შპს მიკროსაფინანსო ორგანიზაციისათვის "კაპიტალ კრედიტი" რეგისტრაციაზე უარის შესახებ

 საქართველოს ეროვნული ბანკის ვიცე-პრეზიდენტის

განკარგულება №952

2010 წლის 15 ოქტომბერი

ქ. თბილისი

შპს მიკროსაფინანსო ორგანიზაციისათვის „კაპიტალ კრედიტი“  რეგისტრაციაზე უარის  შესახებ

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის, ამავე კანონის 50-ე მუხლის პირველი პუნქტის, საქართველოს ეროვნული ბანკის პრეზიდენტის 2006 წლის 12 სექტემბრის №248 ბრძანებით დამტკიცებული „მიკროსაფინანსო ორგანიზაციის საქართველოს ეროვნულ ბანკში რეგისტრაციის წესის“ მე-3 მუხლის მე-3 პუნქტის, საქართველოს ეროვნული ბანკის პრეზიდენტის 2010 წლის 9 ივლისის №99/01 ბრძანების საფუძველზე:

1. უარი ეთქვას შპს მიკროსაფინანსო ორგანიზაცია „კაპიტალ კრედიტს“ რეგისტრაციაზე, საქართველოს ეროვნული ბანკის პრეზიდენტის 2006 წლის 12 სექტემბრის №248 ბრძანებით დამტკიცებული „მიკროსაფინანსო ორგანიზაციის საქართველოს ეროვნულ ბანკში რეგისტრაციის წესის“ მე-3 მუხლის მე-2 პუნქტით გათვალისწინებული დოკუმენტების არასრულყოფილად წარმოდგენის გამო.

2. აღნიშნული ადმინისტრაციული აქტის გასაჩივრება შეიძლება თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ. აღმაშენებლის ხეივანი, მე-12 კმ. №6), მისი ოფიციალურად გაცნობიდან ერთი თვის ვადაში.

3. განკარგულება 10 დღის ვადაში გამოქვეყნდეს „საქართველოს საკანონმდებლო მაცნეში“.

4. განკარგულება ამოქმედდეს ხელმოწერისთანავე.

არასაბანკო დაწესებულებების

ზედამხედველობის დეპარტამენტის

უფროსი                                                                            მ.ციციშვილი