლობით გათვალისწინებული შესაბამისობის შემფასებელი პირის მიერ ამ რეგლამენტის III დანართის შესაბამისად.

თავი VI

შესაბამისობის შეფასება და შესაბამისობის შემფასებელი პირები

მუხლი 18. სამშენებლო პროდუქტის თვისებების უცვლელობის შეფასებასა და ვერიფიკაციაზე უფლებამოსილი პირები

ამ ტექნიკური რეგლამენტის მიზნებისათვის, სამშენებლო პროდუქტის თვისებების უცვლელობის შეფასებისა და ვერიფიკაციის უფლება აქვთ საქართველოს კანონმდებლობის შესაბამისად აკრედიტებულ და ეკონომიკური თანამშრომლობისა და განვითარების ორგანიზაციის (OECD) და ევროკავშირის წევრ ქვეყნებში აკრედიტებულ შესაბამისობის შემფასებელ პირებს.

მუხლი 19. აკრედიტაციის ერთიანი ეროვნული ორგანო – აკრედიტაციის ცენტრი

აკრედიტაციის ერთიანი ეროვნული ორგანო – აკრედიტაციის ცენტრი (შემდგომში – აკრედიტაციის ცენტრი) ვალდებულია, შეიმუშაოს და განახორციელოს ამ რეგლამენტის მიზნებისათვის სამშენებლო პროდუქტის თვისებების უცვლელობის შეფასებისა და ვერიფიკაციის პროცესში შესაბამისობის შემფასებელი პირების შეფასებისა და აკრედიტაციისთვის აუცილებელი პროცედურები.

მუხლი 20. მოთხოვნები შესაბამისობის შემფასებელი პირის მიმართ

1. შესაბამისობის შემფასებელი პირი უნდა წარმოადგენდეს მის მიერ შემოწმებული სამშენებლო პროდუქტისგან დამოუკიდებელ მესამე პირს. ორგანიზაცია, რომელიც გაწევრიანებულია ისეთ პროფესიულ ასოციაციაში, რომელიც მონაწილეობს შემოწმებული სამშენებლო პროდუქტის დიზაინის შემუშავების, წარმოების, მომარაგების, აწყობის, გამოყენების ან ტექნიკური უზრუნველყოფის პროცესში, შესაძლებელია იყოს შესაბამისობის შემფასებელი პირი, თუ დაამტკიცებს, რომ ინტერესთა კონფლიქტი არ არსებობს.

2. შესაბამისობის შემფასებელი ორგანო, მისი ხელმძღვანელი და პერსონალი, რომელიც უშუალოდ არის ჩართული სამშენებლო პროდუქტის თვისებების უცვლელობის შეფასებისა და ვერიფიკაციის პროცესში, არ უნდა იყოს მის მიერ შემოწმებული სამშენებლო პროდუქტის დიზაინერი, მწარმოებელი, მიმწოდებელი, მემონტაჟე, შემსყიდველი, მფლობელი, ან აღნიშნული პროდუქტის ტექნიკურ უზრუნველყოფაზე პასუხისმგებელი პირი, ან აღნიშნული პირების უფლებამოსილი წარმომადგენელი, გარდა იმ შემთხვევებისა, როდესაც აღნიშნული პროდუქტის გამოყენება უკავშირდება მათ მოხმარებას პირადი მიზნებისთვის ან შეფასების პროცედურებით განპირობებულ აუცილებლობას.

3. აღნიშნული პირები არ უნდა იყვნენ ჩართულნი ისეთ საქმიანობაში, რომელიც გავლენას მოახდენს მათ დამოუკიდებლობასა და მიუკერძოებლობაზე აკრედიტაციით განსაზღვრული ფუნქციების განხორციელებისას. ზემოაღნიშნული აკრძალვა ეხება ასევე აღნიშნული პირების მიერ საკონსულტაციო მომსახურების გაწევას.

4. შესაბამისობის შემფასებელი პირი ვალდებულია, უზრუნველყოს მისი კონტრაქტორების და ქვეკონტრაქტორების ობიექტურობა, მიუკერძოებლობა და კონფიდენციალურობის დაცვა მათ მიერ განხორციელებული შეფასებისა და ვერიფიკაციის პროცესში.

5. შესაბამისობის შემფასებელ პირს უნდა შეეძლოს, ამ რეგლამენტის III დანართის შესაბამისად, სამშენებლო პროდუქტის თვისებების უცვლელობის შეფასებისა და ვერიფიკაციის პროცესში აკრედიტაციით განსაზღვრული ყველა უფლებამოსილების განხორციელება მიუხედავად იმისა, უშუალოდ ახორციელებს ამ უფლებამოსილებებს თუ სხვა პირის საშუალებით.

6. შესაბამისობის შემფასებელი პირი არის „მეწარმეთა შესახებ“ საქართველოს კანონის შესაბამისად რეგისტრირებული იურიდიული პირი, რომელიც აკმაყოფილებს ამ მუხლის მოთხოვნებს.

7. შესაბამისობის შემფასებელი პირი, მისი ხელმძღვანელობა და შესაბამისობის შეფასების ღონისძიებების განხორციელებაზე პასუხისმგებელი თანამშრომელი, რომელიც თვისებების უცვლელობის შეფასებისა და ვერიფიკაციის პროცესში პასუხისმგებელია მესამე პირის ამოცანების შესრულებაზე, ვალდებულია, არ ჩაერთოს აღნიშნული პროდუქტის დიზაინის, წარმოების ან დამზადების, მარკეტინგის, მონტაჟის, გამოყენების ან/და ამ სამშენებლო პროდუქტების მოვლა-შენახვის პროცესში და არ უნდა წარმოადგენდეს ამ საქმიანობაში ჩართულ მხარეს.

8. შესაბამისობის შემფასებელი პირი და შესაბამისობის შეფასების ღონისძიებების განხორციელებაზე პასუხისმგებელი თანამშრომელი ვალდებულნი არიან, თვისებების უცვლელობის შეფასებისა და ვერიფიკაციის პროცესში მესამე პირის ამოცანები შეასრულონ პროფესიული კეთილსინდისიერების დაცვითა და კონკრეტული სფეროსთვის საჭირო ტექნიკური კომპეტენციით და თავისუფალი იყვნენ ყოველგვარი, მათ შორის, ფინანსური გავლენისგან, რამაც შესაძლოა გავლენა მოახდინოს შეფასებაზე ან/და განხორციელებული შეფასების ან/და ვერიფიკაციის აქტივობების შედეგებზე.

9. ნებისმიერ დროს და თვისებების უცვლელობის შეფასებისა და ვერიფიკაციის თითოეული სისტემისა და სამშენებლო პროდუქციის თითოეული სახეობისთვის ან კატეგორიისთვის, არსებითი მახასიათებლებისა და ამოცანებისთვის, რომელთან დაკავშირებითაც მას მიმართეს, შესაბამისობის შემფასებელი პირი ვალდებულია:

ა) ჰყავდეს თვისებების უცვლელობის შეფასებისა და ვერიფიკაციის პროცესში მესამე პირის ამოცანების შესრულებისთვის საკმარისი და სათანადო გამოცდილების შესაბამისი ტექნიკური ცოდნის მქონე თანამშრომლები;

ბ) აქტივობები განახორციელოს იმდაგვარად, რომ შესაძლებელი იყოს შესაბამისობის შეფასების ფარგლებში განხორციელებული აქტივობების გამიჯვნა სხვა სახის აქტივობებისგან, ასევე გააჩნდეს თვისებების შეფასებისთვის საჭირო პროცედურების იმგვარი აღწერილობა, რაც უზრუნველყოფს ამ პროცედურების გამჭვირვალობასა და განმეორებითობას;

გ) შემუშავებული ჰქონდეს პროცედურები ქმედებების შესასრულებლად, რომლებიც ითვალისწინებენ საწარმოს ზომას, საქმიანობის სფეროს, სტრუქტურას, ტექნოლოგიის სირთულის დონესა და წარმოების პროცესის მასიურ ან სერიულ ხასიათს.

10. შესაბამისობის შემფასებელ პირს უნდა გააჩნდეს მისი აკრედიტაციის ფარგლებში განსახორციელებელი აქტივობებისთვის აუცილებელი ყველა საშუალება, მათ შორის, უნდა უზრუნველყოს წვდომა ყველა საჭირო აღჭურვილობასა და მოწყობილობაზე.

11. შესაბამისობის შემფასებელი ორგანო ვალდებულია უზრუნველყოს, რომ შესაბამისობის შეფასების ღონისძიებების განხორციელებაზე პასუხისმგებელ თანამშრომლებს:

ა) გავლილი ჰქონდეთ ტექნიკური და თეორიული ტრენინგი, რომელიც მოიცავს ყველა იმ შესაბამისობის შეფასების პროცედურას, რომლისთვისაც შესაბამისობის შემფასებელი ორგანო აკრედიტებულია;

ბ) ჰქონდეთ შესაბამისობის შეფასების მოთხოვნების დამაკმაყოფილებელი ცოდნა და სათანადო უფლებამოსილება შეფასების განსახორციელებლად;

გ) ჰქონდეთ აუცილებელი მოთხოვნების, შესაბამისი სტანდარტებისა და კანონმდებლობის შესახებ სათანადო ცოდნა;

დ) შეეძლოთ იმ სერტიფიკატების, ჩანაწერებისა და ანგარიშების მომზადება, რომლებიც ადასტურებენ შეფასებისა და ვერიფიკაციის განხორციელებას.

