ურთიერთგაგების მემორანდუმი პერუს რესპუბლიკის საგარეო საქმეთა სამინისტროსა და საქართველოს საგარეო საქმეთა სამინისტროს შორის საერთო ინტერესის საკითხებზე პოლიტიკური კონსულტაციების ჩატარების პროცედურის შესახებ

ურთიერთგაგების მემორანდუმი  საქართველოს საგარეო საქმეთა სამინისტროს ა და  პერუს რესპუბლიკის საგარეო საქმეთა სამინისტროს შორის საერთო ინტერესის საკითხებზე პოლიტიკური კონსულტაციების ჩატარების პროცედურის შესახებ

 

საქართველოს საგარეო საქმეთა სამინისტრო და პერუს რესპუბლიკის საგარეო საქმეთა სამინისტრო,შემდგომში „მხარეებად“ წოდებულნი,

ხელმძღვანელობენ რა სუვერენიტეტისა და თანასწორობის პატივისცემისა და შიდა საქმეებში ჩაურევლობის პრინციპებით, გაერთიანებული ერების ორგანიზაციის წესდების შესაბამისად,

ითვალისწინებენ რა ორივე მხარისთვის სხვადასხვა დონეზე პოლიტიკური კონსულტაციების გამართვისა და აზრთა გაზიარების მნიშვნელობას ორმხრივი ურთიერთობებისა და საერთო ინტერესის რეგიონულ და საერთაშორისო საკითხებზე,

შეთანხმდნენ შემდეგზე:

    მუხლი 1

მხარეები ურთიერთშეთანხმებით უზრუნველყოფენ რეგულარული შეხვედრების ორგანიზებას პოლიტიკური კონსულტაციების ჩატარების მიზნით იმ საკითხებზე, რომლებიც შედის მათი კომპეტენციის სფეროში ეროვნული კანონმდებლობის შესაბამისად.

    მუხლი 2

შეხვედრები გაიმართება თბილისსა და ლიმა ში მონაცვლეობით. დელეგაციების დონე, ასევე შეხვედრების თარიღები და დღის წესრიგი დადგინდება დიპლომატიური არხების საშუალებით.

    მუხლი 3

მხარეებს შეუძლიათ ერთობლივი შეთანხმებით შექმნან სამუშაო ჯგუფები ან ექსპერტთა ჯგუფები კონკრეტული საკითხების შესწავლის მიზნით. საჭიროების შემთხვევაში, მხარეებს შეუძლიათ ასეთ სამუშაო ჯგუფებში მიიწვიონ სხვა სამთავრობო და არასამთავრობო ორგანიზაციების ან მესამე მხარეთა წარმომადგენლები.

    მუხლი 4

მხარეები ხელს შეუწყობენ თანამშრომლობას თავიანთ შესაბამის წარმომადგენლებს შორის საერთაშორისო ორგანიზაციებისა და ფორუმების ფარგლებში.

    მუხლი 5

მხარეთა შეთანხმებით აღნიშნულ ურთიერთგაგების მემორანდუმში შეიძლება შე ტანილ იქნეს ცვლილებები, რომლებიც ძალაში შევა ამ ურთიერთგაგების მემორანდუმის მე-6 მუხლით დადგენილი წესით. აღნიშნული ცვლილებები წარმოადგენს წინამდებარე ურთიერთგაგების მემორანდუმის განუყოფელ ნაწილს.

    მუხლი 6

    1. წინამდებარე ურთიერთგაგების მემორანდუმი ძალაში შევა მისი ხელმოწერის დღეს და ძალაში დარჩება განუსაზღვრელი ვადით.

2. თითოეულ მხარეს შეუძლია ნებისმიერ დროს დიპლომატიური არხების საშუალებით განაცხადოს თავისი გადაწყვეტილების შესახებ მოქმედება შეუწყვიტოს წინამდებარე მემორანდუმს. შეწყვეტა ძალაში შევა შეტყობინების მიღების დღიდან ექვსი (6) თვის შემდეგ.

 

შესრულებულია ქ. ლიმაში, 2010 წლის 29 ოქტომბერს, ორ ეგზემპლარად, თითოეული ესპანურ, ქართულ და ინგლისურ ენებზე, ამასთან, ყველა ტექსტი თანაბრად ა ვთენტიკურია. წინამდებარე ურთიერთგაგების მემორანდუმის განსხვავებული ინტერპრეტაციის შემთხვევაში უპირატესობა ენიჭება ტექსტს ინგლისურ ენაზე.

საქართველოს საგარეო                                                     პერუს რესპუბლიკის საგარეო საქმეთა

საქმეთა სამინისტროს                                                      სამინისტროს                                   

სახელით                                                                             სახელით

 

 (ხელმოწერილია)                                                              (ხელმოწერილია)