განაჩენი

საქმე #140100119002981232

საქმე #1/188-19 (011100219002)

გ ა ნ ა ჩ ე ნ ი

ს ა ქ ა რ თ ვ ე ლ ო ს ს ა ხ ე ლ ი თ

 

15 ივლისი, 2019 წელი ქ. გორი

გორის რაიონული სასამართლო

მოსამართლე - გერმანე დადეშქელიანი

სხდომის მდივანი - თამარ მაზანაშვილი

ბრალდების მხარე:

 

პროკურორი - ნ----- კ----–--

 

დაცვის მხარე:

 

ბრალდებული - კ--- წ----–--- (დაბადებული 2----–-–------------, პ/ნ------------, ნასამართლობის არმქონე, რეგისტრირებული გ----–-----–------–---–-----------ში, მცხოვრები გ----–-----–-----–-------------ში)

 

ადვოკატი - ი----- გ---------

 

კვალიფიკაცია: საქართველოს სსკ-ის 177-ე მუხლის მე-2 ნაწილის ,,ბ“, მე-3 ნაწილის ,,ა“ ქვეპუნქტები, 19,177-ე მუხლის მე-2 ნაწილის ,,ბ“, მე-3 ნაწილის ,,ა“ ქვეპუნქტები (ორი ეპიზოდი)

 

სხდომის სახე - ღია

 

ა ღ წ ე რ ი ლ ო ბ ი თ - ს ა მ ო ტ ი ვ ა ც ი ო ნ ა წ ი ლ ი:

 

1. სასამართლომ დაადგინა:

 

1.1 2019 წლის 10 თებერვალს, დაახლოებით 04:50 საათზე, გ----–--------–---–---------ის მიმდებარე ტერიტორიაზე, კ--- წ----–---, სხვა პირებთან ერთად წინასწარი შეთანხმებით, მართლსაწინააღმდეგო მისაკუთრების მიზნით, შპს ,------------“ სწრაფი ჩარიცხვის აპარატის მოხსნისა და მისი კარის სახრახნისით დაზიანებით, ფარულად დაეუფლა 135 ლარს;

 

1.2 ამავე წლის 23 თებერვალს, ღამით, გ----–-----------–---–---------ის მიმდებარე ტერიტორიაზე, კ--- წ----–---, სხვა პირებთან ერთად წინასწარი შეთანხმებით, ძალაყინისა და სახრახნისის გამოყენებით ცდილობდა ,--------------“ სწრაფი ჩარიცხვის აპარატის გაღებასა იქ არსებული თანხის ფარულად დაუფლებას, რაც აღკვეთეს პოლიციელებმა;

 

2. ქმედების სამართლებრივი აღწერა:

 

2.1 ქურდობა და ქურდობის მცდელობა - წინასწარი შეთანხმებით ჯგუფის მიერ სხვისი მოძრავი ნივთის ფარული დაუფლება და დაუფლების მცდელობა მართლსაწინააღმდეგო მისაკუთრების მიზნით, საცავში უკანონო შეღწევით;

 

3. სამართლებრივი შეფასება:

 

3.1. საქმის არსებითი განხილვის დროს ბრალდებულმა კ--- წ----–---მ აღიარა ბრალად შერაცხული ქმედებების ჩადენა. ამასთან, მხარეებს წარმოდგენილი მტკიცებულებები სადავოდ არ გაუხდიათ;

 

3.2. გარდა ბრალდებულის აღიარებისა, მის მიერ ბრალად შერაცხული ქმედებების ჩადენა უტყუარად დადასტურებულია სსსკ-ის 73-ე მუხლის საფუძველზე გამოკვლევის გარეშე მტკიცებულებად მიღებული გ------- ც-–--ის, გ------- გ--------–---–ის, გ------- მ---------–ის და სხვათა გამოკითხვის ოქმებით, სხვადასხვა საგამოძიებო და საპროცესო მოქმედებების შედეგად მიღებული ინფორმაციითა და ნივთიერი მტკიცებულებებით, ექსპერტიზის დასკვნებით.

 

4. პასუხისმგებლობის შემამსუბუქებელი და დამამძიმებელი გარემოებები:

 

4.1 კ--- წ----–---ს პასუხისმგებლობის დამამძიმებელი გარემოება არ აქვს.

