ჩრდილოატლანტიკური ხელშეკრულების ორგანიზაციის (ნატო) საიდუმლო და კონფედენციალური ინფორმაციის უსაფრთხოებისათვის პასუხისმგებელი ორგანოს განსაზღვრის შესახებ

საქართველოს პრეზიდენტის

ბრძანებულება №1044

2005 წლის 13 დეკემბერი

ქ. თბილისი

ჩრდილოატლანტიკური ხელშეკრულების ორგანიზაციის (ნატო) საიდუმლო და კონფედენციალური ინფორმაციის უსაფრთხოებისათვის პასუხისმგებელი ორგანოს განსაზღვრის შესახებ

ჩრდილოატლანტიკური ხელშეკრულების ორგანიზაციის (ნატო) საიდუმლო და კონფედენციალურ ინფორმაციაზე დაშვების ორგანიზაციულ ღონისძიებათა უზრუნველყოფის მიზნით:

1. ჩრდილოატლანტიკური ხელშეკრულების ორგანიზაციის საიდუმლო და კონფედენციალური ინფორმაციის უსაფრთხოებისათვის პასუხისმგებელ ორგანოდ განისაზღვროს საქართველოს თავდაცვის სამინისტრო.

2. საქართველოს თავდაცვის მინისტრს მიენიჭოს უფლებამოსილება, რომ გასცეს ჩრდილოატლანტიკური ხელშეკრულების ორგანიზაციის საიდუმლო და კონფედენციალურ ინფორმაციაზე მუშაობის ნებართვა.

3. ჩრდილოატლანტიკური ხელშეკრულების ორგანიზაციის საიდუმლო და კონფედენციალური დოკუმენტების ცენტრალური რეგისტრი აწარმოოს საქართველოს თავდაცვის სამინისტრომ.

4. ძალადაკარგულად გამოცხადდეს ,,ჩრდილოატლანტიკური ხელშეკრულების ორგანიზაციის (ნატოს) საიდუმლო და კონფედენციალური ინფორმაციის უსაფრთხოებისათვის პასუხისმგებელი ორგანოს განსაზღვრის შესახებ” საქართველოს პრეზიდენტის 2004 წლის 19 თებერვლის №67 ბრძანებულება.

მ. სააკაშვილი