1. ქალაქ ქუთაისის ადმინისტრაციულ საზღვრებში ადგილობრივი საქალაქო რეგულარული სამგზავრო გადაყვანის განსახორციელებლად აუცილებელია ნებართვის მიღება წინამდებარე წესის შესაბამისად.
2. ადგილობრივი საქალაქო რეგულარული სამგზავრო გადაყვანის ნებართვა ქალაქ ქუთაისში გაიცემა თვითმმართველი ქალაქის – ქუთაისის საკრებულოს დადგენილებით დამტკიცებულ M1 M2 და M3 კატეგორიის ავტოსატრანსპორტო საშუალებების რეგულარულ მარშრუტებზე.
3. კონკურსი ცხადდება:
ა) M1 კატეგორიის ავტოსატრანსპორტო საშუალებებით (მსუბუქი ავტომობილებით) ადგილობრივი საქალაქო რეგულარული სამგზავრო გადაყვანის განხორციელებისათვის ნებართვის გასაცემად;
ბ) M2 კატეგორიის ავტოსატრანსპორტო საშუალებებით (ავტობუსებით) ადგილობრივი საქალაქო რეგულარული სამგზავრო გადაყვანის განხორციელებისათვის ნებართვის გასაცემად;
გ) M3 კატეგორიის ავტოსატრანსპორტო საშუალებებით (ავტობუსებით) ადგილობრივი საქალაქო რეგულარული სამგზავრო გადაყვანის განხორციელებისათვის ნებართვის გასაცემად;
4. მარშრუტზე გაიცემა ერთი ნებართვა.
კონკურსის ორგანიზება, კომისია, კონკურსში მონაწილეობის პირობე