12. შესაბამისობის შემფასებელი პირი ვალდებულია უზრუნველყოს შესაბამისობის შემფასებელი პირის, მისი ხელმძღვანელობისა და შეფასებაზე პასუხისმგებელი თანამშრომლების მიუკერძოებლობა. შესაბამისობის შემფასებელი პირის ხელმძღვანელობისა და შემფასებელი თანამშრომლების შრომის ანაზღაურება არ უნდა იყოს დამოკიდებული ჩატარებული შეფასებების რაოდენობაზე ან ამ შეფასებების შედეგებზე.

13. შესაბამისობის შემფასებელი პირის თანამშრომლები ვალდებულნი არიან, დაიცვან პროფესიული საიდუმლოება ყველა იმ ინფორმაციასთან მიმართებით, რომელიც მისთვის ცნობილი გახდა შესაბამისობის შეფასების პროცედურების განხორციელებისას. ასევე უზრუნველყოფილი უნდა იყოს ქონებრივი უფლებების დაცვა.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2023 წლის 18 აპრილის დადგენილება №156 – ვებგვერდი, 19.04.2023წ.

მუხლი 21. შესაბამისობის შემფასებელი პირის ქვეკონტრაქტორი და შვილობილი ორგანიზაციები

1. შესაბამისობის შემფასებელი პირი, რომელიც სამშენებლო პროდუქტის თვისებების უცვლელობის შეფასებისა და ვერიფიკაციის პროცესში საკუთარ განსაზღვრულ ფუნქციებს შესასრულებლად გადასცემს ქვეკონტრაქტორ ან შვილობილ ორგანიზაციას, ვალდებულია, უზრუნველყოს, რომ ეს ორგანიზაციები აკმაყოფილებდნენ ამ ტექნიკური რეგლამენტის მე-20 მუხლით გათვალისწინებულ მოთხოვნებს.

2. შესაბამისობის შემფასებელი პირი პასუხისმგებელია მისი ქვეკონტრაქტორისა და შვილობილი ორგანიზაციის მიერ განხორციელებულ ქმედებებზე.

3. ამ მუხლის პირველი პუნქტით განსაზღვრული ფუნქციების გადაცემა ქვეკონტრაქტორი ან შვილობილი ორგანოსთვის შესაძლებელია მხოლოდ დამკვეთის (პროდუქტის მფლობელი) თანხმობის შემთხვევაში.

4. შესაბამისობის შემფასებელი პირი ვალდებულია, აკრედიტაციის ცენტრისათვის წარსადგენად შეინახოს ყველა დოკუმენტაცია, რომელიც მოიცავს ქვეკონტრაქტორებისა და შვილობილი ორგანიზაციების კვალიფიკაციის შეფასებას და რეგლამენტის III დანართით გათვალისწინებული ფუნქციების განხორციელებას.

მუხლი 22. შესაბამისობის შემფასებელი პირის მიერ დამოუკიდებელი ლაბორატორიების გამოყენება

1. მწარმოებლის მოთხოვნის საფუძველზე და იმ შემთხვევებში, თუ აღნიშნული გამართლებულია ტექნიკური, ეკონომიკური და ეფექტურობის თვალსაზრისით, შესაბამისობის შემფასებელი პირი უფლებამოსილია რეგლამენტის III დანართში მითითებული სამშენებლო პროდუქტის თვისებების უცვლელობის შეფასებისა და ვერიფიკაციის 1+,1 და 3 სისტემისთვის დადგენილი გამოცდები განახორციელოს ან საკუთარი ზედამხედველობის ქვეშ, უზრუნველყოს მათი განხორციელება საწარმოში, მწარმოებლის შიდა ლაბორატორიის საგამოცდო მოწყობილობების გამოყენებით ან მწარმოებლის წინასწარი თანხმობით, დამოუკიდებელ გარე ლაბორატორიაში, ამავე ლაბორატორიის საგამოცდო მოწყობილობების გამოყენებით.

2. (ამოღებულია - 14.11.2018, №541).

3. ზემოაღნიშნული გამოცდების ჩატარებამდე, შესაბამისობის შემფასებელი პირი ვალდებულია, დარწმუნდეს, რომ:

ა) დამოუკიდებელი ლაბორატორია აკმაყოფილებს საგამოცდო მეთოდებისთვის დადგენილ მოთხოვნებს;

ბ) საგამოცდო მოწყობილობას აქვს შესაბამისი კალიბრაციის სისტემა და გაზომვების მიკვლევადობა გარანტირებულია;

გ) უზრუნველყოფილია გამოცდის შედეგების ხარისხი.

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

მუხლი 23. შესაბამისობის შემფასებელი პირების საქმიანობასთან დაკავშირებული ვალდებულებები

1. შესაბამისობის შემფასებელმა პირებმა უნდა განახორციელონ შესაბამისობის შეფასება რეგლამენტის III დანართით განსაზღვრული სამშენებლო პროდუქტის თვისებების უცვლელობის შეფასების და ვერიფიკაციის სისტემის შესაბამისად.

2. სამშენებლო პროდუქტის თვისებების უცვლელობის შეფასება და ვერიფიკაცია უნდა განხორციელდეს მწარმოებლისთვის გამჭვირვალედ, პროპორციულად და ეკონომიკური ოპერატორებისათვის არასასურველი ბარიერების შექმნის გარეშე. შესაბამისობის შემფასებელი პირები ვალდებულნი არიან განახორციელონ თავიანთი საქმიანობა დაგეგმილი სამუშაოების მოცულობის, საქმიანობის სფეროს, პროდუქტის ტექნოლოგიის სირთულის ხარისხისა და წარმოების პროცესის მოცულობის ან წარმოების სერიულობის გათვალისწინებით. ზემოაღნიშნული პროცესებისას შესაბამისობის შემფასებელი პირი ვალდებულია, გაითვალისწინოს ამ რეგლამენტით პროდუქტისთვის დადგენილი მოთხოვნების დაკმაყოფილების სირთულე და პროდუქტის როლი სამშენებლო ობიექტებისათვის დადგენილი მოთხოვნების შესრულებაში.

3. იმ შემთხვევაში, თუ შესაბამისობის შემფასებელი პირი საწარმოს და პროდუქტის წარმოების პროცესის თავდაპირველი ინსპექტირებისას აღმოაჩენს, რომ მწარმოებელს არ აქვს უზრუნველყოფილი წარმოებული პროდუქტის თვისებების უცვლელობა, იგი ვალდებულია, არ გასცეს სერტიფიკატი და მწარმოებელს მოსთხოვოს შესაბამისი მაკორექტირებელი ზომების გატარება. იმ შემთხვევაში, თუ შესაბამისობის შემფასებელი პირი, წარმოებული პროდუქტის თვისებების უცვლელობის ვერიფიკაციის მიზნით განხორციელებული მონიტორინგის პროცესში, დაადგენს, რომ სამშენებლო პროდუქტის თვისებები აღარ შეესაბამება დამტკიცებული პროდუქტის ტიპის თვისებებს, ვალდებულია, მწარმოებელს მოსთხოვოს შესაბამისი მაკორექტირებელი ზომების გატარება და აუცილებლობის შემთხვევაში გააუქმოს გაცემული სერტიფიკატი ან შეაჩეროს მისი მოქმედება.

4. იმ შემთხვევაში, თუ მაკორექტირებელი ზომები არ არის განხორციელებული ან გატარებულ ღონისძიებებს არ აქვთ შესაბამისი ეფექტი, შესაბამისობის შემფასებელი პირი ვალდებულია, შესაბამის შემთხვევებში შეზღუდოს, შეაჩეროს ან გააუქმოს ნებისმიერი გაცემული სერტიფიკატი.

მუხლი 24. შესაბამისობის შემფასებელი პირების მიერ ინფორმაციის გავრცელებასთან დაკავშირებული ვალდებულებები

1. შესაბამისობის შემფასებელი პირი ვალდებულია, აკრედიტაციის ცენტრს მიაწოდოს ინფორმაცია:

ა) სერტიფიკატებზე უარის თქმის, შეზღუდვის, შეჩერების ან გაუქმების შესახებ;

ბ) ნებისმიერი გარემოების შესახებ, რომელიც გავლენას ახდენს აკრედიტაციის მასშტაბებსა და პირობებზე;

გ) მოთხოვნის შემთხვევაში, შესაბამისობის შეფასების სფეროს ფარგლებში განხორციელებული ნებისმიერი საქმიანობის შესახებ, ქვეკონტრაქტორის საქმიანობასა და ტრანსასაზღვრო საქმიანობასთან დაკავშირებული მონაცემების ჩათვლით.

2. (ამოღებულია - 14.11.2018, №541).

