განიხილა აწ გარდაცვლილი მსჯავრდებულის _ გ. ნ-ს საკასაციო საჩივარი ქუთაისის საოლქო სასამართლოს სისხლის სამართლის საქმეთა სასამართლო კოლეგიის 2003წ. 6 ივნისის განაჩენზე, რომლითაც იგი (გ. ნარსია) ცნობილ იქნა დამნაშავედ საქართველოს 1960წ. სსკ-ის 78-ე მუხლით გათვალისწინებული დანაშაულის ჩადენაში და მიესაჯა 8 წლით თავისუფლების აღკვეთა მკაცრი რეჟიმის სასჯელაღსრულების დაწესებულებაში მოხდით.

მსჯავრდებული გ. ნ. გარდაიცვალა 2003წ. 6 ივლისს სასჯელაღსრულების დეპარტამენტის მსჯავრდებულთა და პატიმართა სამკურნალო დაწესებულებაში.

საკასაციო საჩივარი ითხოვს განაჩენის გაუქმებას და გ. ნ-ს მიმართ სისხლისსამართლებრივი დევნის შეწყვეტას ან, მისი ჯანმრთელობის გათვალისწინებით, სასჯელის შემსუბუქებას.

პალატის სხდომაზე მსჯავრდებულ გ. ნ-ს დედამ წარმოადგინა განცხადება და ითხოვა საკასაციო საჩივრის განუხილველად დატოვება.

აღწერილობითი ნაწილი:

გასაჩივრებული განაჩენით გ. ნ-ს მსჯავრი დაედო იმაში, რომ 1999 წლიდან ჩაება ვ. ქ-ს მიერ ჩამოყალიბებულ ბანდიტურ დაჯგუფებაში და სხვა პირებთან ერთად მონაწილეობდა არაერთ ბანდიტურ თავდასხმაში.

სამოტივაციო ნაწილი:

პალატამ მოუსმინა პროკურორს, შეისწავლა საქმის მასალები, გაეცნო აწ გარდაცვლილი მსჯავრდებულის დედის განცხადებას და მივიდა იმ დასკვნამდე, რომ გ. ნ-ს მიმართ სისხლის სამართლის საქმის წარმოება უნდა შეწყდეს შემდეგი გარემოების გამო:

საქართველოს იუსტიციის სამინისტროს სასჯელაღსრულების დეპარტამენტის მსჯავრდებულთა და პატიმართა სამკურნალო დაწესებულების დირექტორის მიერ გაცემული ცნობით დადგენილია, რომ მსჯავრდებული გ. ნ.გარდაიცვალა 2003წ. 6 ივლისს.

აწ გარდაცვლილი მსჯავრდებულის რეაბილიტაციის მიზნით მისი დედა საკასაციო საჩივრის განხილვას არ ითხოვს.

ასეთ შემთხვევაში, საქართველოს სსსკ-ის 28-ე მუხლის მერვე ნაწილის შესაბამისად, სისხლის სამართლის საქმის წარმოება უნდა შეწყდეს.

სარეზოლუციო ნაწილი:

პალატამ, იხელმძღვანელა რა საქართველოს სსსკ-ის 28-ე მუხლის პირველი ნაწილის “ვ” ქვეპუნქტით და ამავე მუხლის მერვე ნაწილით, 568-ე, 571-ე მუხლებით,დ ა ა დ გ ი ნ ა :

გ. ნ-ს მიმართ შეწყდეს სისხლის სამართლის საქმის წარმოება მისი გარდაცვალების გამო.

განჩინება საბოლოოა და არ საჩივრდება.