განათლების სფეროში სახელმწიფო დაკვეთის მექანიზმის სრულყოფის ღონისძიებათა შესახებ
🕸️ გრაფი — კავშირების ვიზუალიზაცია
ცვლილებები (1)
დოკუმენტის ტექსტი
საქართველოს პრეზიდენტის
ბრძანებულება №514
2000 წლის 4 დ ე კემბერი
ქ. თბილისი
განათლების სფეროში სახელმწიფო დაკვეთის მექანიზმის სრულყოფის ღონისძიებათა შესახებ
საქართველოს ეკონომიკის ეფექტიანი განვითარება მნიშვნელოვანწილად დამოკიდებულია კვალიფიციური მუშათა კადრებისა და უმაღლესი განათლების მქონე სპეციალისტების რაოდენობასა და ხარისხზე და ამ მხრივ დიდი მნიშვნელობა ენიჭება მათი მომზადების რეგულირებას სახელმწიფოს მიერ მისთვის კანონმდებლობით მინიჭებული უფლებამოსილების ფარგლებში. ბოლო წლებში განხორციელებული მთელი რიგი მნიშვნელოვანი ღონისძიებების მიუხედავად, შრომის ბაზრის კონიუნქტურის შესაბამისი კვალიფიციური მუშათა კადრებისა და სპეციალისტების მომზადება დახვეწას მოითხოვს. საჭიროა კანონქვემდებარე ნორმატიული აქტების შემუშავებითა და დამტკიცებით რამდენიმე თანამიმდევრული ეტაპის განხორციელება, რომელთა საბოლოო მიზანი იქნება მათი სპეციალურ პროგრამად ჩამოყალიბება, ხოლო დაკვეთა აკრედიტებულ სასწავლებლებს შორის მოწყობილი ტენდერის საფუძველზე განთავსდება.
საქართველოში საბაზრო ეკონომიკის შესაბამისი კვალიფიციური მუშათა კადრებისა და სპეციალისტების მომზადების სრულყოფის, აგრეთვე შრომის ბაზრის ლეგალიზებისათვის ხელშეწყობის მიზნით:
1. დამტკიცდეს განათლების სფეროში სახელმწიფო დაკვეთის მექანიზმის სრულყოფის ღონისძიებათა თანდართული ნუსხა.
2. საქართველოს ეკონომიკის, მრეწველობისა და ვაჭრობის სამინისტრომ (ი.ჩხარტიშვილი), განათლების სამინისტრომ (ა.კარტოზია), ფინანსთა სამინისტრომ (ზ.ნოღაიდელი), შრომის, ჯანმრთელობისა და სოციალური დაცვის სამინისტრომ (ა.ჯორბენაძე), სტატისტიკის სახელმწიფო დეპარტამენტმა (თ.ბერიძე) ერთ თვეში უზრუნველყონ უმაღლესი განათლების მქონე სპეციალისტებზე ქვეყანაში არსებული საბაზრო მოთხოვნის გათვალისწინებით 2001-2002 სასწავლო წელს სახელმწიფო დაკვეთის მაჩვენებლების ოპტიმიზაციის თაობაზე წინადადებათა მომზადება.
ე. შევარდნაძე
განათლების სფეროში სახელმწიფო დაკვეთის მექანიზმის სრულყოფის ღონისძიებათა ნუსხა
| N | ღონისძიებათა დასახელება | შემსრულებელი | შესრულების ვადა | სამუშაოს ფორმა |
| 1. | დაწყებითი პროფესიული და საშუალო პროფესიული განათლების სისტემების რეორგანიზაციისა და ფუნქციონირების სრულყოფის პროგრამის შემუშავება | განათლების სამინისტრო, დაინტერესებული სამინისტროები და უწყებები | 2000 წ. IV კვ. | კანონქვემდ. ნორმატ. აქტი |
| 2. | სახელმწიფო საგანმანათლებლო დაწესებულებათა ჩამოყალიბება „განათლების შესახებ“ კანონით განსაზღვრული სამართლებრივი ფორმით | განათლების სამინისტრო, იუსტიციის სამინისტრო, დაინტერესებული სამინისტროები და უწყებები | 2000 წ. IV კვ. 2001წ. I კვ. | -„- |
| 3. | დაწყებითი პროფესიული განათლების პროფესიათა, საშუალო პროფესიული და უმაღლესი განათლების სპეციალობათა ნუსხის შემუშაება და დამტკიცება | განათლების სამინისტრო, დაინტერესებული სამინისტროები და უწყებები | 2000 წ. IV კვ. | -„- |
| 4. | სახელმწიფო საგანმანათლებლო სტანდარტებისა და სახელმწიფო საგანმანათლებლო პროგრამების შემუშავება და დამტკიცება | განათლების სამინისტრო, დაინტერესებული სამინისტროები და უწყებები | 2001 წ. II კვ. | -„- |
| 5. | განათლების სფეროში სახელმწიფო ფინანსური ნორმატივების შემუშავება და დამტკიცება | ფინანსთა სამინისტრო, განათლების სამინისტრო, ეკონომიკის, მრეწველობისა და ვაჭრობის სამინისტრო | 2001 წ. III კვ. | -„- |
| 6. | საგანმანათლებლო დაწესებულებათა აკრედიტაციის მოწყობა | განათლების სამინისტრო | 2001-2002 წ.წ. | -„- |
| 7. | შრომის ბაზარზე კვალიფიციურ მუშა კადრებსა და სპეციალისტებზე არსებული მოთხოვნის შესწავლა და მისი პერსპექტიული პროგნოზის შემუშავება შრომის ბაზრის ლეგალიზების ხელშეწყობის მიზნით | შრომის, ჯანმრთელობისა და სოციალური დაცვის სამინისტრო, ეკონომიკის, მრეწველობისა და ვაჭრობის სამინისტრო | 2001 წლის განმავლობაში | -„- |
| 8. | განათლების სფეროში სახელმწიფო დაკვეთის წესის შემუშავება და დამტკიცება | ეკონომიკის, მრეწველობისა და ვაჭრობის სამინისტრო, ფინანსთა სამინისტრო, განათლების სამინისტრო, დაინტერესებული სამინისტროები და უწყებები | 2001 წ. II კვ. | -„- |
| 9. | სახელმწიფო დაკვეთის განთავსება „სახელმწიფო შესყიდვების შესახებ“ საქართველოს კანონის შესაბამისად | განათლების სამინისტრო, ეკონომიკის, მრეწველობისა და ვაჭრობის სამინისტრო | 2002 წ. II კვ. | -„- |