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

თავი VII

ბაზარზე ზედამხედველობა და უსაფრთხოების ღონისძიებები

მუხლი 25. რისკის შემცველი სამშენებლო პროდუქტების მიმართ გასატარებელი ღონისძიებები

1. იმ შემთხვევაში, როდესაც ბაზარზე ზედამხედველობის ორგანოს აქვს ინფორმაცია, რომ პროდუქტი შესაძლოა არ შეესაბამებოდეს ამ ტექნიკური რეგლამენტით გათვალისწინებულ მოთხოვნებს ან/და შეიცავდეს დადასტურებულ საფრთხეს, ბაზარზე ზედამხედველობის ორგანო ვალდებულია, განახორციელოს სამშენებლო პროდუქტების ბაზარზე ზედამხედველობა. შესაბამისი ეკონომიკური ოპერატორი ვალდებულია, ითანამშრომლოს ბაზარზე ზედამხედველობის ორგანოსთან.

2. იმ შემთხვევაში, თუ ბაზარზე ზედამხედველობის ორგანო ზედამხედველობის განხორციელების პროცესში დაადგენს, რომ სამშენებლო პროდუქტი არ აკმაყოფილებს ამ რეგლამენტით განსაზღვრულ მოთხოვნებს, იგი ვალდებულია, განახორციელოს პროდუქტის უსაფრთხოებისა და თავისუფალი მიმოქცევის კოდექსით გათვალისწინებული ღონისძიებები.

მუხლი 26. დოკუმენტური შეუსაბამობები

1. გარდა 25-ე მუხლით განსაზღვრული შემთხვევებისა, ბაზარზე ზედამხედველობის ორგანო ვალდებულია, შესაბამის ეკონომიკურ ოპერატორს მოსთხოვოს შეუსაბამობების გამოსწორება, ქვემოთ მოცემული ერთ-ერთი დარღვევის აღმოჩენის შემთხვევაში:

ა) ამ ტექნიკური რეგლამენტის მე-9 მუხლით გათვალისწინებული ინფორმაცია არ იქნა დატანილი ან დატანილ იქნა ამ ტექნიკური რეგლამენტის მე-9 მუხლის დარღვევით;

ბ) სამშენებლო პროდუქტის თვისებების დეკლარაცია არ იქნა შედგენილი მე-4 − მე-7 მუხლების შესაბამისად;

გ) ტექნიკური დოკუმენტაცია არ არის ხელმისაწვდომი ან არასრულყოფილია.

2. თუ ამ მუხლის პირველ პუნქტში მითითებული შეუსაბამობა არ იქნა აღმოფხვრილი, ბაზარზე ზედამხედველობის ორგანო ვალდებულია, გაატაროს საქართველოს კანონმდებლობით გათვალისწინებული ყველა შესაბამისი ზომა.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

დანართი I (ამოღებულია)

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

დანართი II

საქართველოს მთავრობის 2019 წლის 19 ივნისის დადგენილება №292 - ვებგვერდი, 21.06.2019წ.

საქართველოს მთავრობის 2023 წლის 18 აპრილის დადგენილება №156 – ვებგვერდი, 19.04.2023წ.

ა) სამშენებლო პროდუქტის თვისებების დეკლარაციის მოდელი:

„სამშენებლო პროდუქტის თვისებების დეკლარაცია

№ ...............................................................

1. პროდუქტის ტიპის უნიკალური საიდენტიფიკაციო კოდი:

..........................................................................................................................................................................

2. სამშენებლო პროდუქტის გამოყენების დანიშნულება:

..........................................................................................................................................................................

3. ინფორმაცია მწარმოებლის შესახებ:

..........................................................................................................................................................................

4. საჭიროების შემთხვევაში, ინფორმაცია ავტორიზებული წარმომადგენლის შესახებ:

..........................................................................................................................................................................

5. სამშენებლო პროდუქტის თვისებების უცვლელობის შეფასებისა და ვერიფიკაციის სისტემა

ან სისტემები:

..........................................................................................................................................................................

6. ტექნიკური რეგლამენტით გათვალისწინებული სტანდარტი:

..........................................................................................................................................................................

7. ინფორმაცია შესაბამისობის შემფასებელი პირის შესახებ:

..........................................................................................................................................................................

8. დეკლარირებული თვისებები:

..........................................................................................................................................................................

9. შესაბამისი ან/და სპეციალური ტექნიკური დოკუმენტაცია და მოთხოვნები, რომლებსაც პროდუქტი შეესაბამება, იმ შემთხვევაში, თუ „სამშენებლო პროდუქტების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2018 წლის 1 ოქტომბრის №476 დადგენილებით დამტკიცებული ტექნიკური რეგლამენტის მე-16 და მე-17 მუხლებით გათვალისწინებული დოკუმენტაცია იქნა გამოყენებული:

..........................................................................................................................................................................

დეკლარაციაში მითითებული პროდუქტი შესაბამისობაშია დეკლარირებულ თვისებებთან. ეს დეკლარაცია შედგენილია „სამშენებლო პროდუქტების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2018 წლის 1 ოქტომბრის №476 დადგენილების მიხედვით, დეკლარაციაში მითითებული მწარმოებლის პასუხისმგებლობის ქვეშ.

ხელმოწერილია მწარმოებლისთვის და მისი სახელით:

.........................................................................................................................................

(სახელი)

..................................................................

(გაცემის ადგილი და თარიღი)

....................................................

(ხელმოწერა)

ბ) სამშენებლო პროდუქტის თვისებების დეკლარაციის შედგენის ინსტრუქცია:

#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#assignedTableId-1711028055193 {width:525.0pt;mso-cellspacing:0in;mso-yfti-tbllook:1184;mso-padding-alt:0in 0in 0in 0in margin: 0 auto !important; }სამშენებლო პროდუქტის თვისებების დეკლარაციის მოდელის პუნქტები

ინსტრუქცია

№ − თვისებების დეკლარაციის საიდენტიფიკაციო ნომერი

ეს არის სამშენებლო პროდუქტის თვისებების დეკლარაციის საიდენტიფიკაციო ნომერი, რომელიც გათვალისწინებულია ამ ტექნიკური რეგლამენტის მე-9 მუხლის მე-3 პუნქტით.

მწარმოებელი თავისუფალია, აარჩიოს თვისებების დეკლარაციის საიდენტიფიკაციო ნომერი, აღნიშნული ნომერი შესაძლოა იყოს იგივე, რაც სამშენებლო პროდუქტის თვისებების დეკლარაციის პირველ პუნქტში მითითებული პროდუქტის ტიპის უნიკალური საიდენტიფიკაციო კოდი.

პირველი პუნქტი

უნდა მიეთითოს პროდუქტის ტიპის უნიკალური საიდენტიფიკაციო კოდი, რომელიც გათვალისწინებულია ამ ტექნიკური რეგლამენტის მე-6 მუხლის მე-2 პუნქტის „ა“ ქვეპუნქტით.

მწარმოებლის მიერ განსაზღვრული უნიკალური საიდენტიფიკაციო კოდი აღნიშნავს პროდუქტის ტიპს და, შესაბამისად, სამშენებლო პროდუქტის დონის ან კლასის განსაზღვრას, რომლებიც მითითებულია სამშენებლო პროდუქტისათვის შედგენილ თვისებების დეკლარაციაში. სამშენებლო პროდუქტების მიმღებებისათვის, განსაკუთრებით კი − მათი საბოლოო მომხმარებლისთვის, აუცილებელია, რომ შეძლონ მოცემული ნებისმიერი პროდუქტისათვის თვისებების დონისა და კლასის ცალსახად იდენტიფიცირება. ყველა სამშენებლო პროდუქტი, რომლისთვისაც შედგენილია თვისებების დეკლარაცია, მწარმოებლის მიერ უნიკალური საიდენტიფიკაციო კოდის საშუალებით უნდა იყოს დაკავშირებული პროდუქტის შესაბამის ტიპთან და მოცემულ თვისებების დონესა და კლასებთან.

მე-2 პუნქტი

უნდა მიეთითოს სამშენებლო პროდუქტის გამოყენების დანიშნულება ან ამგვარი დანიშნულების ჩამონათვალი, რომელიც განსაზღვრულია მწარმოებლის მიერ შესაბამისი ტექნიკური სპეციფიკაციების მიხედვით.

მე-3 პუნქტი

უნდა მიეთითოს მწარმოებლის დასახელება, რეგისტრირებული სავაჭრო სახელი ან რეგისტრირებული სავაჭრო ნიშანი, საკონტაქტო მისამართი ამ ტექნიკური რეგლამენტის მე-10 მუხლის მე-5 პუნქტის შესაბამისად.

მე-4 პუნქტი

ეს პუნქტი უნდა შეივსოს მხოლოდ იმ შემთხვევაში, თუ არსებობს ავტორიზებული წარმომადგენელი ამ ტექნიკური რეგლამენტის მე-11 მუხლის შესაბამისად. ასეთ შემთხვევაში უნდა მიეთითოს ავტორიზებული წარმომადგენლის სახელი და საკონტაქტო მისამართი.

მე-5 პუნქტი

უნდა მიეთითოს ამ ტექნიკური რეგლამენტის III დანართის შესაბამისი სამშენებლო პროდუქტის თვისებების უცვლელობის ვერიფიკაციისა და შეფასების სისტემის ნომერი, თუ გამოყენებულია რამდენიმე სისტემა, თითოეული მათგანი უნდა მიეთითოს.

