"საგარეჯოს მუნიციპალიტეტის ტერიტორიაზე სათამაშო ბიზნესის მოსაკრებლის შემოღებისა და მისი განაკვეთების განსაზღვრის შესახებ"

საგარეჯოს მუნიციპალიტეტის საკრებულოს

დადგენილება №32

2010 წლის 17 დეკემბერი

ქ. საგარეჯო

საგარეჯოს მუნიციპალიტეტის ტერიტორიაზე სათამაშო ბიზნესის მოსაკრებლის შემოღებისა და მისი განაკვეთების განსაზღვრის შესახებ

თანახმად „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის 1-ლი პუნქტის „მ“ ქვეპუნქტისა, „სათამაშო ბიზნესის მოსაკრებლის შესახებ“ საქართველოს კანონის მე-5 მუხლისა და „ნორმატიული აქტების შესახებ“ საქართველოს კანონის 25-ე მუხლისა, საგარეჯოს მუნიციპალიტეტის საკრებულო ადგენს:

    მუხლი 1

შემოღებულ იქნეს საგარეჯოს მუნიციპალიტეტის ტერიტორიაზე სათამაშო ბიზნესის მოსაკრებელი და მისი განაკვეთები განისაზღვროს:

ა) კაზინოს (სამორინეს) თითოეულ სათამაშო მაგიდაზე – კვარტალში 15 000 ლარით;

ბ) თითოეულ სათამაშო აპარატზე – კვარტალში 1 500 ლარით;

გ) ტოტალიზატორის, ბინგოს, ლოტოს თითოეულ სალაროზე – კვარტალში 4 000 ლარით;

დ) თითოეულ წამახალისებელ გათამაშებაზე – საპრიზო ფონდის 10 %-ით;

ე) სისტემურ ელექტრონული ფორმის თამაშობაზე – კვარტალში 12 000 ლარით;

ვ) ლატარიების მოწყობაზე – ლატარიის ბილეთების რეალიზაციიდან მიღებული ამონაგების 20 % -ით.

    მუხლი 2

ძალადაკარგულად ჩაითვალოს „საგარეჯოს მუნიციპალიტეტის ტერიტორიაზე სათამაშო ბიზნესის მოსაკრებლის შემოღებისა და განაკვეთის დამტკიცების შესახებ“ საგარეჯოს მუნიციპალიტეტის საკრებულოს 2007 წლის 30 იანვრის №2 დადგენილება.

    მუხლი 3

ეს დადგენილება ამოქმედდეს გამოქვეყნებისთანავე.

საკრებულოს თავმჯდომარის მოადგილე             პ. ბუზარიაშვილი