“ქალაქ თბილისის მერიის საჯარო სამართლის იურიდიული პირის - ქალაქ თბილისის არქიტექტურის სამსახურის მიერ გაწეული დაჩქარებული მომსახურებისა და მასზე დაწესებული საფასურის გადახდის რეგულირების წესის დამტკიცების შესახებ”ქ. თბილისის მთავრობის 2009 წლის 30 ივნისის N17.01.580 დადგენილებაში დამატებისა და ცვლილებების შეტანის შესახებ

ქალაქ თბილისის მთავრობის

დადგენილება №01.01.01

2011 წლის 14 იანვარი

ქ. თბილისი

„ქალაქ თბილისის მერიის საჯარო სამართლის იურიდიული პირის - ქალაქ თბილისის არქიტექტურის სამსახურის მიერ გაწეული დაჩქარებული მომსახურებისა და მასზე დაწესებული საფასურის გადახდის რეგულირების წესის დამტკიცების შესახებ” ქ. თბილისის მთავრობის 2009 წლის 30 ივნისის №17.01.580 დადგენილებაში დამატებისა და ცვლილებების შეტანის შესახებ

„ნორმატიული აქტების შესახებ” საქართველოს კანონის მე-20 მუხლისა და საქართველოს ზოგადი ადმინისტრაციული კოდექსის 63-ე მუხლის საფუძველზე, ქ. თბილისის მთავრობა ადგენს:

1. შეტანილ იქნეს შემდეგი დამატება და ცვლილებები ქალაქ თბილისის მერიის საჯარო სამართლის იურიდიული პირის – ქალაქ თბილისის არქიტექტურის სამსახურის მიერ გაწეული დაჩქარებული მომსახურებისა და მასზე დაწესებული საფასურის გადახდის რეგულირების წესის დამტკიცების შესახებ ქ. თბილისის მთავრობის 2009 წლის 30 ივნისის №17.01.580 დადგენილებით დამტკიცებულ საჯარო სამართლის იურიდიული პირის – ქალაქ თბილისის არქიტექტურის სამსახურის მიერ გაწეული დაჩქარებული მომსახურებისა და მასზე დაწესებული საფასურის გადახდის რეგულირების წესში:

ა) წესის მე-5 მუხლს დაემატოს შემდეგი შინაარსის 2 ² პუნქტი:

„2² . საქართველოს პრეზიდენტის 2007 წლის 24 ნოემბერის №660 ბრძანებულებ ით დამტკიცებული ,,პროექტის შემთანხმებელი და მშენებლობის ნებართვის გამცემი ორგანოს მიერ უნებართვოდ ან/და პროექტის დარღვევით აშენებული ობიექტების ან მათი ნაწილების ლეგალიზების შესახებ გადაწყვეტილების მიღების წესი თ” გათვალისწინებული მომსახურება3 დღეში, მომსახურების საფასურის განაკვეთი – 300 ლარი; 10 დღეში – 100 ლარი.” ;

ბ) წესის მე-5 მუხლის მე-4 პუნქტის ,,ა” ქვეპუნქტი ჩამოყალიბდეს შემდეგი რედაქციით:

,,ა) კულტურული მემკვიდრეობის დაცვის ზონაზე, გარდა პირველი პუნქტის ,,გ.ა.” ქვეპუნქტისა, ,,გ.ბ.” და ,,გ.გ.” ქვეპუნქტებით გათვალისწინებული 3 -დღიანი დაჩქარებული მომსახურების, მე-2 და 2² პუნქტებით გათვალისწინებული დაჩქარებული მომსახურებისა;” ;

გ) წესის მე-5 მუხლის მე-4 პუნქტის ,,გ” ქვეპუნქტი ჩამოყალიბდეს შემდეგი რედაქციით:

,,გ) განსაკუთრებული სამშენებლო რეგულირების ზონაზე, გარდა პირველი პუნქტის ,,ა” ქვეპუნქტით გათვალისწინებული 5 და 10 -დღიანი დაჩქარებული მომსახურებისა, ,,გ.ა.” ქვეპუნქტისა, ,,გ.ბ.” და ,,გ.გ.” ქვეპუნქტებით გათვალისწინებული 3 -დღიანი დაჩქარებული მომსახურების, მე-2 და 2² პუნქტებით გათვალისწინებული დაჩქარებული მომსახურებისა;” ;

დ) წესის მე-5 მუხლის მე-4 პუნქტის ,,დ” ქვეპუნქტი ჩამოყალიბდეს შემდეგი რედაქციით:

,,დ) III და IV კლასის შენობა-ნაგებობებზე, გარდა ინდივიდუალური საცხოვრებელი სახლებისა და პირველი პუნქტის ,,ა” და ,,გ.ა.” ქვეპუნქტებით გათვალისწინებული დაჩქარებული მომსახურების, მე-2 და 2² პუნქტებით გათვალისწინებული დაჩქარებული მომსახურებისა ”.

2. დადგენილება ძალაში შედის გამოქვეყნებისთანავე.

ქ. თბილისის მერის პირველი მოადგილე (ვიცე-მერი)                                         დ. ნინიძე