ჩრდილოატლანტიკური ხელშეკრულების ორგანიზაციის (ნატოს) საიდუმლო და კონფიდენციალური ინფორმაციის საფრთხოებისათვის პასუხისმგებელი ორგანოს განსაზღვრის შესახებ

საქართველოს პრეზიდენტის

ბრძანებულება №67

2004 წლის 19 თებერვალი

ქ. თბილისი

ჩრდილოატლანტიკური ხელშეკრულების ორგანიზაციის  (ნატოს) საიდუმლო და კონფიდენციალური ინფორმაციის  საფრთხოებისათვის პასუხისმგებელი ორგანოს განსაზღვრის შესახებ

ჩრდილოატლანტიკური ხელშეკრულების ორგანიზაციის (ნატოს) საიდუმლო და კონფიდენციალურ ინფორმაციაზე დაშვების ორგანიზაციულ ღონისძიებათა უზრუნველყოფის მიზნით:

1. ჩრდილოატლანტიკური ხელშეკრულების ორგანიზაციის  საიდუმლო და კონფიდენციალურ ი ინფორმაციის უსაფრთხოებისათვის პასუხისმგებელ ორგანოდ განისაზღვროს საქართველოს ეროვნული უშიშროების საბჭოს აპარატი.

2. საქართველოს პრეზიდენტის თანაშემწეს ეროვნული უშიშროების საკითხებში – ეროვნული უშიშროების საბჭოს მდივანს მიენიჭოს უფლებამოსილება, რომ გასცეს ჩრდილოატლანტიკური ხელშეკრულების ორგანიზაციის საიდუმლო და კონფიდენციალურ ინფორმაციაზე მუშაობის ნებართვა.

3. ჩრდილოატლანტიკური ხელშეკრულების ორგანიზაციის საიდუმლო და კონფიდენციალური დოკუმენტების ცენტრალური რეგისტრის წარმოების ამოცანათა გადაწყვეტის მიზნით საქართველოს ეროვნული უშიშროების საბჭოს აპარატის საორგანიზაციო და საიდუმლოების დაცვის დეპარტამენტს გამოეყოს ერთი მთავარი მრჩევლის საშტატო ერთეული არსებული ასიგნებების ფარგლებში.

4. სა­ქარ­თვე­ლოს პრეზიდენტის ადმინისტრაციის სა­ხელ­მწი­ფო უზრუნ­ველ­ყო­ფის სამ­სა­ხურ­მა უზრუნველყოს საქართველოს ეროვნული უშიშროების საბჭოს აპარატის საორგანიზაციო და საიდუმლოების დაცვის დეპარტამენტი ჩრდილოატლანტიკური ხელშეკრულების ორგანიზაციის საიდუმლო და კონფიდენციალური დოკუმენტების ცენტრალური რეგისტრის წარმოებისათვის საჭირო მატერიალურ-ტექნიკური საშუალებებით.

მ. სააკაშვილი