მე-6 პუნქტი

როდესაც სამშენებლო პროდუქტის თვისებების დეკლარაცია ეფუძნება ტექნიკური რეგლამენტით გათვალისწინებულ სტანდარტს, უნდა მიეთითოს ამ ტექნიკური რეგლამენტით გათვალისწინებული სტანდარტის ნომერი და მიღების თარიღი.

მე-7 პუნქტი

შესაბამის შემთხვევაში უნდა მიეთითოს ინფორმაცია შესაბამისობის შემფასებელი პირის შესახებ (სახელი და უნიკალური საიდენტიფიკაციო კოდი).

მე-8 პუნქტი

ამ პუნქტის შემთხვევაში, თვისებების დეკლარაციაში მითითებული უნდა იყოს:

1. ძირითადი მახასიათებლების სია, რომელიც განსაზღვრულია შესაბამის ტექნიკურ სპეციფიკაციებში მითითებული დანიშნულებით გამოყენებისას.

2. თითოეული მახასიათებლისათვის დეკლარირებული თვისებები, კლასებისა და დონეების მიხედვით ან აღწერილობით, იმ მახასიათებლებთან მიმართებით, რომლის შემთხვევაშიც თვისებები არ არის დეკლარირებული, უნდა იყოს მითითებული − „თვისებები არ არის დეკლარირებული“. ეს პუნქტი შესაძლოა, შეივსოს ცხრილის სახით, რომელიც აჩვენებს კავშირს ტექნიკურ სპეციფიკაციებსა და თითოეულ ძირითად მახასიათებელთან მიმართებით გამოყენებული პროდუქტის თვისებების უცვლელობისა და ვერიფიკაციის სისტემებს შორის, ასევე სამშენებლო პროდუქტების თვისებებს თითოეულ ძირითად მახასიათებელთან მიმართებით.

თვისებები უნდა იქნეს დეკლარირებული ნათელი და გასაგები ფორმით. თვისებები არ შეიძლება აღწერილი იყოს თვისებების დეკლარაციაში მხოლოდ გამოსაყენებელი გაანგარიშების ფორმულის სახით.

სამშენებლო პროდუქტების თვისებების დონეები და კლასები გადმოტანილი უნდა იყოს უშუალოდ თვისებების დეკლარაციაში და არ შეიძლება გამოხატული იყოს მხოლოდ დეკლარაციაში იმ დოკუმენტებზე მითითებებით, რომლებშიც სამშენებლო პროდუქტების თვისებების დონეები და კლასებია მოცემული.

პროდუქტის სტრუქტურული თვისება შეიძლება გამოიხატოს შესაბამის საწარმოო დოკუმენტაციაში ან სტრუქტურული დიზაინის/პროექტის გაანგარიშებებში, ასეთ შემთხვევაში, შესაბამისი დოკუმენტები თან უნდა დაერთოს თვისებების დეკლარაციას.

მე-9 პუნქტი

ეს პუნქტი უნდა შეივსოს მხოლოდ იმ შემთხვევაში, თუ შესაბამისი ტექნიკური დოკუმენტაცია ან/და სპეციალური ტექნიკური დოკუმენტაცია იქნა გამოყენებული, ტექნიკური რეგლამენტის მე-16 და მე-17 მუხლების შესაბამისად, რათა მოხდეს იდენტიფიცირება/ მითითება მოთხოვნებზე, რომლებსაც პროდუქტი აკმაყოფილებს.

ამ შემთხვევაში, სამშენებლო პროდუქტის თვისებების დეკლარაციის ამ პუნქტში მითითებული უნდა იყოს:

ა) გამოყენებული შესაბამისი ან/და სპეციალური ტექნიკური დოკუმენტაციის საიდენტიფიკაციო ნომერი; და

ბ) მოთხოვნები, რომლებსაც პროდუქტი აკმაყოფილებს.

ხელმოწერა

ცარიელი ადგილი უნდა შეივსოს ფრჩხილებში მითითებული ინფორმაციით და ხელმოწერით.

დანართი III

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

სამშენებლო პროდუქტის თვისებების უცვლელობის შეფასება და ვერიფიკაცია

1. სამშენებლო პროდუქტის თვისებების უცვლელობის შეფასების და ვერიფიკაციის სისტემები

1.1. სისტემა (1+) – მწარმოებლის მიერ სამშენებლო პროდუქტის ძირითადი მახასიათებლების თვისებების დეკლარირება ქვემოთ ჩამოთვლილ საფუძველზე:

ა) მწარმოებელი ვალდებულია, განახორციელოს:

1. პროდუქტის საწარმოო კონტროლი;

2. საწარმოდან აღებული ნიმუშების დამატებითი გამოცდა დადგენილი გამოცდის გეგმის შესაბამისად.

ბ) შესაბამისობის შემფასებელი პირის მიერ გაცემული სამშენებლო პროდუქტის თვისებების უცვლელობის შეფასებისა და ვერიფიკაციის სერტიფიკატი უნდა ეფუძნებოდეს:

1. პროდუქტის ტიპის განსაზღვრას ტიპის გამოცდის (მათ შორის ნიმუშის აღება), ტიპთან დაკავშირებული გაანგარიშების, წინასწარგანსაზღვრული მაჩვენებლის (ტაბულირებული ღირებულებები) ან პროდუქტის აღწერილობით დოკუმენტაციას;

2. საწარმოს და პროდუქტის საწარმოო კონტროლის პირველად ინსპექტირებას;

3. მუდმივ ზედამხედველობას, პროდუქტის საწარმოო კონტროლის შეფასებასა და ვერიფიკაციას;

4. პროდუქტის ბაზარზე განთავსებამდე აღებული ნიმუშების აუდიტორულ შემოწმებას.

1.2. სისტემა (1) – მწარმოებლის მიერ სამშენებლო პროდუქტის ძირითადი მახასიათებლების თვისებების დეკლარირება ქვემოთ ჩამოთვლილ საფუძველზე:

ა) მწარმოებელი ვალდებულია, განახორციელოს:

1) პროდუქტის საწარმოო კონტროლი;

2) მწარმოებლის მიერ საწარმოდან აღებული ნიმუშების დამატებითი გამოცდა, დადგენილი გამოცდის გეგმის შესაბამისად.

ბ) შესაბამისობის შემფასებელი პირის მიერ გაცემული თვისებების უცვლელობის შეფასებისა და ვერიფიკაციის სერტიფიკატი უნდა ეფუძნებოდეს:

1) პროდუქტის ტიპის განსაზღვრას ტიპის გამოცდის (მათ შორის ნიმუშის აღება), ტიპთან დაკავშირებული გაანგარიშების, წინასწარგანსაზღვრული მაჩვენებლის (ტაბულირებული ღირებულებები) ან პროდუქტის აღწერილობით დოკუმენტაციას;

2) საწარმოს და პროდუქტის საწარმოო კონტროლის პირველად ინსპექტირებას;

3) მუდმივ ზედამხედველობას, პროდუქტის საწარმოო კონტროლის შეფასებასა და ვერიფიკაციას;

1.3. სისტემა 2+ – მწარმოებლის მიერ სამშენებლო პროდუქტის ძირითადი მახასიათებლების თვისებების დეკლარირება ქვემოთ ჩამოთვლილ საფუძველზე:

ა) მწარმოებელი ვალდებულია, განახორციელოს:

1) პროდუქტის ტიპის განსაზღვრა ტიპის გამოცდის (მათ შორის ნიმუშის აღება), ტიპთან დაკავშირებული გაანგარიშების, წინასწარგანსაზღვრული მაჩვენებლის (ტაბულირებული ღირებულებები) ან პროდუქტის აღწერილობითი დოკუმენტაციის საფუძველზე;

2) პროდუქტის საწარმოო კონტროლი;

3) საწარმოდან აღებული ნიმუშების გამოცდა დადგენილი გამოცდის გეგმის შესაბამისად.

1) საწარმოს და პროდუქტის საწარმოო კონტროლის პირველად ინსპექტირებას;

2) მუდმივ ზედამხედველობას, პროდუქტის საწარმოო კონტროლის შეფასებასა და ვერიფიკაციას;

1.4. სისტემა 3 – მწარმოებლის მიერ სამშენებლო პროდუქტის ძირითადი მახასიათებლების თვისებების დეკლარირება შემდეგ ქვემოთ ჩამოთვლილ საფუძველზე:

ა) მწარმოებელი ვალდებულია, განახორციელოს პროდუქტის საწარმოო კონტროლი;

ბ) აკრედიტებული საგამოცდო ლაბორატორია ვალდებულია, განახორციელოს პროდუქტის ტიპის განსაზღვრა ტიპის გამოცდის (მწარმოებლის მიერ აღებული ნიმუშების საფუძველზე), ტიპთან დაკავშირებული გაანგარიშების, წინასწარგანსაზღვრული მაჩვენებლის (ტაბულირებული ღირებულებები) ან პროდუქტის აღწერილობითი დოკუმენტაციის საფუძველზე;

1.5. სისტემა (4) – მწარმოებლის მიერ სამშენებლო პროდუქტის ძირითადი მახასიათებლების თვისებების დეკლარირება, რომელიც უნდა ეფუძნებოდეს მწარმოებლის მიერ:

1) პროდუქტის ტიპის განსაზღვრას ტიპის გამოცდის, ტიპთან დაკავშირებული გაანგარიშების, წინასწარგანსაზღვრულ მაჩვენებლის (ტაბულირებული ღირებულებები) ან პროდუქტის აღწერილობით დოკუმენტაციას;

2) პროდუქტის საწარმოო კონტროლს;

2. პროდუქტის თვისებების უცვლელობის შეფასებისა და ვერიფიკაციის პროცესში ჩართული პირები.

