,,სამხედრო სავალდებულო სამსახურში მოქალაქეთა 2008 წლის საგაზაფხულო გაწვევის შესახებ“
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს პრეზიდენტის
ბრძანებულება №80
2008 წლის 7 თებერვალი
ქ. თბილისი
სამხედრო სავალდებულო სამსახურში მოქალაქეთა 2008 წლის საგაზაფხულო გაწვევის შესახებ
,,სამხედრო ვალდებულებისა და სამხედრო სამსახურის შესახებ“ საქართველოს კანონის შესაბამისად, სამხედრო სავალდებულო სამსახურში მოქალაქეთა გაწვევის ორგანიზებულად მოწყობის მიზნით:
1. ,,სამხედრო ვალდებულებისა და სამხედრო სამსახურის შესახებ“ საქართველოს კანონის 22-ე მუხლის საფუძველზე მოქალაქეთა გაწვევა განხორციელდეს 2008 წლის 15 თებერვლიდან 2008 წლის 17 ივნისამდე.
2. საქართველოს შინაგან საქმეთა სამინისტროს დაქვემდებარებულ გასამხედროებულ დანაყოფებში გასაწვევ მოქალაქეთა რაოდენობა განისაზღვროს 600 წვევამდელით.
3. საქართველოს შეიარაღებულ ძალებში გასაწვევ მოქალაქეთა რაოდენობა განისაზღვროს 1900 წვევამდელით.
4. საქართველოს იუსტიციის სამინისტროს სასჯელაღსრულების დეპარტამენტში გასაწვევ მოქალაქეთა რაოდენობა განისაზღვროს 300 წვევამდელით.
5. საქართველოს შინაგან საქმეთა სამინისტროს დაქვემდებარებულ გასამხედროებულ დანაყოფებში, საქართველოს შეიარაღებულ ძალებში და საქართველოს იუსტიციის სამინისტროს სასჯელაღსრულების დეპარტამენტში გაწვეულ იქნენ 18-დან 27 წლამდე ასაკის ის მოქალაქეები, რომლებსაც არა აქვთ სამხედრო სავალდებულო სამსახურში გაწვევისაგან გათავისუფლების ან მისი გადავადების უფლება.
6. საქართველოში მცხოვრები 18-დან 27 წლამდე ასაკის გასაწვევი მოქალაქეები ამ ბრძანებულების ძალაში შესვლის დღიდან ვალდებულნი არიან გამოცხადდნენ ადგილობრივი თვითმმართველობის ორგანოს შესაბამის სამსახურში (საცხოვრებელი) რეგისტრაციის ადგილის მიხედვით.
7. საქართველოს შრომის, ჯანმრთელობისა და სოციალური დაცვის სამინისტრომ (ა. კვიტაშვილი) ამ ბრძანებულების ძალაში შესვლიდან 10 დღის ვადაში განუსაზღვროს თვითმმართველი ქალაქისა და მუნიციპალიტეტის გამწვევ კომისიებს ის სამედიცინო დაწესებულებები, რომლებშიც გაიგზავნებიან წვევამდელები დამატებითი სამედიცინო გამოკვლევისთვის.
8. მოქალაქეთა მიერ სამხედრო სავალდებულო სამსახურში გაწვევის გადავადების მოსაკრებლის გადახდა განხორციელდეს გაწვევის მთლიან პერიოდში, სამხედრო სავალდებულო სამსახურში გაწვევის უწყების მიღებიდან 10 დღის ვადაში.
9. საქართველოს შინაგან საქმეთა სამინისტრომ (ი.მერაბიშვილი) აღმოუჩინოს დახმარება ადგილებზე მუნიციპალიტეტების გამგეობებს და თვითმმართველი ქალაქების მერიებს იმ წვევამდელთა მოძებნასა და გამწვევ კომისიაზე გამოცხადებაში, რომლებიც თავს არიდებენ სამხედრო სავალდებულო სამსახურს.
10. ბრძანებულება ამოქმედდეს გამოქვეყნებისთანავე.
მ. სააკაშვილი
ხშირად დასმული კითხვები
- მოქმედებს თუ არა „,,სამხედრო სავალდებულო სამსახურში მოქალაქეთა 2008 წლის საგაზაფხულო გაწვევის შესახებ““?
- დიახ, საქართველოს პრეზიდენტის ბრძანებულება „,,სამხედრო სავალდებულო სამსახურში მოქალაქეთა 2008 წლის საგაზაფხულო გაწვევის შესახებ““ ამჟამად ძალაშია. ბოლო კონსოლიდირებული რედაქცია — 07.02.2008.
- როდის იქნა მიღებული „,,სამხედრო სავალდებულო სამსახურში მოქალაქეთა 2008 წლის საგაზაფხულო გაწვევის შესახებ““?
- „,,სამხედრო სავალდებულო სამსახურში მოქალაქეთა 2008 წლის საგაზაფხულო გაწვევის შესახებ““ მიღებულია 07.02.2008. მიმღები ორგანო — საქართველოს პრეზიდენტი.. დოკუმენტის ნომერი — №80. სარეგისტრაციო კოდი — 120.260.020.08.002.004.
- სად არის „,,სამხედრო სავალდებულო სამსახურში მოქალაქეთა 2008 წლის საგაზაფხულო გაწვევის შესახებ““-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 07.02.2008 მდგომარეობით.
როგორ დავიმოწმოთ
საქართველოს პრეზიდენტის ბრძანებულება „,,სამხედრო სავალდებულო სამსახურში მოქალაქეთა 2008 წლის საგაზაფხულო გაწვევის შესახებ““, №80, 07.02.2008, სარეგისტრაციო კოდი 120.260.020.08.002.004 (კონსოლიდირებული რედაქცია 07.02.2008). ხელმისაწვდომია: https://legali.ge/law/102364/