 

5. სასჯელისა და სხვა ღონისძიების გამოყენების დასაბუთება:

 

5.1 სსკ-ის 53-ე მუხლის მე-3 ნაწილის შესაბამისად, სასჯელის დანიშვნისას სასამართლო ითვალისწინებს კ--- წ----–--ის პასუხისმგებლობის შემამსუბუქებელ გარემოებებს - ბრალად შერაცხული ქმედებების აღიარებას, მტკიცებულებების უდავოდ ცნობას, მის ასაკს - დანაშაულის ჩადენის დროს იყო არასრულწლოვანი - 17 წლის. ამასთან, სასამართლო ითვალისწინებს, რომ კ--- წ----–--ის მიმართ წინა განაჩენი გამოტანილია განსახილველი ქმედებების ჩადენის შემდეგ - 2019 წლის 26 თებერვალს. აღნიშნული განაჩენით კ--- წ----–---ს განესაზღვრა სასჯელის მინიმალური ზომა, რაც ჩაეთვალა პირობით;

 

5.2 იმ ვითარებაში, როდესაც წინა განაჩენით კ--- წ----–---ს განესაზღვრა მინიმალური სასჯელი პირობით, მიზანშეუწონელია, ამ შემთხვევაში ნასამართლობამდე ჩადენილი ქმედებებისათვის უფრო მკაცრი სასჯელის დანიშვნა. ამასთან, ეს სასჯელი უნდა დაინიშნოს სსკ-ის 59-ე მუხლის მე-2, მე-4 ნაწილების საფუძველზე, შთანთქმის წესის გამოყენებით.

ს ა რ ე ზ ო ლ უ ც ი ო ნ ა წ ი ლ ი:

 

სასამართლომ იხელმძღვანელა სსსკ-ის 81-ე, 255-ე, 258-260-ე, 269-ე, 271-274-ე, 277-ე, 279-ე, 292-293-ე მუხლებით, არასრუწლოვანთა მართლმსაჯულების კოდექსით და

 

დ ა ა დ გ ი ნ ა:

 

კ--- წ----–--- ცნობილ იქნეს დამნაშავედ საქართველოს სსკ-ის 177-ე მუხლის მე-2 ნაწილის ,,ბ“, მე-3 ნაწილის ,,ა“ ქვეპუნქტებით, 19,177-ე მუხლის მე-2 ნაწილის ,,ბ“, მე-3 ნაწილის ,,ა“ ქვეპუნქტებით და მიესაჯოს:

 

- 177-ე მუხლის მე-2 ნაწილის ,,ბ“, მე-3 ნაწილის ,,ა“ ქვეპუნქტებით - 4 (ოთხი) წლით თავისუფლების აღკვეთა, რაც შეუმცირდეს ¼-ით, განესაზღვროს 3 (სამი) წლით თავისუფლების აღკვეთა და ჩაეთვალოს პირობით;

 

- 19,177-ე მუხლის მე-2 ნაწილის ,,ბ“, მე-3 ნაწილის ,,ა“ ქვეპუნქტებით - 4 (ოთხი) წლით თავისუფლების აღკვეთა, რაც შეუმცირდეს ¼-ით, განესაზღვროს 3 (სამი) წლით თავისუფლების აღკვეთა და ჩაეთვალოს პირობით;

 

სსკ-ის 59-ე მუხლის მე-2 ნაწილის შესაბამისად, სასჯელთა შთანთქმის გამოყენებით კ--- წ----–---ს განესაზღვროს 3 (სამი) წლით თავისუფლების აღკვეთა, რაც ჩაეთვალოს პირობით;

 

სსკ-ის 59-ე მუხლის მე-4 ნაწილის შესაბამისად, ამ სასჯელმა შთანთქას გორის რაიონული სასამართლოს 2019 წლის 26 თებერვლის განაჩენით დანიშნული და მოუხდელი სასჯელი - 3 (სამი) წელი, რის შედეგად კ--- წ----–---ს საბოლოდ მიესაჯოს 3 (სამი) წლით თავისუფლების აღკვეთა, რაც ჩაეთვალოს პირობით, 3 (სამი) წლის გამოსაცდელი ვადით;

 

აღკვეთის ღონისძიება - გირაო გაუქმდეს;

 

მსჯავრდებულ კ--- წ----–---ს დაევალოს, გათავისუფლების შემდეგ, პრობაციის ბიუროს ნებართვის გარეშე არ შეიცვალოს მუდმივი ბინადრობის ადგილი, ხოლო მის ყოფაქცევაზე კონტროლი და დახმარება დაევალოს პრობაციის ეროვნული სამსახურის ტერიტორიულ ორგანოს მსჯავრდებულის საცხოვრებელი ადგილის მიხედვით;

 

ნივთიერი მტკიცებულება - სწრაფი ჩარიცხვის აპარატები და ტომარა - დაუბრუნდეს კანონიერ მფლობელს, ხოლო - ნაჭრის ქუდი - განადგურდეს;

 

განაჩენი კანონიერ ძალაშია გამოცხადებისთანავე და ექვემდებარება აღსრულებას. იგი შეიძლება გასაჩივრდეს თბილისის სააპელაციო სასამართლოს სისხლის სამართლის საქმეთა პალატაში, გამოცხადებიდან ერთი თვის ვადაში, გორის რაიონული სასამართლოს მეშვეობით.

 

მოსამართლე გ. დადეშქელიანი