სამშენებლო პროდუქტების თვისებების უცვლელობის შეფასებისა და ვერიფიკაციის პროცესში ჩართული პირების ფუნქციების გათვალისწინებით უნდა გაიმიჯნოს:

1) პროდუქტის სერტიფიცირების ორგანო: შესაბამისობის შემფასებელი პირი, რომელსაც გააჩნია შესაბამისი კომპეტენცია განახორციელოს პროდუქტის სერტიფიცირება დადგენილი მოთხოვნებისა და პროცედურების შესაბამისად;

2) პროდუქტის საწარმოო კონტროლის სერტიფიცირების ორგანო: შესაბამისობის შემფასებელი პირი, რომელსაც გააჩნია შესაბამისი კომპეტენცია განახორციელოს პროდუქტის საწარმოო კონტროლის სერტიფიცირება დადგენილი მოთხოვნებისა და პროცედურების შესაბამისად;

3) საგამოცდო ლაბორატორია: აკრედიტებული ლაბორატორია, რომელიც ახორციელებს სამშენებლო პროდუქტის ან მასალების ძირითადი მახასიათებლების ან თვისებების გაზომვას, გამოცდას, დაკალიბრებას ან სხვაგვარად განსაზღვრას.

3. ძირითადი მახასიათებლები, რომელთათვისაც შესაბამის ტექნიკურ სპეციფიკაციაზე მითითება არ არის სავალდებულო:

ა) ხანძარზე რეაგირება;

ბ) ცეცხლმედეგობა;

გ) ზედაპირის ცეცხლმედეგობა;

დ) ხმაურის დახშობა;

ე) საშიში ნივთიერებების ემისია.

დანართი IV

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2019 წლის 19 ივნისის დადგენილება №292 - ვებგვერდი, 21.06.2019წ.

არმატურის შესაბამისობის მოთხოვნები

1. მწარმოებელი ვალდებულია:

ა) ბაზარზე განათავსოს მხოლოდ ისეთი არმატურა, რომელიც ვარგისია მხოლოდ განსაზღვრული ტიპის დანიშნულებით გამოყენებისთვის, აკმაყოფილებს საქართველოს სტანდარტად მიღებულ საერთაშორისო სტანდარტს, ევროპულ სტანდარტს, ევროკავშირის წევრი რომელიმე ქვეყნის სტანდარტს ან/და 50-ე დადგენილების დანართით გათვალისწინებული ქვეყნების მინიმუმ ერთ სტანდარტს და აკმაყოფილებს ამ ტექნიკური რეგლამენტის IV დანართით განსაზღვრულ მინიმალურ მოთხოვნებს;

ბ) არმატურის თითოეულ პარტიას დაურთოს შემდეგი:

ბ.ა) შემოწმების სერტიფიკატი №3.1 „ლითონის პროდუქტები. შემოწმების დოკუმენტების ტიპების შესახებ“ სსტ ენ 10204:2004 სტანდარტის შესაბამისად;

ბ.ბ) შესაბამისობის შემფასებელი ორგანოს მიერ IV დანართის პირველი პუნქტის „ა“ ქვეპუნქტში მითითებული სტანდარტებიდან ერთ-ერთის შესაბამისად გაცემული შესაბამისობის შეფასების სერტიფიკატი, რომელიც ადასტურებს პროდუქტისა და პროდუქტის საწარმოო კონტროლის შესაბამისობას დადგენილ მოთხოვნებთან.

2. მწარმოებელი უფლებამოსილია, უზრუნველყოს არმატურაზე ტიპის, პარტიის ან სერიის ნომრის ან ნებისმიერი სხვა საიდენტიფიკაციო ელემენტის დატანა ან იმ შემთხვევაში, თუ აღნიშნული შეუძლებელია, უზრუნველყოს სათანადო ინფორმაციის მითითება შეფუთვაზე ან თანმხლებ დოკუმენტში.

3. იმპორტიორი, მწარმოებლის უფლებამოსილი წარმომადგენელი და დისტრიბუტორი ვალდებულები არიან, საქართველოს ბაზარზე განათავსონ მხოლოდ ისეთი არმატურა, რომელიც აკმაყოფილებს ამ რეგლამენტის დანართ IV-ით განსაზღვრულ მოთხოვნებს და დაურთონ დანართ IV-ის პირველი პუნქტის „ბ“ ქვეპუნქტით გათვალისწინებული დოკუმენტები.

არმატურისთვის დადგენილი მინიმალური მოთხოვნები

1. ზოგადი მოთხოვნები

არმატურას, რომლის დანიშნულების მიხედვით გამოყენება განსაზღვრულია სსტ ენ 1992 სერიის სტანდარტით, აქვს შემდეგი ტექნიკური გრადაციები, კატეგორიები: B400B, B500A, B500B, B500C, B550B.

2. შედუღებადობა და ქიმიური შემადგენლობა

2.1. შედუღებადი არმატურის ყველა ტექნიკური კატეგორიისათვის დადგენილია შედუღებადობის შემდეგი სპეციფიკაციები:

ა) ნახშირბადის ეკვივალენტი;

ბ) გარკვეული ქიმიური ელემენტების შემცველობა.

2.2. გარკვეული ქიმიური ელემენტების შემცველობისა და ნახშირბადის ეკვივალენტის მაქსიმალური მნიშვნელობები არ უნდა აღემატებოდეს ცხრილ 1-ში მითითებულ ზედა ზღვრების მნიშვნელობებს.

2.3. ნახშირბადის ეკვივალენტის მაჩვენებელი Ceq უნდა იქნეს გამოთვლილი შემდეგი ფორმულის გამოყენებით:

Ceq = C + Mn / 6 + (Cr + Mo + V) / 5 + (Ni + Cu) / 15,სადაც ქიმიური ელემენტების სიმბოლოები აღნიშნავს მათ შემცველობას, რომელიც გამოხატულია, როგორც მასის პროცენტი.

ქიმიური შემადგენლობა

ცხრილი 1

#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#assignedTableId-1683551322647 {width:495.0pt;mso-cellspacing:0cm;mso-yfti-tbllook:1184;mso-padding-alt:0cm 0cm 0cm 0cm margin: 0 auto !important; }№

გამოცდის ობიექტი

ქიმიური ელემენტების შემცველობა და ნახშირბადის ეკვივალენტის ზედა ზღვრის მნიშვნელობა, მასის %

N**

Ceq*

შენადნობის ანალიზი

0,220

0,050

0,012

0,800

0,500

პროდუქტის ანალიზი

0,240

0,055

0,014

0,850

0,520.

შენიშნვნა:

* შესაძლებელია ნახშირბადის შემცველობის მაჩვენებლის ზედა ზღვრის მნიშვნელობის გაზრდა 0,03%-ით (მასის), თუ ნახშირბადის ეკვივალენტის ზედა ზღვრის მნიშვნელობა შემცირდება 0,02%-ით (მასის).

**აზოტის შემცველობის ზღვრების უფრო მაღალი მნიშვნელობები დაშვებულია, თუ აზოტთან რეაგენტების რაოდენობა საკმარისად გაზრდილია.

3. მექანიკური თვისებები

3.1. ჭიმვადობის თვისებები

3.1.1. არმატურის ჭიმვადობის თვისებებისადმი მოთხოვნები (Re, Rm/Re, Agt და Re, act./Re, nom.) მოცემულია მე-2 ცხრილში.

3.1.2. დენადობის ზედა ზღვარი (ReH) უნდა იქნეს გამოყენებული დენადობის ზღვრის (Re) შემთხვევაში. თუ დენადობის ფაქტორი არ იქნა აღმოჩენილი/გამოვლენილი, პირობითი დენადობის ზღვარი უნდა დადგინდეს 0,2% (Rp 0.2).

ჭიმვადობის თვისებების მახასიათებლის მნიშვნელობები ტექნიკური კლასის მიხედვით

ცხრილი 2

#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#assignedTableId-1683551399131 {width:495.0pt;mso-cellspacing:0cm;mso-yfti-tbllook:1184;mso-padding-alt:0cm 0cm 0cm 0cm margin: 0 auto !important; }№

ტექნიკური კლასი

დენადობა კრიტიკული ზღვარი

Re (N/mm2)

სიმტკიცისა და დენადობის კრიტიკული ზღვრების თანაფარდობა

Rm/Re (-)

ფაქტობრივი დენადობისა და ნომინალური დენადობის კრიტიკული ზღვრის თანაფარდობა

Re,act./Re, nom.(-)

ფარდობითი გაფართოება მაქსიმალურ დატვირთვაზე

Agt (%)

B400B

400

≥ 1.08*

≤ 1.30

≥ 5.0**

B500A

500

≥ 1.05*

≤ 1.30

≥ 2.5**

B500B

500

≥ 1.08

≤ 1.30

≥ 5.0

B500C

500

≥ 1.15

< 1.35

≤ 1.30

≥ 7.5

B550B

550

≥ 1.08

≤ 1.30

≥ 5.0.

