წარმომადგენლობით ხარჯებზე მიღებული დღგ-ის ჩათვლების გაუქმება N 1140
📄 სრული ტექსტი
სიტუაციური სახელმძღვანელო
წარმომადგენლობით ხარჯებზე მიღებული დღგ-ის ჩათვლის გაუქმება N 1140
ფაქტობრივი გარემოებები
· საწარმოს ჩათვლა განხორციელებული აქვს წარმომადგენლობითი ხარჯებისას გადახდილი დღგ-ის თანხებზე
შეფასება
· საქართველოს საგადასახადო კოდექსის 174 -ე მუხლის მე-3 ნაწილის „ა" ქვეპუნქტის თანახმად, დღგ-ის ჩათვლა არ ხორციელდება პირის მიერ სოციალური მიზნით, გასართობი ღონისძიებებისათვის გაწეულ ხარჯზე ან წარმომადგენლობით ხარჯზე გადახდილ დღგ-ის თანხებზე, გარდა ასეთი ღონისძიებების ფარგლებში პირის მიერ საქონლის/მომსახურების მიწოდებისა, როდესაც ასეთი ხარჯის ფარგლებში შესყიდული საქონელი ან/და მომსახურება ამ პირის მიერ იბეგრება დღგ-ით
· შესაბამისად, საწარმოს არ ჰქონდა უფლება, ჩათვლა ეწარმოებინა წარმომადგენლობითი ხარჯებისას გადახდილ დღგ-ის თანხებზე. აღნიშნულის საფუძველზე საწარმოს გაზრდილი აქვს დღგ-ის ჩასათვლელი თანხები
ღონისძიებები
· საანგარიშო თვეების მიხედვით დაკორექტირდება ჩასათვლელი დღგ-ის თანხა და შესაბამისად ბიუჯეტში გადასახდელი დღგ
· საწარმო, დეკლარაციაში თანხის შემცირების შემთხვევაში, დაჯარიმდება სსკ-ის 275-ე მუხლით გათვალისწინებული ჯარიმით
სიტუაციური სახელმძღვანელო არ ვრცელდება 2021 წლის შემდგომ წარმოშობილ სამართლებრივ ურთიერთობებზე. 2021 წლიდან წარმოშობილ სამართლებრივ ურთიერთობებზე იხელმძღვანელეთ დამატებული ღირებულების გადასახადის შესახებ მეთოდური მითითებით