შენიშვნა:

* 8 მმ-ზე ნაკლები ნომინალური დიამეტრის პროდუქტებისთვის Rm/Re 8 მახასიათებლის მნიშვნელობა შეიძლება შემცირდეს 1.02-მდე (ჩათვლით).

** 8 მმ-ზე ნაკლები ნომინალური დიამეტრის მქონე პროდუქტებისთვის Agt მახასიათებელის მნიშვნელობა შეიძლება შემცირდეს 1%-მდე (ჩათვლით).

3.2. გამოსადეგობა ღუნვისთვის

3.2.1. არმატურის ყველა ტექნიკური კატეგორია გამოსადეგი უნდა იყოს ღუნვისთვის.

3.2.2. ღუნვისთვის გამოსადეგობა უნდა დადასტურდეს სსტ ენ 10080:2005 სტანდარტის შესაბამისად − „ბეტონის არმირებისთვის განკუთვნილი ფოლადი. შედუღებადი არმატურა. ზოგადი“ და სსტ ენ ისო 15630-1:2010 სტანდარტის შესაბამისად − „ფოლადი ბეტონის არმირებისა და წინასწარ დაჭიმვისთვის. გამოცდის მეთოდები. ნაწილი 1: არმატურის ღეროები, გლინულა და მავთული“.

4. ერთი მეტრის წონა და ცდომილებები

4.1. ერთი მეტრის წონის ნომინალური მნიშვნელობა უნდა გამოითვალოს განივი კვეთის ფართობის ნომინალის გათვალისწინებითა და 7.85 x 10-6 kg/mm3 სიმკვრივის მნიშვნელობის გამოყენებით.

4.2. ერთი მეტრის ნომინალური წონიდან დასაშვები გადახრები არ უნდა აღემატებოდეს ± 4.5%-ს.

5. არმატურის ზედაპირის პროფილი

5.1. არმატურისათვის, რომელიც გამოიყენება სსტ ენ 1992 სერიის სტანდარტის შესაბამისად, უზრუნველყოფილი უნდა იყოს ზედაპირის ამოზნექილი ან ჩაზნექილი პროფილირება (დაკბილვა). ზედაპირის ამოზნექილი ან ჩაზნექილი პროფილირება უნდა აკმაყოფილებდეს სსტ ენ 10080:2005 სტანდარტით დადგენილ მოთხოვნებს „ფოლადი ბეტონის არმირებისათვის. შედუღებადი არმატურა. ზოგადი.“ დამატებითი მოთხოვნები ზედაპირის ამოზნექილი პროფილირების ფარდობითი ამოზნექილი ნაწილის ფართისადმი მოცემულია მე-3 ცხრილში.

ფარდობითი ამოზნექილი ნაწილის მინიმალური ფართობი

ცხრილი 3

#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#assignedTableId-1683551428789 {width:495.0pt;mso-cellspacing:0cm;mso-yfti-tbllook:1184;mso-padding-alt:0cm 0cm 0cm 0cm margin: 0 auto !important; }ფარდობითი ამოზნექილი ნაწილის მინიმალური ფართობი

fR(-)

d ≤6 mm

6 mm< d ≤ 12 mm

12mm < d

0.035

0.040

0.056.

6. გამოყენებული სიმბოლოების შედარება სსტ ენ 1992 სერიის სტანდარტთან

#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#assignedTableId-1683551447978 {width:495.0pt;mso-cellspacing:0cm;mso-yfti-tbllook:1184;mso-padding-alt:0cm 0cm 0cm 0cm margin: 0 auto !important; }№

გამოყენებული სიმბოლო

სსტ ენ 1992

სიმბოლო

აღწერილობა

სიმბოლო

Agt

ფარდობითი გაფართოება მაქსიმალურ დატვირთვაზე

Fyk

დენადობა (ნაკადი) კრიტიკული ზღვარი (დენადობის/ნაკადის ზღვარი)

Εuk

სიმტკიცის კრიტიკული ზღვარი (კრიტიკული სიმტკიცე)

Rm/Re

სიმტკიცისა და დენადობის (ნაკადის) კრიტიკული ზღვრების ფარდობა

ft/fy

Rp0.2

0,2% პირობითი დენადობის (ნაკადის) ზღვარი

f0.2k

ნომინალური დიამეტრი

ფარდობითი დაკბილვის ნაწილის ფართობი

დანართი V

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

პლასტმასის მილისთვის დადგენილი ზოგადი მოთხოვნები

1. ეკონომიკური ოპერატორის ვალდებულებები

1.1. პლასტმასის მილის მწარმოებელი ვალდებულია:

1.1.1. უზრუნველყოს პლასტმასის მილებზე ტიპის, პარტიის ან სერიის ნომერის ან სხვა ნებისმიერი ნიშნის დატანა, რომელიც პროდუქტის იდენტიფიცირების საშუალებას იძლევა. იმ შემთხვევებში, თუ აღნიშნული ვერ ხერხდება სამშენებლო პროდუქტის ზომის, ფორმის ან სხვა ფიზიკური მახასიათებლის გამო, უზრუნველყოს ინფორმაციის დატანა სამშენებლო პროდუქტის შეფუთვაზე, ასეთის არსებობის შემთხვევაში ან თანდართულ დოკუმენტაციაზე.

1.1.2. პლასტმასის მილის თითოეულ პარტიას თან დაურთოს ტექნიკური პასპორტი ან ინსტრუქციები, ხოლო მათი არარსებობის შემთხვევაში − სხვა სახის დოკუმენტაცია, სადაც მითითებული იქნება შემდეგი ინფორმაცია:

ა) მწარმოებლის სახელი, რეგისტრირებული სავაჭრო სახელი ან რეგისტრირებული სავაჭრო ნიშანი და საკონტაქტო ინფორმაცია;

ბ) სამშენებლო პროდუქტის საიდენტიფიკაციო მონაცემები;

გ) ტექნიკური პირობები, რომელსაც სამშენებლო პროდუქტი აკმაყოფილებს, ასეთის არსებობის შემთხვევაში;

დ) პროდუქტის ტექნიკური და ფიზიკური მახასიათებლები;

ე) პროდუქტის დანიშნულების მიხედვით გამოყენება.

1.2. იმპორტიორი, მწარმოებლის უფლებამოსილი წარმომადგენელი და დისტრიბუტორი ვალდებულები არიან, უზრუნველყონ მწარმოებლის მიერ ამ დანართის პირველი პუნქტით განსაზღვრული მოთხოვნების დაცვა.

დანართი VI

საქართველოს მთავრობის 2018 წლის 14 ნოემბრის დადგენილება №541 - ვებგვერდი, 14.11.2018წ.

საქართველოს მთავრობის 2020 წლის 27 ნოემბრის დადგენილება №707 – ვებგვერდი, 30.11.2020წ.

საქართველოს მთავრობის 2020 წლის 18 დეკემბრის დადგენილება №754 – ვებგვერდი, 22.12.2020წ.

საქართველოს მთავრობის 2024 წლის 19 მარტის დადგენილება №89 – ვებგვერდი, 21.03.2024წ.

სამშენებლო პროდუქტების ნუსხა

#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#tableId {null margin: 0 auto !important; }#assignedTableId-1711349821038 {width:525.0pt;mso-cellspacing:0in;mso-yfti-tbllook:1184;mso-padding-alt:0in 0in 0in 0in margin: 0 auto !important; }№

სეს ესნ კოდი

საქონლის დასახელება

ცემენტი

პორტლანდცემენტი, ცემენტი თიხამიწოვანი, ცემენტი წიდისა, ცემენტი სუპერსულფატიანი და ანალოგიური ჰიდრავლიკური ცემენტი, შეღებილი ან შეუღებავი, მზა ან კლინკერების ფორმით:

25232900000

— — დანარჩენი

პლასტმასის მილები

პლასტმასის მილები, მილაკები და შლანგები და მათი ფიტინგები (მაგალითად, შეერთებები, მუხლები, მილტუჩები):

39172110000

— — — უნაწიბურო და დაჭრილი ნაჭრებად, რომელთა სიგრძე აღემატება განივკვეთის მაქსიმალურ ზომას, დამუშავებული ან დაუმუშავებელი ზედაპირით, მაგრამ სხვაგვარად დაუმუშავებელი

39172190009

— — — — დანარჩენი

39172210000

39172290009

— — — — დანარჩენი

39172310000

39172390009

— — — — დანარჩენი

39172900009

– – – დანარჩენი

39173100009

– – – დანარჩენი

39173200000

– – დანარჩენი, დაუარმატურებელი ან სხვა მასალებთან არაკომბინირებული, უფიტინგებოდ

39173300009

– – – დანარჩენი

39173900009

– – – დანარჩენი

39174000009

– – დანარჩენი

არმატურა

წნელები რკინის ან არალეგირებული ფოლადისაგან, შემდგომი დამუშავების გარეშე, ჭედვის, ცხლად გლინვის, ცხლად ადიდვის ან ცხელი ექსტრუდირების გარდა, გლინვის შემდეგ გაღუნული წნელების ჩათვლით, დანარჩენი:

7214

ელექტროკაბელები

სადენები იზოლირებული (ემალირებულის ან ანოდირებულის ჩათვლით), კაბელები (კოაქსიალურის ჩათვლით) და დანარჩენი იზოლირებული ელექტრული გამტარები, შემაერთებელი სამარჯვებით ან მათ გარეშე; ბოჭკოვან-ოპტიკური კაბელები, შემდგარი ინდივიდუალურგარსიანი ბოჭკოებისაგან, მიუხედავად იმისა, არის თუ არა აწყობილი ელექტრულ გამტარებთან ან შემაერთებელ სამარჯვებთან:

85444991000

– – – – სადენები და კაბელები 0,51 მმ-ზე მეტი დიამეტრის იზოლირებელი გამტარებით

85444993000

– – – – – ძაბვაზე არაუმეტეს 80 ვ-ისა

85444995000

– – – – – ძაბვაზე არაუმეტეს 80 ვ-ზე მეტი, მაგრამ 1000 ვ-ზე ნაკლები

85444999000

– – – – – ძაბვაზე 1000 ვ

85446010000

— — სპილენძის გამტარებით

85446090000

— — დანარჩენი გამტარებით

თაბაშირ-მუყაო

ნაწარმი თაბაშირისა ან მის ფუძეზე დამზადებული ნარევებისაგან:

6809 11 000 00

– – დაფარული ან დაარმატურებული მხოლოდ ქაღალდით ან მუყაოთი.

დანართი VII

საქართველოს მთავრობის 2024 წლის 28 მარტის დადგენილება №106 - ვებგვერდი, 29.03.2024წ.

სამშენებლო პროდუქტების ჩამონათვალი

#tableId {null margin: 0 auto !important; }#assignedTableId-1739364669628 {width:508.5pt;mso-cellspacing:0in;mso-yfti-tbllook:1184;mso-padding-alt:0in 0in 0in 0in margin: 0 auto !important; }№

სამშენებლო პროდუქტის დასახელება

სტანდარტი

თაბაშირ-მუყაოს პროდუქტები

თაბაშირ-მუყაოს ფილა

სსტ ენ520:2004:+A1:2009/2013

ქარხნული წარმოების თაბაშირ-მუყაოს პანელები, ფიჭური მუყაოს შიგთავსით

სსტ ენ13915:2009

თაბაშირ-მუყაოს თერმო/აკუსტიკური საიზოლაციო კომპოზიტური პანელები

სსტ ენ13950:2014/2015

გადამუშავებული მასალისგან დამზადებული თაბაშირ-მუყაოს ფილები

სსტ ენ14190:2014 /2015

თაბაშირ-მუყაოს დაფები ბოჭკოვანი გამაგრებით − ბოჭკოვანი დაფები

სსტ ენ 15283-2:2008+A1:2009/2018

თაბაშირის ბლოკი

სსტ ენ12859:2011/2015

კედლის, ჭერისა და იატაკის მოსაპირკეთებელი პროდუქტები

ჩამოსაკიდი ჭერი

სსტ ენ13964:2014/2015

გასაჭიმი ჭერი

სსტ ენ14716:2009

კერამიკული ფილები

სსტ ენ14411:2012/2013

ცემენტი

პორტლანდცემენტი

სსტ ენ197-1:2011/2012

ძალიან დაბალტემპერატურული სპეციალური ცემენტი

სსტ ენ14216:2015/2018

ცემენტი თიხა-მიწოვანი

სსტ ენ14647:2005/2009

სსტ ენ14647:2009/AC

ცემენტი სუპერსულფატური

სსტ ენ15743:2010+A1:2015/2018

ცემენტი სამშენებლო (სალესი, ცემენტი სამშენებლო ხსნარებისთვის)

სსტ ენ413-1:2011/2015

ადჰეზივები ფილებისათვის (წებოცემენტი)

სსტ ენ12004:2007+A1:2012/2013

ლითონის პროდუქტები

ბეტონის არმირებისთვის განკუთვნილი არმატურა

ტექნიკური რეგლამენტის IV დანართით გათვალისწინებული სტანდარტები

სტრუქტურული ფოლადის ცხლად ნაგლინი ნაკეთობები (შველერი, კოჭი, კუთხოვანა, წნელი, ძელი, ლითონის ზოლი, ფურცელი, ფირფიტა)

სსტ ენ10025-1:2010

უჟანგავი რკინის შველერი, კოჭი, კუთხოვანა, წნელი, ძელი, ლითონის ზოლი, ფურცელი, ფირფიტა, მავთული

სსტ ენ10088-5:2009/2018

ცხლად დამუშავებული კონსტრუქციული ღრუ სექციები, არალეგირებული და წვრილდისპერსული ფოლადები (მრგვალი, კვადრატული, მართკუთხა და ოვალური)

სსტ ენ10210-1:2009

ცივი ფორმირების შედუღებული კონსტრუქციული ღრუ სექციები არალეგირებული და წვრილდისპერსული ფოლადებისგან (მრგვალი, კვადრატული და მართკუთხა)

სსტ ენ10219-1:2009

სხვა სამშენებლო პროდუქტები

სამშენებლო პლასტმასის მილები

−

სამშენებლო ელექტროკაბელები

სსტ ენ50575:2014/2016

სსტ ენ50575:2014/A1:2016/2016

ფიქსირებული ხანძარსაწინააღმდეგო სისტემები. გაზის ჩაქრობის სისტემების კომპონენტები

წნევის მრიცხველები და წნევის გადამრთველები

სსტ ენ12094-10:2009

მექანიკური ასაწონი მოწყობილობები

სსტ ენ12094-11:2009

ელექტრული ავტომატური კონტროლისა და შეკავების მოწყობილობები

სსტ ენ12094-1:2009

პნევმატური საგანგაშო მოწყობილობები

სსტ ენ12094-12:2009

შემამოწმებელი და არადაბრუნებადი სარქველები

სსტ ენ12094-13:2001/AC:2002/2018

არაელექტრული ავტომატური კონტროლისა და შეკავების მოწყობილობები

სსტ ენ12094-2:2009

ხელით ჩასართავი და შეკავების მოწყობილობები

სსტ ენ12094-3:2009

კონტეინერების სარქველების კვანძები და მათი ამძრავები

სსტ ენ12094-4:2009

მაღალი და დაბალი წნევის გადამრთველი სარქველები და მათი ამძრავები

სსტ ენ12094-5:2009

არაელექტრული გამორთვის მოწყობილობები

სსტ ენ12094-6:2009

CO2 სისტემების ბრანდსპოიტები

სსტ ენ12094-7:2009/A1

შემაერთებლები

სსტ ენ12094-8:2009

ხანძრის სპეციალური დეტექტორები

სსტ ენ12094-9:2009

კვამლისა და სითბოს საკონტროლო სისტემები

ენერგომომარაგების მოწყობილობები

სსტ ენ12101-10:2009

კვამლის ზღუდეები/შემაკავებლები

სსტ ენ12101-1:2009

ბუნებრივი კვამლისა და სითბოს გამწოვი ვენტილატორები

სსტ ენ12101-2:2009

მექანიკური კვამლის გამონაბოლქვისა და სითბოს კონტროლის ვენტილატორი

სსტ ენ12101-3:2015/2016

წნევის დიფერენციული სისტემების კომპლექტები

სსტ ენ12101-6:2009

კვამლის არხის სექციები

სსტ ენ12101-7:2011/2018

კვამლის კონტროლის დამპერი

სსტ ენ12101-8:2011/2018

ფიქსირებული ხანძარსაწინააღმდეგო სისტემა − საფრქვევებისა და წყლის შესხურების სისტემების კომპონენტები

საფრქვევები

სსტ ენ12259-1:1999 + A1:2001/2016

საგანგაშო აგრეგატების ტენიანი სარქველი

სსტ ენ12259-2:2010

საგანგაშო აგრეგატების მშრალი სარქველი

სსტ ენ12259-3:2010

საგანგაშო მოწყობილობები წყლის ძრავით

სსტ ენ12259-4:2010

წყლის ნაკადის დეტექტორები

სსტ ენ12259-5:2009

მიწისქვეშა სახანძრო ჰიდრანტები

სსტ ენ14339:2009

სახანძრო ჰიდრანტის სვეტი

სსტ ენ14384:2009

კვამლის სიგნალიზატორები

სსტ ენ14604:2005/AC:2008/2018

შენობების ვენტილაცია − ხანძარსაწინააღმდეგო საკეტი

სსტ ენ15650:2010/2018

ხანძრის გამოვლინებისა და სახანძრო განგაშის სისტემები

აალების წერტილოვანი დეტექტორები

სსტ ენ54-10:2010

მექანიკური ხმოვანი პუნქტები

სსტ ენ54-11:2010

კვამლის ხაზოვანი დეტექტორები ოპტიკური სინათლის სხივის გამოყენებით

სსტ ენ54-12:2015/2018

ხმოვანი განგაშის კონტროლისა და მიმთითებელი მოწყობილობა

სსტ ენ54-16:2008/2013

მოკლე ჩართვის იზოლატორები

სსტ ენ54-17:2009

შემავალი/გამომავალი მოწყობილობები

სსტ ენ54-18:2009

კვამლის გამწოვი (ასპირაციული) დეტექტორები

სსტ ენ

54-20:2006/AC:2008/2018

განგაშის გადაცემისა და ავარიის გამაფრთხილებელი გადამცემი მოწყობილობა

სსტ ენ54-21:2009

კონტროლისა და მაჩვენებელის მოწყობილობა

სსტ ენ

54-2:1997/AC:1999/2018

ვიზუალური განგაშის მოწყობილობები

სსტ ენ54-23:2010/2013

ავარიული სიგნალიზაციის სისტემების ხმის კომპონენტები − აკუსტიკური სისტემები

სსტ ენ54-24:2010

რადიოკავშირის კომპონენტები

სსტ ენ

54-25:2008/AC:2012/2018

ხმოვანი სიგნალიზაცია

სსტ ენ54-3:2001/2018

ენერგომომარაგების მოწყობილობა

სსტ ენ 54-4:2010

წერტილოვანი თბოდეტექტორები

სსტ ენ

54-5:2017+A1:2018/2020

წერტილოვანი კვამლის დეტექტორები, რომლებიც მუშაობენ გაფანტული სინათლის გადაცემის ან იონიზაციის გამოყენებით

სსტ ენ 54-7:2010

ფიქსირებული ხანძარსაწინააღმდეგო სისტემები. შლანგის სისტემები

ნახევრად ხისტი საშლანგე კოჭები

სსტ ენ671-1:2012/2015

ბრტყლად დასახვევი შლანგები

სსტ ენ671-2:2012/2015

თბოიზოლაციის პროდუქტები. კომპოზიტური საიზოლაციო კომპლექტები/სისტემები

მინერალური ბამბის ნაწარმი (MW) (ქვაბამბა)

სსტ ენ13162:2012+A1:2015/2015

გაფართოებული პოლისტიროლის (EPS) პროდუქცია (პენოპლასტი)

სსტ ენ13163:2012+A1:2015/2015

წნეხილი პოლისტიროლის ქაფოვანი (XPS) პანელი

სსტ ენ13164:2012+A1:2015/2015

ხისტი პოლიურეთანის ქაფოვანი (PU) პროდუქტები

სსტ ენ13165:2012+A2:2016/2018

ფენოლური ქაფის პროდუქტები (PF)

სსტ ენ13166:2012+A2:2016/2018

ბოჭკოვანი მინის (CG) პროდუქტები (მინაბამბა)

სსტ ენ13167:2012+A1:2015/2015

ხებამბის (WW) პროდუქტები

სსტ ენ13168:2012+A1:2015/2015

აფუებული პერლიტის პანელური (EPB) პროდუქტები

სსტ ენ13169:2012+A1:2015/2015

გაფართოებული კორპის პანელური (ICB) პროდუქტები

სსტ ენ13170:2012+A1:2015/2015

ხის ბოჭკოვანი (WF) პროდუქტები

სსტ ენ13171:2012+A1:2015/2015

ბუნებრივად ფორმირებული, გაფართოებული თიხის მსუბუქი აგრეგატები (LWA)

სსტ ენ

14063-1:2004/2012

ბუნებრივად ფორმირებული, ფხვიერი მინერალური ბამბის (MW) პროდუქტები

სსტ ენ14064-1:2010/2016

მინერალური ბამბის (MW) პროდუქტები

სსტ ენ14303:2009+A1:2013/2018

მოქნილი ელასტომერული ქაფის (FEF) პროდუქტები

სსტ ენ 14304:2009+A1:2013/2018

ბოჭკოვანი მინის (CG) პროდუქტები

სსტ ენ14305:2009+A1:2013/2018

კალციუმის სილიკატის (CS) პროდუქტები

სსტ ენ

14306:2009+A1:2013/2018

ექსტრუდირებული პოლისტიროლის ქაფოვანი (XPS) პროდუქტები

სსტ ენ14307:2009+A1:2013/2018

ხისტი პოლიურეთანისა (PUR) და პოლიიზოციანურატის ქაფოვანი (PIR) პროდუქტები

სსტ ენ14308:2009+A1:2013/2018

გაფართოებული პოლისტირონის (EPS) პროდუქტები

სსტ ენ14309:2009+A1:2013/2018

პოლიეთილენის ქაფოვანი (PEF) პროდუქტები

სსტ ენ14313:2009+A1:2013/2018

ფენოლის ქაფოვანი (PF) პროდუქტები

სსტ ენ14314:2009+A1:2013/2018

ბუნებრივად ფორმირებული, შესასხურებელი ხისტი პოლიურეთანისა (PUR) და პოლიიზოციანურატის ქაფოვანი (PIR) პროდუქტები

სსტ ენ14315-1:2013/2016

ბუნებრივად ფორმირებული, გაფართოებული პერლიტის (EP) პროდუქტები

სსტ ენ14316-1:2009

ბუნებრივად ფორმირებული, განშრევებული ვერმიკულიტის (EV) პროდუქტები

სსტ ენ14317-1:2009

ბუნებრივად ფორმირებული, დისპანსერული ხისტი პოლიურეთანისა (PUR) და პოლიიზოციანურატის ქაფოვანი (PIR) პროდუქტები

სსტ ენ14318-1:2013/2016

გაფართოებული პოლისტიროლის (EPS) პროდუქტები

სსტ ენ14933:2009

ექსტრუდირებული პოლისტიროლის (XPS) პროდუქტები

სსტ ენ14934:2009

გაფართოებული პერლიტისა (EP) და განშრევებული ვერმიკულიტის (EV) პროდუქტები

სსტ ენ15501:2013/2018

ბუნებრივად ფორმირებული გაფართოებული პერლიტის (EP) პროდუქტები

სსტ ენ15599-1:2010/2018

ბუნებრივად ფორმირებული განშრევებული ვერმიკულიტის (EV) პროდუქტები

სსტ ენ15600-1:2010/2018

გაფართოებული თიხის მსუბუქი აგრეგატები (LWA)

სსტ ენ15732:2012/2018

პოლიეთილენის ქაფოვანი (PEF) პროდუქტები

სსტ ენ16069:2012+A1:2015/2015

სახურავის საფარი

თიხის გადახურვის ფილები და ფიტინგები (კრამიტი)

სსტ ენ 1304:2009

ბეტონის გადახურვის ფილები და ფიტინგები

სსტ ენ490:2011/2015

ბოჭკოვანი ცემენტის ფიქალები (შიფერი) და ფიტინგები

სსტ ენ492:2012+A2:2018/2018

ლითონის თვითდამჭერი ფურცელი გადახურვისთვის

სსტ ენ14782:2009

სრულად დამაგრებული ლითონის ფურცლები გადახურვისთვის

სსტ ენ14783:2013/2015

ხისტი საფენები უწყვეტი გადახურვისთვის

სსტ ენ14964:2009

გამჭვირვალე ბრტყელი მრავალფურცლიანი პოლიკარბონატის (PC) ფურცლები

სსტ ენ16153:2013+A1:2015/2015

ბიტუმის გოფრირებული გადახურვის ფურცლები

სსტ ენ534:2006+A1:2010/2018

ბიტუმის კრამიტი

სსტ ენ544:2011/2013

დამოუკიდებელი ორმაგი ლითონის ზედაპირის საიზოლაციო პანელები (სენდვიჩ-პანელი)

სსტ ენ14509:2013/2018

ქვის წყობა და მასთან დაკავშირებული პროდუქტები

ბათქაშისა და თაბაშირის სამშენებლო ხსნარები/ფითხები (გაჯი, ბათქაში)

სსტ ენ998-1:2016/2018

სამშენებლო კირი

სსტ ენ459-1:2015

სამშენებლო წყობის ხსნარი

(ქვიშა-ცემენტის ნაზავი)

სსტ ენ998-2:2016/2018

თიხის სამშენებლო ელემენტები (აგური)

სსტ ენ

771-1:2011+A1:2015/2015

ბეტონის ელემენტების შემავსებლები (ბლოკი)

სსტ ენ

771-3:2011+A1:2015/2015

იატაკზე დასაგები პროდუქტები

ბეტონის მოსაპირკეთებელი ბლოკები

სსტ ენ 1338:2009

თიხის მოსაპირკეთებელი ფილები

სსტ ენ1344:2013/2015

ხის იატაკი და პარკეტი

სსტ ენ14342:2013/2015

ელასტიკური, ტექსტილის, ლამინატისა და მოდულური მრავალშრიანი იატაკის საფარი

სსტ ენ14041:2009

სივრცის გათბობის მოწყობილობები

რადიატორები და კონვექტორები

სსტ ენ442-1:2014/2015

ბრტყელი მინა, პროფილირებული მინა და მინის ბლოკის პროდუქტები

მინის ბლოკები და მინის მოსაპირკეთებელი ფილები

სსტ ენ1051-2:2010

ხისგან დამზადებული პანელები და ელემენტები

ხეზე დაფუძნებული პანელები, ფანერები, ბოჭკოვანი დაფები

სსტ ენ13986:2004+A1:2015/2015

წყარო: საქართველოს საკანონმდებლო მაცნე

📎 წყარო: infohub.rs.ge